تورکیه مطبوعاتی اؤزتی 07.09.2015
یئنی شفق: "تورک تاریخینین دوغولدوغو یئر آباد اولور"
تورک امکداشلیق و کووردیناسیون آژانسی تیکا، موغولیستانین باشکندی اولانباتورا یاخین بیر یئرده ایکینجی تورک موزهسی آچماغا حاظیرلاشیر. ایشله مودریک تونیوکوک کوللیهسینین اولدوغو ساحهده بؤیوک بیر موزه قورولاجاق و قازینتیلاردا اولان اثرلر بو موزهده سرگیلنهجک.
وطن: "ساچ اکدیرهجکلر تورکیهیه آخین ائدیر"
آمریکا واشینگتون پوست قزئتی، تورکیهنین کیفیتلی و اوجوز ساچ اکدیرمه کلینیکلریله دونیادا بیر نؤمره اولدوغونو یازدی. قزئت، تورکیهده آیدا 5 مینی آشان ساچ اکیلمهسی ائدیلمکده اولدوغونو کؤچوردو. اینگیلترهده 25 مین دولارا ائتدیریلن ساچ اکیلمهسی تورکیهده مین 700 ایله 2 مین دولارا اوستهلیک داها محصولدار شکیلده ائدیله بیلیر. دونیانین هر یئریندن ساچ اکدیرمک ایستهین کیشیلر تورکیهیه آخین ائدیر.
صاباح: "تورکیهنین ان دلی دوکتورو"
اورک جراحی محمت سوسام، یاراسا آدام پالتارییلا 800 متر یوکسکلیکدکی هلبکوپتردن آتلاییب ایستانبول بوغاز کؤرپوسونون آلتیندان کئچهرک دنیزه پاراشوتسوز ائنهجک. تورک دوکتورون مقصدی اوزایدان آتلایان قورخوسوز فلیکس کیمی تاریخه کئچمک. چیلقین دوکتور، هزارفن احمد چلبینین نومونه آلدیغینی سؤیلهدی. هزارفن احمد چلبی، 17-جی عصرده عثمانلیدا یاشامیش مسلمان تورک عالیمی. اؤز اینکیشاف ائتدیردیگی تاخما قانادلارلا اوچماغی باجاران ایلک اینسان.
ایستار: "ونیز"ده موکافات آختاریر "
امین آلپرین 'آبلوکا آدلی فیلمی دونیا پرمیرینی 72نجی اولوسلار آراسی فیلم فستیوالیندا ائدهجک. برکای آتش، فیلمدکی رولویلا ان یاخشی کیشی اویونچو موکافاتی اوچون یاریشاجاق. برکای آتش، 'آبلوکا آدلی فیلمده کوچه ایتلرینین ایتلافیندان مسئول بیر بلدیه ایشچیسی اولان کاراکتری جانلاندیریر. ونیز فیلم فستیوالی 12 سپتامبر تاریخینه قدر داوام ائدهجک.
خبرتورک: "مامما میا موزیکالی ایستانبولو جوشدوراجاق"
Broadway افسانهسی "مامما میا" 29 سپتامبر 4 اوکتوبر تاریخلری آراسیندا ایستانبولدا صحنهده اولاجاق. موزیکال باش کاراکتری صوفیه، نیامه پری جانلاندیراجاق. دونیا سویهسینده 54 میلیوندان چوخ اینسانین ایزلهدیگی محصول، دونیانین ان اوزون مدتدیر داوام ائدن موزیکالی اولما خصوصیتینی داشیییر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.