تورکیه مطبوعاتی ارزتی 12.06.2015
یئنی شفق "عائله اکینچیلیگینه دؤولت دستگی"
آوروپادا اکینچیلیگین تملینی میدانا گتیرن "عائله اکینچیلیگغی" مدلی تورکیهده ده اویقولاناجاق. اکینچیلیگی آرتیراجاق و کنددن شهره کؤچو انگللهیهجک مدل ایله داها چوخ وئریم و ایش گوجو الده ائدیلهجک. دؤولت دستگی تامین ائدیلهجک اولان عائله اکینچیلیگی اوچون قیدا، تاریم و حیوانچیلیق باخانلیغی دا یول خریطهسی چئکدی. باخانلیغین، 2 میلیونو آشان عائله اکینچیسینین گوجلندیریلمهسی مقصدیله حاضیرلادیغی ایش راپورونا گؤره، عائله اکینچیلرین محصوللارینی ساتابیلجکلری موحیطلر یارادیلاجاق، ساغلیق خیدمتلری آلمالاری تامین ائدیلهجک.
خبرتورک "خاریجه پول چیخیشینا آسانلیق"
تورک پولونون خاریجه یالنیز بانکلار واسطهسیله چیخاریلابیلهجگینه باغلی ضرورت قالدیریلدی. سربست چیخاریلابیلن پول مبلغی 13 مین 700 لیرادان 25 مین لیرایا، ارز ایسه 5 مین دلاردان (و یا برابر افکتیو) 10 مین یورویا (و یا برابر افکتیو) یوکسلدیلدی. بو میقدارلاری آشان پولون نئجه چیخاریلاجاغینین ایسه خزانه مستشارلیغینین باغلی اولدوغو باخانلیق طرفیندن تعیین اولوناجاق اساسلارا گؤره ائدیلجیی اؤن گؤرولدو. یئنی وضعیتده پول داشیما شیرکتلرینین ده خاریجه پول چیخیشی ائدهبیلجیی تخمین ائدیلیر.
وطن "ان یاخشی 50ده 6 تورک اونیورسیتهسی"
بئینلخالق یوکسک اؤیرتیم درجهلندیرمه قورولوشو تایمز هایگر ادوکشین آسیا اونیورسیتهلری سیرالاماسینا گیرن تورکیهدن 6 اونیورسیته، ایلک 50ده یئر آلدی. ایلک 20یه ایسه 3 تورک اونیورسیتهسی گیردی. آسیا اونیورسیتهلری سیرالاماسیندا اورتا دوغو تکنیک اونیورسیتهسی (اودتو) 12.جی، بوغازایچی اونیورسیتهسی 14.جو، ایستانبول تکنیک ایسه 19.جو اولاراق آسیانین ان گؤزده اونیورسیتهلری آراسیندا یئر آلدی.
ایستار "میلانونون تک قادین مدلی!"
اولوسلارآراسی اونه صاحب تاپ مدل تولین شاهین، کیشی مداسینا قاتدیغی فرقلی دونیاگؤروشو ایله دقت چئکن میلانو کیشی مدا هفتهسینده تک قادین مدل اولاراق پودیوما چیخاجاق. شاهین، جسور، گؤرکملی و لوکس دیزاینلارین سرگیلنهجیی دفیلهنین 20 ژوئندهکی قاپانیشیندا، بیر تورک فیرماسینین اؤزل بیر تاساریم ایله دفیلهده ایشتیراک ائدهجک ایلک و تک قادین تاپ مدل اولاجاق.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718992353)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.