تورکیه مطبوعاتی اؤزتی 13.10.2015
تورکیه مطبوعاتی اؤزتی 13.10.2015
آنکارا‌داکی "امک، باریش و دموکراسی" میتینگینده ایکی‌لی بومبا‌لی سالدیری‌سی‌نین قوربان‌لاری دونن تورکیه‌نین دؤرد بیر یانیندا تشکیل ائدیلن مراسیم‌لرله یولا سالیندی. گؤزیاش‌لاری‌نین سئل اولدوغو مراسیم‌لرده، ترورا لعنت یاغدی. آنکارا قیرغینی‌نین قوربانلاریندان 9 یاشین‌داکی ویصل آتیلگان، آتاسی ابراهیم آتیلگانلا بیرلیکده باتماندا تورپاغا وئریلرکن، آنکارا‌داکی مکتبینده یاس وار ایدی. کلاس یولداش‌لاری تاختایا، "باریش گتیرمه‌یه گئتمیشدی، ویصل همیشه 9 یاشیندا" یازدی.
خبر تورک: تورکیه یاسدا
آنکارا‌داکی آتلیامین آردین‌دان تورکیه‌نین دؤرد بیر یانیندا گنجی، یاش‌لی‌سی، قادینی کیشی‌سی یوزمین‌لر 97 ترور قوربانینی خاطیرلاماق اوچون کوچه‌یه چیخدی. هر یئرده هم یاس هم ده ترورا حیرص وار ایدی. 1 میلیون عضوو اولان DİSK, KESK, TTB و TMOBB لیدرلیگین‌دکی پئشه تشکیلاتی و سندیکا‌لار ایش بوراخدی. بوتون تورکیه، قیرغین ساعاتی اولان 10.04ده ترور قوربان‌لاری‌نین خاطره‌سینه حؤرمت دوروشونا کئچدی.
یئنی شفق: عراق شام اسلام دولتینی تورکیه‌یه سورمه پلانی
سوریه، یئنی‌دن دیزاین ائدیلرکن دؤوره‌یه گیرن روسیا، عراق شام اسلام دولتینی اسد و پ.ی.د اورتاق‌لاری تورکیه‌یه سورمه‌گی پلانلاشدیریر. روسیا، عراق شام اسلام دولتینی تورکیه سرحدینه حبس، اسده ان یوکسک سسله اعتراض گؤسترن تورکیه‌یه عراق شام اسلام دولتینی موسللت ائتمگی مقصد قویور. سون نقطه‌ده ایسه ' داعشی میلیتان‌لاری تورکیه اوزرین‌دن سوریه‌یه گیردی قبولو یارادا‌راق تورکیه‌نی سیخیشدیرماق ایستییر.
وطن: پاتریک گؤکچه‌آدادا مکتبده
فنر روم پاتریکی بارتولوموس، 40 ایل آرا‌دان سونرا 28 سپتامبردا یئنی‌دن آچیلان خصوصی گؤکچه‌آدا روم اورتا مکتبی و دبیریستانا زیارت ائتدی. گؤکچه‌آدا-دا فعالیت گؤسترن و اورتا مکتبده 5، دبیریستاندا 6 شاگیردی اولان مکتبه گلن بارتولوموس، بینادا تشکیل ائدیلن دینی مراسیمده ایشتیراک ائدیب.
ایستار: کوبیلرین 3 میلیون نفره ایش باشی ائتدیره‌جک پلان حاضیر
یوکسک پلانلاشدیرما هیاتی، کوبیلری بؤیوده‌جک 4 ایللیک ایستراتژی حرکت پلانی حاضیرلادی. پلانا گؤره اوّلجه اوره‌تیم صنایعسینده فعالیت گؤسترن کوبیلر دستک‌لنه‌رک کرئدیت کانال‌لاری آچیلا‌جاق. بئله‌جه 2018-جی ایلده قدر 3 میلیون یئنی چالیشان ایستیخدام ائدیله‌جک.
صاباح: الوعدا اوستا
22 ایل داوام ائدن "اولاجاق او کادار" آدلی تی.وی پروقرامییلا تانینسا دا تئاترا 1964-جو ایلده باشلایان کومئدینین بؤیوک اوستاسی لئونت کیرجا، 67 یاشیندا حیاتا گؤزلرینی یومدو. کیرجا بو گون گونورتا واختی لئونت مسجیدینده قیلینا‌جاق جنازه نامازی سونراسی زینجیرلیکویو قبیریستانلیغینا دفن ائدیله‌جک.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
