تورکیه مطبوعاتی اؤزتی 07.07.2015

صاباح: " اورتا دوغو تکنیک اونیورسیته‌سینده اینسان‌سیز قورو واسطه‌سی"
اورتا دوغو تکنیک اونیورسیته‌سی (ODTÜ)‌لو علم اینسان‌لاری، چتین اراضی شرط‌لرینده اؤنونه چیخان مانع‌لردن آرا‌دان قالدیریلماسی گئده‌جگی روتانی بلیرلیه‌بیلن، اراضییه عاید 3 اؤلچولو گؤرونتو و درین‌لیک نقشه‌سی چیخارا بیلن، روبوت خصوصیت‌لی اینسان‌سیز قارا واسطه‌سی اینکیشاف ائتدیردی. اراضیده اؤز باشینا قرارلار وئره بیلن واسطه، عینی زاماندا اوزاق‌دان کونترول ائدیله بیلیر.
یئنی شفق: "تورک‌لردن تکنولوژی‌ده اینقیلاب کیمی گؤروش"
اونیورسیته‌دن دیپلوما آلان ایکی گنج 5G و کنارین‌داکی کابل‌سیز ارتیباط تکنولوژی‌لری ساحه‌سینده "چیپ" اینکیشاف ائتدیردی. تورک گنج‌لر، اوزرینده چالیشدیق‌لاری پروژه اوچون آمریکادا تشکیل ائدیلن 'رادیو فرکانسی انتقره مدار‌‌لار سمپوزیوموندا اوستون باشاری اؤدولو قازاندی. پروژه سایه‌سینده 5G سرعتی ایله HD کیفیتین‌دکی ویدئولار 1 ثانیه‌ده جیب تلفونونا ائندیریله‌بیله‌جک. بو یئنی تکنولوژی یاخیندا میلیون‌لارلا اینسانین خیدمتینه تقدیم ائدیله‌جک.
خبرتورک: "وئرگی ایشه یارادی چینه آیاققابی ساتاجاغیق"
یئرلی اوره تیمچی‌یی قوروماق اوچون ایدخال آیاققابییا 2014-جو ایلده گتیریلن علاوه وئرگی بهره‌لرینی وئرمه‌یه باشلادی. می‌ده آیاققابی ایدخا‌لی آوریله گؤره یوزده 52 گئریله‌دی. می‌ده 38،2 میلیون دولارلیق آیاققابی وارتاتینا قارشی‌لیق 57،6 میلیون دو‌لارلیق صادرات ائدیلدی. تورک اوره‌تیچی، آیاققابینی رقیبی ایتالیا‌دان یوزده 50 داها اوجوزا مال الده ائدیر. چین‌لی‌لر ایتالیان‌لار یئرینه تورک فیرما‌لارینی سئچیم ائتمه‌یه باشلادی. آرتیق چینه آیاققابی ساتاجاغیق.
میللیت: "توپکاپی سارایی ان گؤزل‌لر آراسیندا"
آلمان دویچ وله‌نین حاضیرلادیغی اوروپانین ان گؤزل 10 سارایی لیسته‌سینده توپکاپی سارایی دا یئر آلدی. توپکاپی سارایینا ایره‌لی درجه‌ده باغچیلیق سببیله ده تعریف یؤنلدیلیر. خبرده، 1985-جی ایلدن بو یانا یونسکونون دونیا ارثی لیسته سینده یئر آلان توپکاپی سارایی‌نین فاتیح سلطان محمت دؤورونده 1460-جی ایلده اوره‌تیمینه باشلاندیغی و 1478ده تاماملاندیغینا یئر وئریلیر.
آزادلیق: "مخالیف‌لرین حلب‌ده تورک لیره‌سی تکلیفی"
مخالیف‌لر، سوریه‌نین ان بؤیوک شهری حلب‌ده کونتروللریندکی بؤلگه‌لرده آنا پول واحیدی اولا‌راق تورک لیره‌سینی ایستیفاده ائتمک ایستییر. سوریه‌ده مخالیف‌لرین بشار اسد رهبرلیگی اوزرین‌دکی تضییقی آرتیرماق و دوشمه‌سینی سرعتلن‌دیرمک اوچون بو یولا گئتدیغی دانیشیلیر. آیریجا دو‌لار قارشی‌سین‌داکی تورک لیره‌سی‌نین ثابت توتومونون دا بو قرارین آلینماسیندا تأثیرلی اولدوغو دوشونولور.