تورکیه مطبوعاتی اؤزتی 12.08.2015
ایستار: "یئرلی ماشین گوونلی و آز یاناجاق"
یئرلی مینیک اوتوموبیل بو آی ایچینده تانیدیلاجاق. SUV مودئلینده ایسه مسافتی اوزادما کیتینه باغلی علاوه ایش ائدیلدی. بو سببله SUV مودئللر سپتامبر آییندا تانیدیلاجاق. اراضی تستی ائدیلدیکدن سونرا واسطهلرده آردیجیل اورهتیمله کئچیلهجک. هم الکتریک، هم ده بنزین و دیزل یاناجاقلی یئرلی اوتوموبیل 100 کیلومترده 2 لیره بنزین یاناجاق. گوونلیک موضوعسوندا ایسه دونیا نهنگی مارکالارلا یاریشاجاق. (نوت: SUV: ایدمان مقصدلی نقلیات واسطهسی معناسینی گلیر. بیر واسطه هم مینی هم ایستاسیون واگون هم ده چکمه خصوصیتلرینی داشیییرسا اورتاق معنا اولاراق بو جور واسطهلره SUV دئییلیر. جیپ اولاراق بیلینن بؤیوک، اوتوموبیلدن یوکسک و عمومیتله دؤرد چکر/ شاسی بلند اولان واسطهلردیر).
یئنی شفق: "تیکینتینین روتاسی کنیا"
تورک صادراتچیلار، بو ایل ان چوخ بؤیومهسی گؤزلنیلن اقتصادی کنیایا یؤنلیر. اؤلکهده حکومتین ایللیک 250 مین ائو تیکمه فورصتینی یئرینده آراشدیراجاق اولان تورک صادراتچیلار حرکته کئچدی. تورک تشببوسکارلار 1-4 سپتامبر تاریخلری آراسیندا کنیایا گئدهجک. کنیا، بلوومبرگ طرفیندن ائدیلن آنالیزه گؤره 2015-جی ایلده ان چوخ بؤیوین اوچونجو اؤلکه اولاجاق.
وطن: "بو ایل فستیوالین نفسی چوخ جانلی"
'د-مارین تورگوت رئیس اولوسلار آراسی کلاسیک موسیقی فستیوالی 15-19 آوقوست تاریخلری آراسیندا 11-جی دفعه تشکیل ائدیلهجک. فستیوالدا بو ایل بیر ایلک ایشه ایمضا آتیلاجاق. بودروم سمبولو بودروم قالاسیندا اؤزل بیر کونسرت تشکیل ائدیلهجک. ائلنی کارایندرو، ایلک دفعه د-ماریتین اولوسلار آراسی کلاسیک موسیقی فستیوالیندا 16 آوقوست آخشامی بودروم قالاسیندا سئونلریله گؤروشهجک.
خبرتورک: "23 میلیون ایللیک قالیق آغاج سرگیلنهجک"
"گؤکچه آدا"دا اولان و حیسهلری 23 میلیون ایل اوّله عاید اولدوغو آیدین اولان قالیق آغاج، سپتامبر آییندا بسکی زیتون یاغی فابریکینده حیاتا کئچیریلهجک موزهده سرگیلنهجک. آغاج ایللر اوّل نامیزده یئرلشن نوصرت آوجی سایهسینده گون ایشیغینا چیخدی. آوجی، تاپدیغی آغاجین پارچالارینی ایستانبول اونیورسیتهسینه آپاردی. آراشدیرمادا آغاج قالیغینین 23 میلیون ایل اوّله عاید اولدوغو آیدین اولدو.
صاباح: "تک مغلوبیت آلمادان دونیا شامپیونو اولدو"
مونت کارلودا هر ایل 200-دن اوزرینده پروفسیونل اویونچونون قاتیلدیغی دونیا تاولا شامپیونلوغوندا ایلک دفعه بیر تورک شامپیون اولدو. علی جهانگیر چتینل تورونو 8 اویونلوق غالیبیت سریسی ایله مغلوب اولمادان تاماملادی. چتینل، فینالدا روس اروخینی مغلوب ائتدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.