تورکیه مطبوعاتی اؤزتی 22.09.2015
حریت: 13 میلیون بیلتلی یولچو بایرام تعطیلینه چیخدی
9 گونلوک بایرام تعطیلینی قیمتلندیرمک ایستهینلر دؤنوش تاریخینی 27 سپتامبر اولاراق بلیرلیینجه هر یئرده بیلتلر توکندی. 7.5 میلیون آدام اوتوبوسلارلا، 3 میلیون آدام دنیزیولو ایله 2.5 میلیون آدام ایسه هاوا یولو ایله سیاحته چیخدی. 13 میلیون بیلتلی یولچونون یانیندا اؤز واسیطهسیله یوللارا تؤکولنلری ده حسابا قاتیلسا 9 گونلوک بو تعطیلین دؤنوشونون بایاغی اذیتلی اولاجاغی تخمین ائدیلیر. خصوصیله دؤنوش بیلتینی آلمایانلار ایشی داها چتین.
یئنی شفق: غرب تراکیا رکوردا قاچدی
یونانیستان دا ائدیلن ارکن عمومی سئچیملرده بیر رکوردا ایمضا آتان غرب تراکیا تورکلری، 69 ایل آرادان سونرا ایلک دفعه دؤرد تورک میللت وکیلینی یونان پارلامنتینه گؤندرمگی باجاردی. ائدیلن سئچیملرده گومولجینه بؤلگهسینده سیریزا پارتیسیندن مصطفی مصطفی ایله آیهان کارایوسوف، پوتامی پارتیسیندن ده وکیل ایلهان احمد، ایسکئچه بؤلگهسینده ده حسین زیبک، سئچیلهرک یونان پارلامنتینده تورک آزینلیغی تمثیل ائتمهیه حاق قازاندی. بؤلگهده سئوینج حاکم.
ایستار: دؤرد اوزاق شرقلی، آفشینین 12 میلیارد $ 'لیک یاریشا گیردی
تورکیهنین ان اهمیتلی کؤمور یاتاقلاریندان آفشین-البیستان اوچون یاریش سرعت قازاندی. بیرلشمیش عرب امیرلیکلری (BAE) کؤکنلی TAQA فیرماسینین چکیلمهسینین آردیندان 3 اؤلکه یاتیریم قرارلیلیغینی چاتدیردی. جنوبی کورهلی ایکی فیرما آفشین-البیستان کؤمور حؤوضهسی و ایستانسیاسی اوچون گؤروشمهلرینی داوام ائتدیررکن ایکی سورپریز تالیپلی داها دؤورهیه گیردی. الده ائدیلن معلوماتلارا گؤره قیسا مدت اوّل چین و ژاپون (میتسوی فیرماسی) 12 میلیارد دولارلیق باتیریمین ائدیلهجگی 3 سانترال و کؤمور ساحهسی اوچون ناظیرلیگین قاپیسینی چالدی. ایکی اؤلکه یاتیریمدا وار گوجو ایله یاریشا گیررکن ژاپوندان گلن هیاتین قیسا مدت اوّل انرژی ناظیرلیگی مسئوللاری ایله گؤروشدوکلری اؤیرنیلدی. آفشین-البیستان ایله بو 3 اؤلکهنین یانیندا فرانسا ایله قطر ده ماراقلانمیشدی.
صاباح: یوزگاتلی کیچیک اولدوز اوسکار مراسیمی یولچوسو
یوزگاتین یئرکؤی محلینده یاشایان ایزجی عائلهسینین آلتی اوشاغیندان بئشینجیسی اولان دوغان ایزجی، کاان موژدهجینین یؤنتدیغی "سیواس" 'فیلمیندکی قابیلیتی ایله هر کسی اؤزونه حیران بوراخدی. باش رول اویونچو اولاراق رول آلدیغی فیلم، آمریکادا ائدیلهجک 88. آکادمی موکافاتلارینا (اوسکار) "ان یاخشی خاریجی فیلم" شاخهسینده تورکیهنین نامیزدی اولاراق گؤستریلینجه، یوزگاتلی دوغانا دا آمریکا یولو گؤروندو. یئرکؤی محلینده عائلهسی ایله توازؤکار بیر حیات سورن دوغان ایزجی، 13 اوکتوبردا آتاسی ندیم ابزجی ایله بیرلیکده اوسکار موکافات مراسیمی اوچون آمریکایا گئدهجک
وطن: 800 ایللیک سیدر آغاجلاری خلاص اولدو
آنتالیانین بنزرسیز طبیعی گؤزللیکلره صاحب هیسانچاندیردا آچیلان بیر مرمر اوجاغی سببیله 800 ایللیک سیدر آغاجلارینین کسیلدیگی کئچن ایل دسامبر آییندا چئورهچیلر طرفیندن تثبیت ائدیلمیش و گؤرونتولنمیشدی. طبیعت قیرغینینین دایاندیریلماسی اوچون حرکت ائدن چئورهچیلر و کندلیلر، مرمر اوجاغینا وئریلن ایجازهنین لغوی و بؤلگهدکی قیرغینی دایاندیریلماسی اوچون دوغاسئورلرین مادی دستگی ایله حقوقی مرحلهنی باشلاددی. اکیزجه یایلاسینداکی مرمر اوجاغینا قارشی آچیلان ادعادا ' ایجرا دایاندیرما قراری چیخدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719068154)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.