تورکیه مطبوعاتی اؤزتی 24.06.2015
میللیت "اؤلکهنین رنگلری مجلیسده بیرلیکده"
تورکیه بؤیوک میللت مجلیسینده دونن تاریخی آنلار یاشاندی. رومان، ارمنی، سوریانی، ایزدی، کورد، حجابلی، معلول وکیللر آند ائدهرک وظیفهلرینه باشلادی. جمهوریت تاریخینین "قادین تمثیلینده" رکورد قیراراق 98 کورسو ایله تورکیه بؤیوک میللت مجلیسینه گیرن و 21ی حجابلی اولان قادینلارین آندی دا ماراقلا ایزلندی. وکیللر آند ائدرکن، پارتی کولیسلرینین گوندمی ایسه کوالیسیون حکومتی آراییشلارییدی.
ایستار "ایراندان 10 میلیارد دولارلیق یول ایشینه 'مناقصهسیز دعوت"
ایران ایله تورکیه آراسینداکی تیجارت علاقهلری آرتارکن یاتیریم دعوتی گلدی. ایرانین آنکارا سفیری علی رضا بیکدیلی، تورک شیرکتلری اؤلکهسینده یاتیریما چاغیردی. بیکدیلی، "یول ناظیرلیگی 10 میلیارد دولارلیق ایشی مناقصه آچمادان تورک شیرکتلرینه وئره بیلر. تورک شیرکتلره غرب شیرکتلردن گئری قالماماق آدینا دعوتده ائدیرم" دئدی. بیکدیلی، ایران اولاراق غرب اؤلکهلره نظرن تورک شیرکتلرینه داها یاخشی ایمکانلار تقدیم ائتمهیه و ایمکانلارینی قیمتلندیرمهیه حاضیر اولدوقلارینی سؤیلهدی.
صاباح "حلال سرگیسی اوکتوبردا آچیلیر"
حلال اکسپو سرگیسی، 22-25 اوکتوبر تاریخلری آراسیندا ایستانبولدا رئاللاشدیریلاجاق. سرگی، دونیا حلال شوراسینی ده قبول ائدهجک. میللی و اولوسلار آراسی قیدا پروفسیونللرینی بیر یئره گتیرهجک فوارلا عینی واختدا اولاراق حلال قیدا اجلاسی، کوبی اجلاسی، بوتون اکسپو سرگیسی و بوتون اینوواسیون تکنولوژیلری سرگیسی ده کئچیریلهجک. قیدادان گئییمه، درماندان توریزمه گئنیش بیر سکتورو ساخلایان حلال بازارینین دونیاداکی بؤیوکلوگو 860 میلیارد دولاری آشیر.
یئنی شفق "فیلیسطینین تورپاقلاری بلگهلنیر"
خاریجی تورکلر و قوهوم توپلولوقلار باشقانی قدرت بولبول، فیلیسطین پلاتفورمویلا عثمانلی دولتیندکی فیلیسطین آرشیولرینی آراشدیردیقلارینی و قیدلری بلگهلدیکلرینی سؤیلهدی. بولبول، "عثمانلی آرشیولریندن سند سیجیل قیدلری، پادشاه فرمانلاری یا دا تاریخی سند خصوصیتیندکی بوتون سندلرده قودس و فیلیسطین تورپاقلارینداکی تورپاقلار کیمه عاید اولدوغونا دایر سندلری سانکی یئنیدن چیخاردیریق. بو سندلر اینگیلیس، عرب، فارس و بیر چوخ دیله چئوریلهجک. بو سندلرله ایسرائیل دولتی، فیلیسطیندکی خصوصی یا دا اجتماعی اراضیسی اوچون 'بو تورپاق یا دا یئر فیلیسطینین دئییل دئیه بیلمهیهجک "دئدی.
خبرتورک "رادیاسیون فیرتیناسی دونیایا چاتدی"
گونشین اوزونده 21 ژوئنده رئاللاشان بؤیوک کورونال (تاچکوره) کوتله آتیمینین سبب اولدوغو رادیاسیون فیرتیناسی دونیایا چاتدی. علم اینسانلاری بیر مدت انرژی نقل خطلرینده و GPS(قلوبال قونوملاما سیستم)، سیستملرینده بؤیوک فاجیعهلر یاشانابیله جگینی ائشیتدیردی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.