تورکیه مطبوعاتی اؤزتی 15.12.2015
حریت: روس ساواش گمیسینه ایستانبول بوغازیندا دنیزآلتی‌لی تعقیب
روس دونانماسینا عاید کاسار کونیکوو آدلی ساواش گمیسی، تورک دونانماسینا عاید بیر دنیزآلتی ایداره‌سینده ایستانبول بوغازین‌دان کئچدی. اوخشار گمی 4 دسامبردا بوغاز کئچیشی اثناسیندا گووئرته‌دکی بیر روس عسکرین چیگی‌نینده موشک داشیماسییلا موذاکیره‌یه سبب اولموشدو. بوغاز کئچمه‌سینه سرعتله یول آلان گمییه ساحل گوونلیک قاییقی یولداش‌لیق ائتدی.روس ساواش گمیسی، تورک دونانماسینا عاید بیر دنیزآلتی ایداره‌سینده کئچدی. دنیزآلتی، 3. کؤرپو ساحل‌لرینده اوسته چیخا‌راق تعقیبی بوراخدی.
یئنی شفق: موصول‌دا عسکره ایلک تعلیمات
موصولداکی ائیتیم فعالیت‌لری ایچینده نیظامی وارلیغینی آرتیران تورکیه، باشیکاداکی عسکرلره ایلک وظیفه تعلیماتینی وئردی.تعلیمات ایستیقامتینده عسکرلرین بیر قیسیمینی عراقین شمالینا قونوشلاندیردی. بیرلیک‌لر، داعش تهدیدی آلتین‌داکی موصول آنبارینی قورویا‌جاق. تورک نیظامی بو وظیفه‌نی، اؤیرددیگی پیشمرگه گوجلری ایله یئرینه گتیره‌جک. تعلیمات، عراق مرکزی حکومتینه قارشی بیر یاخشی نیت حمله اولا‌راق قبول ائدیلدی.
ایستار: تورکیه‌یه یاتیریم فصی
تورکیه ایله اوروپا آراسیندا اقتصادی و پول باشلیقلا آچیلان 17. فصیل، اقتصادا مثبت قاتقی ائده‌جک. اوروپا بیرلیگی ایله یئنی‌دن موذاکیره‌یه اوتورولماسی ایش دونیاسی طرفین‌دن ثبت قارشیلاندی.ایش دونیاسی اوروپا بیرلیگی ایله تورکیه آراسین‌داکی اقتصادی باغین داها دا گوجلنه‌جگینی ایفاده ائدرکن، خاریجی یاتیریملارین دا تورکیه‌یه داها چوخ ماراق گؤستره‌جگینی دوشونور.
وطن: مجبور قالینجا
تورکیه‌یه ایستیقامت‌لی گؤمروک اویغولاماسی سببیله سن پترزبورگ‌داکی اوتوموبیل بؤیوک شیرکتلری‌نین موسیسه‌لری دورما نقطه‌سینه گلینجه روسیا، گؤمروک گؤزلددیغی تورک اوتوموبیل یان صنایع محصول‌لاری‌نین گیریشینه یاشیل ایشیق یاندیردی. سن پترزبورگ صنایع سیاست‌لر کومیته‌سی باشقانی ماکسیم میک، سن پترزبورگ‌دا فعالیت گؤسترن تویوتا فیرماسی اوچون 11، بوش-زیمنس فیرماسی اوچون ایسه 2 کانتینر گؤمروک‌دن کئچدیگینی سؤیله‌دی. میک، دیگر کانتینرلر ایسه گؤمروک نظارت مرکزینده اولدوغونو ایفاده ائتدی.
صاباح: عائله دوکتورلوغو بوتیک خسته‌خانا اولا‌جاق
عائله دوکتورلوق‌لارینی سیل باش‌دان دوزنله‌یه‌جک یئنی بیر فعالیت باشلادیلدی. ناظیر مؤذینوغلو، بو مرکزلرین بوتیک خسته‌خانا‌لارا دؤنوشدوروله‌جگینی سؤیله‌دی. مؤذینوغلو، حرکت پلانی چرچیوه‌سینده اؤنوموزدکی 6 آی ایچینده اوچ اهمیت‌لی دوزنلمه‌نی حیاتا کئچیره‌جک‌لرینی آچیقلادی. مؤذینوغلو، "عائله دوکتورلوغو نؤبتدن ایشلییشه، بینا‌لارینا قدر یئنی‌دن اله آلینا‌جاق. 3-4 عائله دوکتورونون اولدوغو یئرده بیر دیش دوکتورو، بیر عاجیل یاردیم ایستگاهی اولا‌جاق. بورا‌لار پسیکولوق و دیئتیسینی ده اولاجاغی بوتیک خسته‌خانا‌لارا چئوریله‌جک. صاباح 8دن آخشام 20-یه قدر 7 گون خیدمت وئره‌جک. ایلک اعتاپدا مین، عمومی 3 مین بئله بینا ائدجگیک "دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
