تورکیه مطبوعاتی اؤزتی 13.08.2015
یئنی شفق: الکتریک‌لی اوتویا OSB
علم، صنایع و تکنولوژی ناظیرلیگی بیر طرف‌دن تشکیل صنایع بؤلگه‌لری‌نین آلت یاپی سرمایه‌لری ایله صنایع سایت‌لاری‌نین اوست تیکینتی‌لری‌نین یوزده 75ینی کرئدیت دستگی وئریر، بیر طرف‌دن ده گله‌جگین صنایع سکتورلاری اوچون صنایع بؤلگه‌لری میدانا گتیریر. بو چرچیوه‌ده 283 OSBنین 157سی‌نین آلت یاپی تیکینتی‌لارینی تاماملایان ناظیرلیک، ساکاریا ایلی کاراسو منطقه‌سینده ده 222 هکتار ساحه‌ده اوتوموبیل صنایع بؤلگه‌سی قورولماسی‌نین اؤنونو آچدی. مکانیزمی فعالیته کئچدیگی زامان، تخمینن 2 میلیارد دو‌لارلیق یاتیریم رئال‌لاشا‌جاق و 7-8 مین نفرلیک خصوصیت‌لی استخدام میدانا گله‌جک.
صاباح: یاتیریم گوروسون‌دان تورکیه‌یه اؤوگو
اولوسلار آراسی بازارلاردا یاتیریم گورو اولا‌راق بیلینن تمپلتون اینکیشاف ائتمکده اولان بازارلار قروپو باشقانی مارک موبیوس، اینکیشاف ائتمکده اولان بازارلاردا ایستیفاده ائدیلن "کؤو‌رک بئش‌لی" تانیملانماسینا قاتیلمادیغینی ایفاده ائده‌رک تورکیه‌ده یاتیریملار اوچون فورصت‌لرین اولدوغونو سؤیله‌دی.
وطن: ایسرائیل‌لی توریستین ایلک سئچیمی تورکیه
ماوی مارمارا باسقی‌نین‌دان سونرا تورکیه‌یه سیاحت‌لرینی آزال‌دان ایسرائیل‌لی توریست‌لرین سئچیمی دییشدی. تورکیه، ایسرائیل وطنداش‌لاری‌نین خاریجده سئچیم ائتدیگی ایلک اؤلکه اولدو. ایکی اؤلکه آراسین‌داکی گرگین اولان دیپلوماتیک علاقه‌لره باخمایا‌راق ژانویه- ژوئیه دؤورونده تورکیه‌یه گلن ایسرائیل‌لی توریست سایسی بیر اوّلکی ایلین عینی دؤورونه گؤره یوزده 30 آرتا‌راق 172 مینی آشدی. بونونلا بیرلیکده، توریست‌لرین اهمیت‌لی بیر حیسه‌سی‌نین تورکیه اوزرین‌دن آختارمالی اوچوش‌لارلا اوروپا، اوزاق شرق و آمریکایا گئتدیک‌لری ایفاده ائدیلدی.
ایستار: باش رولدا کلارنت وار
4. اولوسلار آراسی کلارنت فستیوا‌لی، "ایستانبول نفس آلیر" شعارییلا، 10-20 سپتامبر تاریخ‌لری آراسیندا هنب سئورلرله گؤروشه‌جک. تدبیرلر ایستانبولون کوچه‌لرینه، میدان‌لارینا، واپورلارینا و مترولارا دا داشا‌جاق.
حریت: مونترالدا اوچ تورک فیلمی یاریشا‌جاق
بو ایل 27 آوقوست-7 سپتامبر تاریخ‌لری آراسیندا 39ونجوسو کئچیریله‌جک مونترال فیلم فستیوالیندا تورکیه'دن اوچ فیلم آنا یاریشماغا قبول ائدیلدی. اؤزجان آلپر ایمضا‌لی 'کولک‌‌ین خاطیرلاری، محمت ارییلماز 'میسافیری و سلیم ائوجی‌نین سون فیلمی ساک‌لی' کانادانین ان کؤک‌لو اولوسلار آراسی فیلم فستیوا‌لی اولان مونترال فیلم فستیوا‌لی‌نین اساس یاریشما حیسه‌سینده دونیا پرؤمیرلرینی ائده‌جک.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
