تورکیه مطبوعاتی اؤزتی 06.09.2015

صاباح: "داوود اوغلو: بؤیومه‌‌دن هر کس پایینی آلما‌لی"
باش ناظیر داوود اوغلو، تورکیه‌نین G20 دؤور باشقانلیغیندا آشاغی گلیرلی اؤلکه‌لرین ده ایره‌لیگه دؤنوک قلوبال ایقتیصاد پلانلاشدیریلماسیندا ایشتیراک ائدجگینی ایفاده ائتدی. داوود اوغلو، اینکیشاف ائتمکده اولان اؤلکه‌لرده گنج ایستیخداما اؤنجه‌لیک وئره‌جک‌لرینی سؤیله‌دی. باش ناظیر، قلوبال بؤیومه‌دن بوتون اؤلکه‌لرین برابر نیسبتده پای آلماسی لازیم اولدوغونو وورغولادی.
ایستار: "خالق باشقالدیردی، پ.ک.ک چیلدیردی"
ترور تشکیلاتی پ.ک.ک 'حقوق مدافعه ائدیریک دئیه بؤلگه اینسانینی آووتویوردو.
آنجاق بؤلگه خالقی‌نین ان بؤیوک اجتماعی و اقتصادی قازانیم‌لاری تشکیلات طرفین‌دن یئرله بیر ائدیلدی. ترورون اصل قوربانی اولدوغو اوچون صبری داشان بؤلگه خالقی، پ.ک.ک-یا قارشی باش قالدیردی و یئتر دئدی. ال ایاق ایتیرن پ.ک.ک ترورچولار اوستون‌دن، 'خالقی سوستورون، لازیم اولسا وورون تعلیماتی آلدی. پ.ک.ک-نین تفنگ لوله‌سی سیویل خالقا چئوریلدی. بؤلگه‌نی تمثیل ائدن 120 طایفه رئیسی ترور تشکیلاتینا 'یئتر آرتیق اؤلکه‌میزی ترک ائدین شکلینده عصیان ائتدی.
یئنی شفق: D Printshow İstanbul 3-دا
3D پرینترلری بیر چوخ سکتوردا اولدوغو کیمی اوتوموبیله ده سرعت‌لی بیر داخیل ائتدی. اوتوموبیل فیرما‌لاری یئنی کونسپت مودئل‌لری‌نین پروتوتیپ‌لرینی داها آز خرجله و داها کیفیت‌لی چیخارماغا باشلادی. آیریجا اوتوموبیل یدک حیسه‌لری و آکسسوارلاری‌نین اوره‌تیمینده ده آرتیق 3D پرینتردن فایدالانیلیر. اوتوموبیل سکتوروندا یول آچان 3D پرینتر تکنولوژی‌لری 10 سپتامبر جمعه آخشامی گونو ایستانبول تویاپ‌دا سرگی‌لنه‌جک.
خبرتورک: یئنی ترند: solowheel
ایستانبول جاده‌لرینده تکر اوستونده سفر ائدن‌لرین سایسی گئتدیکجه آرتیر. تک تکرلی 'solowheel' آدی وئریلن بیسیکلتین آغیرلیغی 11 کیلوگرام، داشیدیغی آغیرلیق ایسه 130 کیلوگرام، پیاده‌‌لر اوچون نقلیاتدا بؤیوک آسان‌لیق تامین ائدن بیسیکلت، الکتریک آغی ایله چالیشیر و 2 ساعات قدر یول آلا بیلیر. Solowheel، 25 کیلومتر سرعتله گئدیر. بو نقلیات واسیطه‌سیله آرتیق ایستانبولون طبیعی و تاریخی گؤزل‌لیک‌لرینی سرعت‌لی و کیف‌لی شکیلده گزمک مومکون‌دور.
وطن: "گنج صاحیبکارلار ذیروه‌سی باشلاییر"
گنج صاحیبکارلار اتفاقی ذیروه‌سی (Young Entrepreneurs Alliance Summit) ایستانبول کونگره مرکزینده 7-9 سپتامبر تاریخ‌لری آراسیندا تشکیل ائدیله‌جک. ذیروه صاحیبکارلیق موضوعسونا لیدرلیک ائدن آدلاری بیر آرایا گتیره‌جک. مشهور آدلار ذیروه‌ده صاحیبکارلیق اوزرینه دانیشما‌لار ائده‌رک گنج‌لره یول گؤستره‌جک.
میللیت: "گاریبالدی بیناسیندا بیزانس قالیق‌لاری"
ایستانبولون گؤزده توریزم مکانلاریندان‌ ایستیقلال جاده‌سین‌دکی تاریخی گاریبالدی بیناسیندا 1 ایل اوّل باشلایان رستوراسیون ایشلرینده سونا گلیندی. روما و بیزانس دؤورونه عاید مزار پارچا‌لاری ایله چوخ سایدا اشیاء چیخاریلدیغی قازینتی ایشلرینده سون اولا‌راق بیزانس دؤورونه عاید متال پول‌لار ایله متال خاچ تاپیلدی