تورکیه مطبوعاتی اؤزتی 21.06.2015
خبرتورک "سوروچ قاچقین دوشرگهسی دونیایا نومونه اولدو"
شانلی اورفانین سوروچ محلینده سیغینماجیلاری ساخلایان قاچقین دوشرگهسی، بین الخالق خبر آژانسی آشوشیتد پرس (AP) طرفیندن خبر ائدیلدی. 15 بؤلگهیه یاییلان 7 مین چادیردا 25 مین سیغینماجینین راحات شکیلده یاشادیغینا یئر وئریلن خبرده دوشرگهنین، دونیانین ان چوخ قاچقین ساخلایان دوشرگهسی اولاراق سمبوللشدیغی ایفاده ائدیلدی. خبرده، همچینین 2 میلیونو آشان سوریهلیلر ساخلایان تورکیهنین، دونیایا نومونه اولان بیر فداکارلیق سرگیلدیگی قید ائدیلدی. خبرده، تورکیه بونو ائدرکن اوروپا اؤلکهلرینین ایسه گؤچمن قایقلارینی باتیرما فیکرینی دارتیشدیغیندان و قاچقین کوتاسینی یوکسلتمهیه ایشلدیگیندن بحث ائدیلدی.
یئنی شفق "ساغلیق توریزم اوچون 33 مرکز"
ساغلیق ناظیرلیگینه باغلی تورکیه حدود و ساحیللر ساغلیق مودیرلیگی، اؤلکه توریزمینه قاتقی تامین ائتمک اوچون تورکیهیه سرحد اولان ساحیللرده ساغلیقلا علاقهدار یوخلامالاری سرعتلندیرمک و اؤلکهیه داها چوخ توریست گیریشینه قاتقی تامین ائتمک اوچون ساغلیق پرسونلی وظیفهلندیردی. گمی و یاتلارا خیدمت وئرمک مقصدیله 33 ساحل ساغلیق نظارت مرکزی وظیفه ائدهجک.
ایستار " National Geographic ین ان قورخوسوز تورکو"
دونیانین ان چوخ ریسک آلان 22 کاشیفیندن بیری سئچیلن، بین الخالق و میللی بیر چوخ موکافات وئرن تورک علم اینسانی علملر نامیزدی چاغان شکرجی اوغلو، National Geographicین ایلک تورک فوتوغرافی اولدو. فوتوغراف و فیلم آژانسینا National Geographic Creative اوچون ایشه حاق قازانان شکرجیوغلونون فوتوشکیللری " http://talent.natgeocreative.com/talent " آدرسینده گؤروله بیلیر. شکرجیوغلونون ایشلری National Geographic تورکیه ژورنالیندا ده نوماییش اولونور.
حریت "میللت گلیر"
گرامی موکافاتلی موسیقیچی مارکوس میلر، 22. ایستانبول جاز فستیوالی اوچون تورکیهیه گلیر. معاصر جاز موسیقیسینین یاشایان افسانهلریندن بیری قبول ائدیلن میلر، فستیوال چرچیوهسینده 2 ژوئنده کونسرت وئرهجک. صنعتچییه ساکسینوندا آلکس خان، گیتارادا آدام آگات، دویمهلی چالغیلاردا بریت ویلیامس و باراباندا لویس کاتو یولداشلیق ائدهجک.
صاباح "عقللی تلفونلاردا جت لاگ تطبیقی"
بین الخالق هاوا نقلیاتی قورولوشو (IATA)، "جت لاگ" اولاراق بیلینن، قیسا مدتلرده اوزون اوچوشلار آپان یولچو بیولوژی ریتمینین پوزولماسی پروبلمینه حل اوچون عقللی تلفون تطبیقی اینکیشاف ائتدیردی. اسکایزن آدی وئریلن تطبیق، ساعت فرقینی و هاوا دورومونو دا گؤز قارشیسیندا ساخلایاراق، ایستیفادهچییه سفر بویونجا، ایلک اولاراق نه زامان و نه قدر یاتماسی و بیولوژی ریتمین قورونماسی اوچون نه یئمهسی لازیم اولدوغو کیمی فایدالی معلوماتلار وئریر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.