تورکیه مطبوعاتی اؤزتی 15.07.2015
یئنی شفق "سیاست اوزلاشما هنریدیر"
پرزیدنت رجب طیب اردوغان، سیویل تشکیلاتلاری نمایندهلری ایله بیر یئره گلدیگی ایفطار پروقرامیندا، کوالیسیون دانیشیقلاری ائدن سیاسی پارتیلره سسلندی. کوالیسیون دانیشیقلارینین ساغلام بیر شکیلده حیاتا و خیرلی بیر نتیجهیه چاتماسینی خواهیش ائدن اردوغان، سوریه، عراق، یونانیستان، اوکراین کیمی قونشو اؤلکهلردکی وضعیت اورتادایکن مجلیسدکی بوتون سیاسی پارتی باشقانلارینین اؤلکهنین گلهجگینی دوشونهرک آددیم آتمالاری لازیم اولدوغونو سؤیلهدی. اردوغان، "سیخیلسان یومروکلارلا قوجاقلاشماق اولماز. سیاست اؤزو اعتباریله بیر اوزلاشما، مشترکلر اوزرینده بیر راضیلیغا یئتیشمه هنریدیر" دئدی.
ایستار "داوود اوغلو: کاش کی چوخ اوّل ایمضالانسایدی"
باش ناظیر احمد داوود اوغلو، ایران ایله غرب دولتلری آراسیندا کئچیریلن نوکلئر مذاکیرهلرده الده اولونان راضیلاشمانی ممنونیتله قارشیلادی. داوود اوغلو، "کاش کی بو آنلاشمایا چوخ داها اوّل واریلسایدی و گرگینلیک سالینمیش، نوکلئر سلاح تهدیدی اورتادان قالخمیش اولسایدی. تحریملرین قالخماسی دا بیزیم اوچون مثبت بیر اینکیشافدیر" دئدی. انرژی و طبیعی قایناقلار ناظیری تانر ییلدیز دا، "یاتیریملارین اؤنو آچیلمیش اولاجاق" دئیرکن، مالیه ناظیری محمد شیمشک، "راضیلاشمانین تورک اقتصادی اوچون چوخ یاخشی بیر خبر. تیجارت و سرمایهلری آرتیراجاق" آچیقلامای ائتدی.
خبرتورک " تحریمین قالخماسی ایرانلی توریستی چکهجک"
ایرانلا واریلان راضیلاشما تورک توریزمجیسینی ده هیجانلاندیردی. تورکیه سیاحت آژانسلار بیرلیگی (تورساب) صدری باشاران اولوسوی، بو وضعیتین تورکیهنین توریزم سکتورونا مثبت قاتقی یاراداجاغینی نظرده توتدوقلارینی سؤیلهدی. ایرانلیلارین اؤز اؤلکهلریندکی تییارهلره تحریمدن اؤتری پارچا تاپا بیلمهدیگینی، بونون دا توریستین تورکیهیه گلیشینین اؤنوندکی ان اهمیتلی مانع اولاراق گؤرولدوگونه دقت چکن اولوسوی، "گلن ایللیک 1.5 میلیون ایرانلی توریست سایسی 2 میلیونا چیخار" دئدی.
وطن "تورکیهنین ان یاخشی بانکی سئچیلیب"
آکبانک، Euromoney طرفیندن تشکیل ائدیلن 2015 موکمللیک موکافاتلاری (2015 Excellence Awards ) چرچیوهسینده، "تورکیهنین ان یاخشی بانکی" سئچیلدی. آکبانک بو موکافاتی، سون 10 ایلده آلتینجی دفعه قازاندی. موکافات مراسیمی، دونیادان بیر چوخ اوست سویه بانک رهبرلرینین قاتیلیمی ایله لندنده رئاللاشدی.
صاباح " THY-دن 'یاخشی بایراملار مساژی"
تورک هاوا یوللاری (THY)، رمضان بایرامینا خصوصی اولاراق آیرباس آ-321 تیپلی بیر تییارهسینی خصوصی تکنیک ایله گئیدیردی. اوزرینده تورک و اورتا دوغو موتیولری داشییان تییاره، اینگیلیس و عرب "یاخشی بایراملار" مساژی داشییاجاق. تییاره، بایرامین قید اولوندوغو بوتون اؤلکهلرده گؤرولهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.