تورکیه مطبوعاتی اؤزتی 29.11.2015
ایستار "پاریس فورصتی قاچماسین"
پرزیدنت رجب طیب اردوغان و روسیا دولت باشقانی ولادیمیر پوتین، تورک هاوا ساحهسینی پوزان و سالینان تییاره بحرانی سونراسی پاریسدکی ایقلیم ذیروهسینه قاتیلاجاق. ایکیلی گؤروش طلبی چاتدیران اردوغان، "پاریس، علاقهلریمیزین تعمیری اوچون بیر فورصتدیر. روسیا تورکیه اوچون نه قدر اهمیتلیدیرسه، تورکیه ده روسیا اوچون او جور اهمیتلی. گلین موضونو حل ائدک، کیمسهنی ده سئویندیرمیین" دئدی.
یئنی شفق "قارداشلیق چتین زاماندا گرک"
روسیانین گؤمروک قاپیلاریندا دایاندیردیغی تورک تریلیلرینین قازاخیستان، قیرغیزیستان و تاجیکیستانا چاتماسی اوچون قارداش اؤلکه آذربایجان قاپیلارینی آچدی. تورکیه نؤمرهلی ماشینلار، آذربایجان، خزر دنیزی و تورکمنیستان دهلیزینین ایستیفاده ائدهجک. مسافه اولاراق دا داها قیسا اولان خزر کئچیشینین قالیجی حالا گلمهسی گوندمده. مسیر قالیجی اولسا آذربایجان ایقتیصادینا ده فایدا تامین ائدهجک.
خبرتورک "ائلچییه سون سؤزو: ساواش، چاتیشما ایستمیریک"
دیاربکیر وکیللر کانونو باشقانی طاهیر ائلچی، سور منطقهسینده ایشتیراک ائدن دؤرد آیاقلی مینارهیه یؤنلیک سلاحلی سالدیریلارا دقت چکمک اوچون مطبوعات آچیقلاماسی ائدرکن، ترورچولارلا پولیس آراسیندا چیخان چاتیشمادا باشینا ایصابت ائدن گولله سببیله حیاتینی ایتیردی. ائلچییه اؤلمهدن اوّل مطبوعات آچیقلاماسینداکی سون سؤزلری بئله اولدو: "بو تاریخی بؤلگهده بیر چوخ مدنیته بئشیکلیک ائتمیش، ائو صاحبلیگی ائتمیش بو قدیم بؤلگهده اینسانلیغین اورتاق مکانیندا سلاح چاتیشماسی، عملیات ایستمیریک. 'ساواشلار، چاتیشمالار، سلاحلار، عملیاتلار سبو ساحهدن اوزاق اولسون دئییریک . "
صاباح: WAVE اینوواسیون سرگیسی TEB ایستانبولدا
تورکیه ایسه اینوواسیون هفتهسینین دؤرد ایلدن بو یانا ایستراتژی اورتاغی اولان تورک اکونومی بانکی (TEB)، بو ایلکی فعالیت ایچینده WAVE اینوواسیون سرگیسینده ایستانبولا گتیریر. بو گونه قدر پاریس، میلان و سان فرانسیسکو کیمی دونیانین مشهور شهرلرینده کئچیریلن سرگی، 3-5 دسامبر تاریخلری آراسیندا ایستانبول کونگره مرکزینده زیارتچیلرله گؤروشهجک. دونیانین دؤرد بیر یانیندان ایلهام وئریجی 23 اینوواسیون پروژهسینین آلدیغی سرگیده، تورکیهدن ده 3 پروژه وار.
وطن "آتاتورک هاوالیمانی Google Street View علاوه اولدو"
ایستانبول آتاتورک هاوالیمانی 360 درجه پانوراما نقشهسی چیخاریلاراق تورکیهده Google Street View علاوه ائدیلن بیرینجی هاوالیمانی اولدو. اویغولاما ایله ایستیفادچیلر هاوالیمانی ایچینده گزهرک گئرچهیه یاخین بیر تجروبه الده ائده بیلیر. یولچولارین سیاحت پلانلارینی آسانلاشدیراجاق و هاوالیمانی حاقیندا اطرافلی معلومات الده ائتمهلرینی تامین ائدهجک پولسوز اویغولاما دیگر هاوالیمانلاریندا دا یاییلماسی پلانلاشدیریلیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718506323)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.