تورکیه مطبوعاتی اؤزتی 19.10.2015

وطن: "مرکلین تورکیه‌یه 4 ضمانت"
ایستانبولا گله‌رک پرزیدنت اردوغان و باش ناظیر داوود اوغلو ایله گؤروشن آلمانیا باش ناظیری آنگلا مرکل، اوروپایا ویزا‌لارین 2016 ژوئیه‌ده قالخماسی ایله بیرلیکده 4 موضوعدا ضمانت وئردی. بونا گؤره؛ آلمانیا تورکیه‌یه قاچقین بحرانی اوچون 3 میلیارد آورو دستک وئره‌جک. تورکیه اعتبارلی اؤلکه‌لر ایستاتوسونا آلینا‌جاق و تورکیه‌نین اوروپا بیرلیگی عضولوک پروسه‌سینه سرعت وئریله‌جک.
صاباح: "موهاجیرلر قاپییا سؤیکنبنجه گؤزلری آچیلدی"
باش ناظیر کؤمکچی‌سی نومان قورتولموش، قاچقین بحرانی ایله موجادیله بیرلیکده اوروپا قاره‌سینده یاشانان پروبلم‌لری آنکارانین دستگی اولما‌دان آشمانین مومکون اولا بیلمه‌یه‌جگینی اوروپانین دا آرتیق آنلادیغینی سؤیله‌دی. قاچقین‌لارین اوروپانین قاپیسینا دایانماسییلا بیرلیکده آب-نین تورکیه‌نین سوریه پروبلمینه حل تکلیف‌لری موضوعسونا حاق وئرمه‌یه باشلادیغینی وورغولایان قورتولموش؛ 'هئچ بیر اؤلکه سوریه‌یه سلاح و گوج ییغا‌راق بو ساواشی قازانا بیلمز دئدی.
یئنی شفق: "تورکیه یاخینلاشارکن اوروپا اوزاق‌لاشدی"
اوروپا بیرلیگی ناظیری بریل ده‌ده اوغلو، آب-نین تورکیه‌یه عضولوک معلومات موضوعسوندا داوام‌لی مانع چیخاردیغینی سؤیله‌دی. سون 5 ایلده عمومی غضولوک معلومات موذاکیره‌لرینده یالنیز بیر باشلیغین آچیلابیلدیغینی خاطیرلا‌دان ده‌ده اوغلو؛ 'موذاکیره‌لر باشلادیغی آندا آب تورموزا باسدی دئدی. ده‌ده‌ اوغلو آب قاچقین پروبلمی‌نین باش گؤسترمسیله بیرلیکده بو توتومون دییشدیگینی و اوروپادا آرتیق تورکیه‌نی قازانماق لازیم اولدوغو شکلینده دوشونجه‌نین دوغولدوغونو سؤیله‌دی.
ایستار: "کارامانا قیدا وادیسی"
ایقتیصاد اکینچی‌لیگه سؤیکنن کارامان، سربست بؤلگه میدانا گتیره‌رک دونیانین اهمیت‌لی بیر قیدا اوره‌تیم مرکزی اولماغی هدفلییر. دونیادا آرتان قیدا طلبینه جواب وئرمگی هدفله‌ین ' قیدا وادیسی پروژه سی ایله کارامان، قلوبال بیر مارکا چیخارماغی دا پلانلاشدیریر. پروژه‌نین رئاللاشماسی حالیندا 5-10 ایل سونرا دونیا کارامان مودئلینی دانیشیر اولا‌جاق.
خبرتورک: "موغلا طبیعی فیلم پلاتوسو حالینا گلدی"
تاریخی مکان‌لاری و طبیعی گؤزل‌لیک‌لری ایله هر ایل یوز مین‌لرله توریستین زیارت ائتدیگی موغلادا سون زامان‌لاردا چکیلن یئرلی و خاریجی فیلم‌لرین ساییندا آرتیم موشاهیده ائدیلیر. موغلادا بو ایل 12 دیزی، 19 سینما فیلمی و 9 مستندلی، 18 گزینتی و تلویزیون پروقرامی چکیلدی. اوسکار موکافات‌لی آکتور Russel Crowe-ون یؤنتمنی و باش رولونو بوینونا گؤتوردوگو 'سون اومود (The Water Diviner) فیلمی ده موغلادا چکیلن‌لر آراسیندا. فیلم و سریال‌لار سایه‌سینده بؤلگه‌یه گلن توریست سایسی دا آرتدی.