تورکیه مطبوعاتی اؤزتی 26.10.2015
وطن قزئتی: بو دا ایلک میللی ساواش تییارهسی
میللی اوتوموبیلدن سونرا میللی ساواش تییارهسینده ده کونسپت بللی اولدو. ایکی ایل اوّل اوچ فرقلی کونسپت اوزرینده ایشلرینی داوام ائتدیرن TAİ و هاوا گوجلری سونوندا جوت موتورلو تییارهده قرار وئردی. FX-1-ین سری اورهتیمی 2015-جی ایلده باشلاییر. TAİ-نین میللی ساواش اوچاغینین ایلک اوچوشو و پروژهنین سونراکی هدف مرحلهلرینی تعیین سونومدا FX-1 تییارهسی اوچون 2013 ایله 2023 ایللری آراسی سیستم اینکیشاف و گؤستریم هدفلرینده تاماملاناجاغی بیلدیریلیر. تییارهنین 2023-جو ایلده ایلک دفعه تورکیه گؤیلرینده اوچماسی هدفلنیر.
ایستار قزئتی: ترورون ایزلری سیلینیر
بؤلوچو تروریستلرین دیاربکیرین سور منظقهسینده سالدیری تاریخی مسجید و کیلسهلرده تعمیر ایشلری باشلادی. پ.ک.ک ترورچولارین، یونسکو-نون دونیا میراث لیستهسینه یازیلان دیاربکیر سورلاری و هئوسل باغچهلرینین یئر آلدیغی سور منطقهسینده تشکیل ائتدیگی سالدیریلار، تاریخی بینالارا دا زرر وئردی. رستوراسی اوچون داها اول تخمینن 5 میلیون لیره خرجلنن تاریخی قورشونلو، حضرتی سولیمان، عرب شیخ، حصیرلی مسجیدی، دؤرد آیاقلی میناره ایله ارمنی کاتولیک و ارمنی پروتستان کیلسهسینده، کیچیک میقیاسداکی تخریباتلار آرادان قالدیریلدی. قورشونلو احمد جامیسیندکی زیانین بؤیوک اولماسیندان اؤتورو یئنی پروژه حاضیرلاناجاق.
یئنی شفق: ایراندا تورک ماللارینا تقلید چاباسی
تورک نساجی محصوللارینین ایراندا تقلید ائدیلهرک بازارا سورولدوگو اورتایا چیخدی. ایستانبول حاضیر گییم و حاضیر پالتار صادراتچیلاری بیرلیگی (İHKİB) ایداره هیاتی باشقانی حیکمت تانریوئردی، ایراندا تورک ماللارینین کیفیت قبولونون چوخ یوکسک اولدوغونو ایفاده ائدهرک، "ایران خالقی خصوصیله نساجی و حاضبر شابلون محصوللاریندا تورک ماللارینا چوخ گوونیر. وضعیت بئله اولونجا دا بو جور تقلید محصوللارین اولماسی چوخ طبیعی "دئدی.
صاباح "تورک هاوا یوللاری میامییه اوچوشا کئچدی"
تورک هاوا یوللارینین (THY)، آمریکا قارهسینده بوینوس آیرس، ساو پاولو، تورونتو، مونرال، شیکاگو، هوستون، لوس آنجلس، نیویورک، واشینگتون، بوستون و سان فرانسیسکونون آردیندان اوچوش تامین ائدهجگی 12-جی نقطه اولان میامییه ایلک سفری دونن باشلادی. ایستانبول-میامی سفرلری هفتهنین هر گونو قارشیلیقلی اولاراق ائدیلهجک.
خبرتورک "بریل دونیا اوچونجوسو"
ایزمیرده گؤزل صنعتلر دبیرستان شاگیردی اوتیزملی بریل زورلو، کانادادا تشکیل ائدیلن و 25 اؤلکهدن اوتیزملی گنجلرین قاتیلدیغی 6. آنجا دونیا اوتیزم فستیوالیندا "صحنه صنعتلری-گنج" کاتقوریسینده اوچونجولوک اؤدولو آلدی. بریل، آیریجا، اؤنوموزدکی ایل ائدیلهجک 7. دونیا اوتیزم فستیوالینا دا دعوت ائدیلدی. کانادادا صحنهیه چیخاجاغی گونو ایپله چکن بریلین آناسی یئشیم زورلو، "چوخ چتین گونلریمیز اولدو. موسیقی، بریل و بیزیم اوچون بیر قاپی آچدی. بو اؤدول ایسه بیر قاپی داها چیخاریر. هم بریل هم ده فورصت وئریلسه باجارابیلهجک اوتیزملی اوشاق اوچون حساسلیق گؤزلییریک. " دئیه دانیشدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719127982)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.