تورکیه مطبوعاتی اؤزتی 08.07.2015
یئنی شفق "گوونلی بؤلگهنین آلت یاپی حاضیر"
سوریه مرزده یاشانان اینکیشافلار اوزرینه تورکیه، گوونلی بؤلگه اوچون ایشلرینه سرعت وئردی. توپلوم دیپلوماسیسی کووردیناتورو جمال الدین هاشیمی، گوونل بؤلگهنین آلت قورولوش ایشلرینی تاماملادیغینی سؤیلهدی. هاشیمی، "سوریه مرزیندکی پروسه بئله داوام ائتسه گوونلی بؤلگه قاچینیلماز اولور. کوالیسیونون داها آکتیو اولماسینی ایستییریک" دئدی.
خبرتورک " HİSAR، اوتوپیلوتلا اوچدو"
تورکیهنین ایلک میللی آلچاق ایرتیفاع هاوا ساوونما موشک سیستمی (HİSAR-A)'نین تست آتیشلاری آکسارایدا ائدیلدی. تاماملانمیش تستلرده، HİSAR-A موشکلری، آتما پلاتفورماسیندان بیرینجی ضربه موتورو ایله باشاریلی بیر شکیلده آیریلاراق، ایکینجی ضربه موتورونو دا هاوادا آتشلدیکدن سونرا اؤز بونیهسیندکی موشک اوتوپیلوتو کونترولوندا، پروقراملاشدیریلمیش مانورلاری رئاللاشدیراراق اوچدو.
ایستار "یونسکو تورکیهده توپلاناجاق"
تورکیهنین اهمیتلی مدنیت وارلیقلاری افس ایله دیاربکیر سورلاری و هوسئل باغچهلرینین یونسکونون دونیا میراث لیستهسینه آلینماسینین آردیندان سئویندیریجی بیر خبر داها گلدی. گلن ایل کئچیریلهجک 40. دونیا میراث کومیتهسی توپلانتیسینا تورکیه ائو صاحبلیگی ائدهجک. مدنیتلرین باشکندی ایستانبولدا توپلاناجاق کومیته، یونسکونون دونیا میراث لیستهسینه آدای فایللاری گؤروشوب قرارا باغلایاجاق.
میللیت "ایستانبول دنیز موزهسینه 'موکممللیک سرتیفیکاسی"
دنیز گوجلری قوموتانلیغینا باغلی ایستانبول دنیز موزهسینه دونیاجا مشهور سیاحت سایتی Tripadvisor طرفیندن، زیارتچیلرینین گؤرونتولری چرچیوهسینده مکمملیک اؤدولو وئریلدی. موزهنین، زیارته گلنلری آغیرلاما، رهبرلیک ائتمه و یولا سالماق کیمی موضوعلاردا یوکسک امتیاز آلدیغی اؤغرنیلیرکن، خاریجدن گلن توریستلرین بؤیوک اکثریتینین ده مثبت گؤروش بیلدیردیگی وورغولاندی. 20 مین پارچا اثر و 20 میلیون سند اولان موزهده، 16. عصره عاید دونیانین ان اسکی قاسیرغاسی دا یئر آلیر ائدیر.
وطن "ان باهالی 4. ترانسفر"
41 میلیون اورویا بارسلونایا گئدن آردا توران بوتون دونیادا باشلیقلارا چیخدی. بارسلونادان 5 ایلده 22،5 میلیون آورو آلاجاق اولان آردا، کلوب تاریخینین نیمار، سوارز و ایبراهیموویچدن سونرا ان باهالی 4-جو آدی اولدو. تورکیهدن چیخان ان باهالی فوتبالچی عنوانینی دا آلان آردا اوچون اینگیلیس مطبوعاتی "بلکه بارچا-نین یئنی باشقانی ایستمزسه چلسییه گلهبیلر" دئیه یازدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718860822)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.