تورکیه مطبوعاتی اؤزتی 14.12.2015
یئنی آکید: "دونیانین 5دن بؤیوک اولدوغونو گؤرهک"
باش باخان کؤمکچیسی نومان کورتولموش، دونیاداکی حاکم پارادیقما چؤکدوگونو ایفاده ائدهرک، 'اینسانلیق، آرتیق بین الخالق موقاویلهلرده قالان بزکلی جملهلردن عبارت. بو سیستم داوام ائده بیلمز. تورکیه اؤز مدنیتیندن ایلهام آلاراق دونیایا قاباقجیل اولاجاق 'دئدی. بیرلشمیش میللتلرده 5 اؤلکهنین 195 اؤلکهدن داها ایمتیازلی اولدوغونو وورغولایان کورتولموش، 'دونیانی 5 اؤلکهنین اینسافینا ترک ائتسهنیز هئچ بیر اینسانلیق گوناهینین، قیرغینین حسابینی سوراماز دئدی.
ایستار: "تورکیهیه گووننلر هئچ ایتیرمهدی"
علم صنایع و تکنولوژی باخانی فیکری ایشیق، اوچونجو دؤرددبیرده گؤزلنیلهنین اوزرینده گلن یوزده 4لوک بؤیومه رقمینین 2016-جی ایل اوچون ده اومید وئردیگینی سؤیلهدی. باخان ایشیق، 'تورکیهیه گوونن اینسانلار بو گونه قدر هئچ ایتیرمدیگینی کیمی بوندان سونرا دا ایتیرمز دئدی. باخان ایشیق، بؤیومهده اوره تیمی صنایهنین بؤیوک رول اوینادیغینی، ثابیتلیگین داوام ائدهجگینی وورغولادی.
صاباح: "بؤیوک پروژه مناقصه مرحلهسینه گلدی"
دونیانین ان دلی پروژهلریندن کانال ایستانبول اوچون سون آددیملار آتیلیر. پروژه مسیریندکی اراضیلرین ایستیفاده ائتمه کیفیتلری تثبیت ائدیلدی. حاضیرلانان پلان چئوره و شهرجیلیک باخانلیغینا تسلیم ائدیلدی. ایستانبولون چوخ بؤیوک قیسیمینی آدایا چئویرهجک کانال ایستانبول اوچون اؤنوموزدکی آیلاردا مناقصه پروسهسی باشلایاجاق. قارا دنیز و مرمرهنین مصنوعی بیر بوغازلا باغلاناجاغی پروژه کانال ایستانبولدان گونده 150- 160 گمی کئچهجک.
یئنی شفق: "رقابت طبیعی گاز قیمتلرینی آشاغی سالیر"
روسیانین دونیانی دوغال گازلا تهدید ائدن رفتاری اوروپا بیرلیگی اؤلکهلرینی ناراحات ائدیر. بو وضعیت، روسیانین اؤزونو قلوبال تیجارتدن هر گون اوزاقلاشدیرماسینا سبب اولاراق طبیعی گاز قیمتلرینه مثبت عکس اولوناجاق بیر پروسهنین باشلاماسینا دا زمین حاضیرلاییر. بو چرچیوهده تورکیهنین قطر و آذربایجاندان طبیعی گاز گتیرمه حرکتی بازارلاردا مثبت تأثیر میدانا گتیررکن، آردیندان ایسرائیلین ده ' تورکیهیه طبیعی گاز ساتابیلیریک آچیقلاماسی انرژی بازارلارینداکی یئنی دؤورو ایشاره ائدیر. طبیعی گازدا رقابتین قیزیشاراق قیمتلرین دوشهجگی بیر دؤورون باشلایاجاغینی ایفاده ائدن متخصصلر، رقابتچی بیر بازاردا گازین ژئوپولیتیک سلاح اولاراق ایستیفاده ائدیلمهسی آرتیق مومکون اولمایاجاغینی ایفاده ائدیر.
خبرتورک: "تورک کشفیاتی، داعشین پلانینی دئشیفره ائدیب اوروپانی خبردار ائتدی"
ترور تشکیلاتی داعشین، فرانسانین پایتختی پاریس'ده رئاللاشدیردیغی و 132 نفرین حیاتینی ایتیردیگی سالدیریلارین آردیندان یئنی تدبیرلر اوچون حاضیرلاندیغی بللی اولوندو. تورک کشفیات واحیدلری، داعشین یئنی تدبیرلر اوچون اوست سویه لیدرلری ایله گؤروشمه گئچیردیغینی بیلدیردی. کوبانینین تخمینن 4 مین میلیتانینی ایتیرن داعشین قورو حرکاتیندا چوخ ایتکی وئرممک اوچون ایلک اعتابدا گئری چکیلهجگی ده کشفیات راپورلارینا عکس اولوندو. بو تثبیتلرین آردیندان بوتون یورددا و اوروپادا اولا بیلهجک سالدیریلارا قارشی آلارم وئریلدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.