تورکیه مطبوعاتی اؤزتی 30.11.2015
صاباح: "ویزا اوروپا گئرچک اولور"
تورکیه-اوروپا بیرلیگی موناسیبتلرینده 11 ایل سونرا یئنی بیر صحیفه آچیلدی. بروکسلده دونن توپلانان اوروپا-تورکیه ذیروهسینده 3 اوغور الده ائدیلدی. بونلار؛ اوروپا بیرلیگی کومیسیونو، 2016 اوکتوبر راپوروندا ویزا سیاحتی تکلیف ائدهجک، اوروپا، تورکیهدکی سوریهلیلر اوچون، باشلانغیج اولاراق 3 میلیارد آورولوق قایناق تامین ائدهجک و 14 دسامبردا اقتصادی و پول پولیتیکا باشلیقلی 17-جی فصل آچیلاجاق. 2016ین ایلک گئیرگینده بعضی فصللر اوچون ده ایش ائدیلهجک.
یئنی آکید: "روس تحریمنه قارشی عربلردن سوسیال مئدیا دستگی"
روسیا دولت باشقانی پوتینین تورک محصوللارینا یؤنلیک تحریملری تصدیق ایمضانی آتماسینین آردیندان عرب دونیاسی اجتماعی مئدیا اوزریندن تورکیهیه دستک کامپانیالاری باشلاددی. عرب ضیالیلارین چوخ دستگینی آلان کامپانیالاردا، "موسلمانام و تورکیه همرایلیک ایچیندهیم"، "آرابیم و تورکیه ایله همرایلیک ایچیندهیم"، "تورک محصوللارینا دستک اول" هشتگ ایستیفاده ائدیلدی. چوخ سایدا مئدیا منسوبو، توییتر فنومنی، فعال و یازارین داخیل اولدوغو دستک کامپانیاسیندا ائدیلن پایلاشمالاردا، "تورک محصوللارینین دستکلنمهسی بوتون موسلمان و عربلرین وظیفهسیدیر"، "تورک محصوللاری چوخ کیفیتلیدیر و قیمتلری اویغوندور. عرب دونیاسینین هر یئرینده تورک شیرکتلری وار "دئییلدی.
خبرتورک: "روس خالقی پوتینی گوناهلاندیریر"
تورکیهنین هاوا ساحهسینی پوزونتو ائدن روس ساواش تییارهسینی سالماسی اوزرینه ایکی اؤلکه آراسیندا یاشانان گرگینلیک داوام ائدرکن، روسیادا موضوع حاقیندا بیر آنکت تشکیل ائدیلدی. روس خبر آژانسی روسبالت طرفیندن ائدیلن آنکته گؤره، روسلارین یوزده 37سی تورکیه ایله علاقهلرین پیسلشمهسی سببینین کرملین سهو حسابلاری اولدوغونو دوشونور. روسیانین تورکیه ایله دوشمن اولماسیندان "تورکیهنین ماراقلارینی گؤز آردی ائدهرک 'سوریهیه گیر دئین مصلحتچیلری" مسئول توتانلارین نیسبتی ایسه یوزده 36.
یئنی شافاک: "شمالی اعراقدا ایشلر آچیلیر"
ایکی ایل سونرا تورکیه اوزریندن ایلک گاز ایخراجینی ائتمهسی گؤزلنیلن شمالی عراقدا، روسیانین بحرانا سبب اولان رفتاری سونراسی ایشلره سرعت وئریلمهیه باشلاندی. بؤلگهسل، تورکیهنین 50 ایللیک طبیعی گاز احتیاجینی تک باشینا قارشیلایابیلهجک رزرولره صاحب. شمالی عراقدان ایلک طبیعی گازین ایکی ایل ایچینده تورکیهیه آخماسی گؤزلنیلیر. 2020ده 20 میلیارد متر مکعب گازین تورک بازارینا گیرجگی ایفاده ائدیلیر.
وطن: " مرزده موشکلره قارشی نیظامی تدبیر"
تهدید میدانا گتیرن راکت، تییاره و رادار سیستملرینی، سیگنال قاریشدیرما خصوصیتی ایله تاثیرسیز حالا گتیرن، ASELSAN اورهتیمی " KORAL" آدلی یئرلی هاوا ساونما سیستمی، سوریه مرز خطینه سؤوق ائدیلهرک آکتیو حالا گتیریلدی. میللی اورهتیم اولان KORAL هاوا ساوونما سیستمی، 100 کیلومتر منزیله صاحب. سیستم، تهدید میدانا گتیرن راکت، تییاره و رادارلارین یؤن سیستملرینی سیگنال قاریشدیرما خصوصیتی ایله تاثیرسیز ائدیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.