تورکیه مطبوعاتی اؤزتی 12.07.2015
صاباح: "13 ایلده صادرات یوزده 13 آرتدی"
اقتصاد ناظیری نیهات زیبکچی، سون ایللردکی اقتصادی قیمتلندیردی. کئچن ایل صادراتین یوزده 3،8 آرتدیغینی سؤیلهین زیبکچی: 'تورکیه دونیانین بوتون انرژی و خام مال رزرولرینین، اینانجلارینین، تیجارت و مدنی یوللارینین اورتا یئریندهدیر. بو سببله چوخ اوستونلوکلو اولماقلا بیرلیکده پروبلمله ده قارشی-قارشییا قالیر. اما جوغرافیامیزدا بیر گوون نقطهسی اولماغا داوام ائدیریک 'دئدی.
وطن: "هر ایل 50 مین توریست گؤز اوچون گلیر"
ساغلیق توریزمینین هر کئچن گون آرتدیغی تورکیهده هر ایل مینلرله خاریجی، گؤز خستهلیکلرینین معالیجهسی اوچون گلیر. بو سئچیمین باشلیجا سببی ایسه اویغون قیمت، کیفیتلی سرویس و معالیجهده ایستیفاده ائدیلن یئنی تکنولوژیالر. معالیجه اوچون تورکیهیه گلن توریستلر، اؤلکهلرینه گؤره یوزده 50-60 داها آز پول اؤدییر. ایستهسهلر هر شئی داخیل سیستمیندن ایستیفاده ائدیب تعطیل ده ائده بیلیر.
خبرتورک: "سیواسدا هوبیت کندی"
سیواس بلدیهسی، دونیا سویهسینده ساتیش رکوردلاری قیران "اوزوکلرین افندیسی 'و هوبیت 'سریالی فیلملریندکی هوبیت 'کاراکترلرینین یاشادیغی ائولردن ایلهاملاناراق شهر مرکزینه 5 کیلومتر اوزاقلیقدا اولان پاشاباغچه مسیره ساحهسینه یاماج ائولری تیکدی. داغ ایچینه باسدیریلمیش اولاراق حاضیرلانان ائولر چوخ ماراق گؤردو. ائولر هفتهلیک و آیلیق اولاراق کیرایهیه وئریلیر. 65 متر مکعب یاماج ائولرده متبخ، حمام، توالت و یاتاق اوتاغی وار.
یئنی شفق: "یونانیستانی تورکیه قورتاراجاق"
اوروپا بیرلیگینین بؤیوک بالیقلاری طرفیندن اودولما تهلوکسیله قارشیلاشان یونانیستانین قورتولوش یولو آختاریلیر. شیکاگو اونیورسیتهسیندن پروفسور توم گینگسبورگ، 'آتن تورک لیرهسینه کئچسین دئیرکن یونان عالیم دیمیتری کیتسیکیس: 'یونانیستانی باتماقدان آنجاق تورکیه قورتارا بیلر. یونانیستانین اوروپا بیرلیغینه گیرمهسی سهو ایدی. همن آیریلیب تورکیه ایله بیرلیک قورماسی لازیمدیر 'دئیه بیلدیرمیشدیر. کیتسیکیس آیریجا، یونانیستانین اقتصاد و مالی سیاستینین آنکارا طرفیندن ائدیلمهسینی تکلیف ائتدی.
ایستار: "حیوان پئیینیندن نفت چیخاردی"
بالیکسیر گؤننده قوردوغو کارخانه ایله حیوان پئیین، کولش، چای، یارپاق، بوداق، میوه قابیغی، تروز زیبیللری، دوگو ساپی کیمی موجود زیبیللردن نفت چیخاران آلتاجا قروپو، ایلک اینتقره تاسیسینی آچدی. شیرکتین هدفی تورکیهده 200 کارخانا قورماق. گؤنندکی تاسیس 400 تون زیبیللری آرادان ائدهرک گؤل، دنیز، یئرالتی سولاری و چئوره چیرکلدمهنین اؤنونه کئچدی. مسئوللار تورکیهنین آتیغینین یوزده 20ینین ایستیفاده ائدیلمهسی حالینده احتیاج دویولان نفتین یوزده 20ینین قارشیلاناجاغینی ایفاده ائدیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.