تورکیه مطبوعاتی اؤزتی 11.06.2015

صاباح: "بویوک یاتیریملار تورکیه‌نی دونیا ایکینجی‌سی ائتدی"
سون ایللرده آرد آردا حیاتا کئچیریلن بویوک یاتیریم‌لار تورکیه‌نی بین الخالق آرئنادا دا اوسته داشیدی. دونیا بانکی، تورکیه‌نین اینکیشاف ائتمکده اولان اؤلکه‌لر آراسیندا دولت-خصوصی سکتور امکداش‌لیقدا ان چوخ آلت یاپی یاتیریم ائدن ایکینجی اؤلکه اولدوغونو آچیقلادی. دونیا بانکی‌نین 139 اینکیشاف ائتمکده اولان اؤلکه‌نی احاطه ائدن '2014 قلوبال دولت-خصوصی سکتور اورتاق سرمایه‌لری باش‌لیق‌لی آراشدیرما راپوروندا، تورکیه برزیل‌ین آردین‌دان ایکینجی یئرلشدی.
یئنی شفق: "آلمان و فرانسانی سوللادیق"
بو ایلین ایلک روبوعنده یوزده 2،3 بؤیوین تورکیه، اوروپانین ان سرعت‌لی بؤیوین اؤلکه‌لری آراسیندا یئر آلدی. بو دؤورده آلمانیا یوزده 1، فرانسا ایسه یوزده 0،7 بویویه‌بیلدی. اوروپا بیرلیگی عضوو اؤلکه‌لری ده اورتالاما یوزده 1،5 بؤیودو. گؤزلمه‌لرین اوزرینده بؤیوین تورکیه بئله‌جه 22 چیرکدیر کسیلمز بؤیومه‌نی داوام ائتدیردی. ایلک دؤرددبیرده 577 مین نفره استخدام تامین ائدیلدی. اوروپادا ایسه ایشدن چیخارما دالغاسی یاییلیر.
میللیت: "توک قهوه‌سینه لذت اؤدولو"
تورک قهوه‌سی، مرکزی بروکسلده اولان بین الخالق داد و کیفیت انستیتوسو (iTQi) طرفین‌دن موکمل داد و کیفیت‌لی یئمک و ایچکی‌لره وئریلن اوستون لذت اؤدولونه لاییق گؤرولدو. اوستون لذت موکافاتی، iTQi طرفین‌دن 150-دن چوخ گورمه (داد بیلیر)، آشباز، ایچکی متخصصی و عالیمین قیمتلندیرمه‌لری نتیجه‌سینده وئریلیر. تورک قهوه‌سی فرق‌لی قهوه و خصوصی هارمان ائدیله‌رک حاضرلاندی.
خبرتورک: "قیزیل میدال اوچون سالدیر"
مجاریستان و رومانی‌نین اورتاق شکیلده ائو صاحب‌لیگی ائتدیگی 3ینجی اوروپا قادین‌لار بسکتبال شامپیونلوغو بو گون باشلاییر. بویوک تورنیرده 2011-جی ایلده لهستاندا گوموش، 2013 فرانسادا ایسه بورونج میدال قازانان پوتا پریلری، رومانی‌نین اورادئا شهرینده رئال‌لاش‌دیریلا‌جاق تورنیرده ب قروپوندا یونانیستان، لهستان، بلاروس و ایتالیا ایله قارشی-قارشییا گله‌جک. میللیلریمیز اورادئا آلکس سالونو ایلک اویونوندا بو آخشام لهستان ایله اوینایا‌جاق.