تورکیه مطبوعاتی اؤزتی 10.11.2015

یئنی شفق: قارا حرکاتینا یاشیل ایشیق
باش ناظیر داوود اوغلو، جی-20 ایجلاسی اوّلینده داعشه قارشی اورتاق بیر قارا حرکاتینا یاشیل ایشیق یاندیردی. CNN انترناسیونالا دانیشان باش ناظبر داوود اوغلو، تورکیه‌نین آمریکا لیدرلیگین‌دکی کوالیسیونلا بیرلیکده، یاخشی بیر ایستراتژی اولماسی وضعیتینده داشه قارشی قارا حرکاتیندا رول آلمایا حاضیر اولدوغونو وورغولادی. باش ناظیر داوود اوغلو، "قارا گوجو، همیشه بیرلیکده دانیشماق، پایلاشمامیز لازیم اولان بیر وضعیت. هاوا و قارا عملیاتی اولماقلا بیرلیکده اینتقراسیون بیر ایستراتژگی‌یه احتیاجیمیز وار. آنجاق تورکیه تک باشینا بوتون یوکو اوسته‌لنه‌مز "دئدی.
ایستار: 77 ایلدیر حسرتله
جمهوریتیمیزین قوروجوسو غازی مصطفی کمال آتاتورک وفاتی‌نین 77. جی ایلده خاطیرلانیر. بو گون ساعات 09: 05-ده سیرن یولداشلیغیندا سایقی دوروشوندا اولونا‌جاق. بوتون تورکیه‌ده بایراق‌لار یاری‌یا ائندیریله‌جک.
صاباح: روس توریست مسیری تورکیه‌یه قیردی
میصیردان روسیایا گئدن یولچو تییاره‌سی‌نین سالینماسی و اؤلکه‌یه ائدیلن تییاره سفرلری‌نین لغو ائدیلمه‌سی نتیجه‌سینده روس اوپراتورلاری، مسیری تورکیه‌یه چئویردی. یولچو‌لارینا آلترناتیو مسیرلری تکلیف ائدن روس تور اوپراتورلاری، ایلک سیرایا آنتالیانی قویدو. بو ایلین ایلک 10 آییندا یوزده 20 آزالان روس توریست سایسی‌نین نوامبر و دسابمر آیلاریندا آرتماسی گؤزلنیلیر. نوامبر-دسامبر آیلاریندا آنتالیایا گلن روس توریست سایینا یوزده 10 آرتیم گؤزلنیلدیگینی دقت چکن سکتور نماینده‌لری، تییاره یانا‌جاق دستگی‌نین اوزادیلماسی وضعیتینده، 2016دا 2014 رقم‌لرینه چاتیلا بیله‌جگینی وورغولادی.
حریت: قاچقین اوشاق‌لارا یووا
تورکیه‌یه کیمسه‌سیز سیغینان قاچقین اوشاق قورویوجو عائله یانینا وئریله بیله‌جک. عائله و سوسیال سیاست‌لر ناظیرلیگی، اؤزون‌دن مسئول بیر یئتیشکینین موشاییت اولما‌دان تورکیه‌یه گلن و یا داخیل ائتدیک‌دن سونرا رفاقت‌سیز قالان اوشاق‌لارا ایستیقامت‌لی "رفاقت‌سیز اوشاق دیرکتیو" حاضیرلادی. بونا گؤره ناظیرلیک اوشاق‌لارین گؤروشونو آلا‌جاق و تورک یا دا اؤز میللتین‌دن بیری‌نین یانینا وئریلمه‌سینی تامین ائده‌جک.
خبر تورک: تورکیه‌نین ایلک ایشیق فستیوا‌لی زورلو سنترده!
بیرلشمیش میللت‌لر تشکیلاتی‌نین طرفین‌دن بین الخالق ایشیق ایلی اعلان ائدیلن 2015-جی ایلده تورکیه‌نین ایلک ایشیق فستیوالینا زورلو سنتر ائو صاحب‌لیگی ائده‌جک. محتشم اثرلری دونیاجا مشهور 22 ایشیق صنعتچیسینی بیر آرایا گتیره‌جک ایستانبول لایت فستیوال زورلو سنتر، شهری ایشیق ساچان بؤیوک بیر صنعت اثرینه چئویرمک. 13-29 نوامبر تاریخ‌لری آراسیندا 17 گون داوام ائده‌جک فستیوالدا ک23 اثر یئر آلا‌جاق.