تورکیه مطبوعاتی اؤزتلری 16.06.2015

یئنی شفق: "ان شیرین تلاش"
دونیا موسلمان‌لاری جمعه آخشامی گونو باشلایا‌جاق رمضان آیی‌نین هیجانینی ایندی‌دن یاشاماغا باشلادی. ایستانبول‌داکی بلدیه‌لر ده رمضان حاضیرلیق‌لارینی گون‌لر اوّلین‌دن تاماملادی. بو ایل ده شهرین هر کونجونده آیری بیر حادثه اولا‌جاق. رمضانین معنوی ایقلیمی، هنری و مدنی فعالیت‌لرله ذیروه‌یه داشینا‌جاق. 29 گون عرضینده کونسرت‌لر، صحبت‌لر، عنعنوی نوماییش صنعت‌لری، محله ایفطار پروقرام‌لاری تشکیل ائدیله‌جک.
خبرتورک: "آنکارادا یاخشی حیات گونو قید ائتمه‌سی"
بوتون دونیادا یاییلان و یاخشی حیات شعورونو قازاندیرماغی هدفله‌ین Global Wellness Day باشکند آنکارادا قوتلاندی. 'یاخشی حیات گونو فعالیتی 5 قارّه‌ده 71 اؤلکه‌ده عینی آندا رئال‌لاشدی. ایشتیراکچی‌لار گون بویو داوام ائدن فعالیتده ایدمان ائدیب ساغلام یاشامانین سیررینی اؤیرندی. هر ایل ژوئن آیی‌نین ایکینجی شنبه گونو تشکیل ائدیلن فعالیتده، ایدمان ائتمه‌نین، ارکن یاتمانین، پلاستیک شوشه ایستیفاده ائتممک، گولمه‌نین، یاخشی‌لیق ائتمه‌نین، ساغلام بسلنمه‌نین و سو ایچمه‌نین، ساغلام حیاتین سیرلری اولدوغو وورغولاندی.
وطن: "تورکیه قادین CEO نیسبتینده دونیا ایکینجی‌سی"
ژنرا‌لی سیغورتا موتورو مینه آیدین آیهان، بؤیوک اقیصاد‌لارین آراسینا گیرمگی قادین CEOلارین اهمیت‌لی بیر رول بوینونا گؤتوردویونو سؤیله‌دی. آیهان: 'تورکیه‌ده قادین CEO نیسبتی یوزده 12، یعنی 100 مودورونون 12-سی قادین. دونیادا ان اینکیشاف ائتمیش اؤلکه‌لرده قادین چالیشان نیسبتی تورکیه‌دن یوکسک اولدوغو حالدا اوست سویه ایدارچی سایسی تورکیه‌نین چوخ گئری‌سینده. اوروپادا ایسه چالیشان قادین سایسی تورکیه‌نین ایکی قاتی. لاکین اوست سویه چالیشان قادین سایسیندا تورکیه اوروپانین چوخ ایره‌لی‌سینده 'دئدی.
ایستار: "تورک اینسانی‌نین یوخو نقشه‌‌سی"
سانال دونیا ایستیفاده‌چی‌لری‌نین آختاردیغی معلومات‌لارا گؤره، تورکیه‌نین یوخو نقشه‌سی تعیین اولوندو. آختارما موتورو یاندکسین 2014ون باشین‌دان 2015-جی ایله آوریل آیی سونونا قدرکی 16 آیلیق مدتی اساس آلدیغی آراشدیرمادا تورکیه‌ده اینترنت ایستیفاده‌چی‌لری ان چوخ "یوخودا ایلان گؤرمک' ایفاده‌سینی آختاردی. بونو سیراسییلا 'یوخودا قیزیل گؤرمک،' یوخودا ایت گؤرمک، 'یوخودا سیچان گؤرمک و 'یوخودا آغلاماق کیمی ایفاده‌لر تعقیب ائتدی. ایلک بئش ایفاده آراسیندا اولماسا دا 'یوخودا آت گؤرمک، 'یوخودا ساچینی کسدیرمک، 'یوخودا دیشی‌نین چیخدیغینی گؤرمک کیمی ماراق‌لی آختارمالار دا تئز-تئز ائدیلدی.
صاباح: "سوریه‌ده تامپون بؤلگه تله‌سی"
آمریکا لیدرلیگین‌دکی کوالیسیون گوج‌لری ایله ترور تشکیلات‌لاری سوریه‌نین قوزئیین‌دکی تل-آبیاد عملیاتییلا تورکیه‌نین الینی ضعیفله‌ده‌جک حیله‌گر بیر پلان آرخاسیندا. کؤچه مجبور عرب و تورکمن‌لرین یئرینه کوردلرین یئرلشدیریله‌جگی تامپون بؤلگه 'تهلوکه‌سیز اینسانی بؤلگ اعلان ائدیله‌جک. دونیایا 'تورکیه‌نین اوچوشا قاداغان بؤلگه تئزینی حیاتا کئچیریلدی "هاواسی یاییلا‌جاق. گئرچکده ایسه بو ساحه‌ده کورد نفتی اوچون 'تهلوکه‌سیز کئچید بؤلگه‌سی فونکسیونو گؤره‌جک.