تورکیه مطبوعاتی اؤزتی 04.06.2015
ایستار: "رکورد قاتیلیم گؤزلهییرم"
بینگؤلده دانیشان پرزیدنت رجب طیب اردوغان، وطنداشلاری صاندیغا گئتمه قونوسوندا اویاردی. اردوغان: 'سیزلری میلی بیرلییه دعوت ائدیرم. بازار گونو رکورد قاتیلیم گؤزلهییرم. بو ایشه گوجلو شکیلده صاحب چیخدیقجا کیمسه بیزی بؤلهممز' دئدی.
یئنی شفق: "تورک آخینیندا آنلاشما حاضر"
روس گازینی تورکیه اوزریندن آوروپایا داشییاجاق "تورک آخیمی" پروژهسینده حاضرلیقلار تاماملاندی. ایمضا مرحلهسینه گئچیلدی. انرژی باخانی تانار ییلدیز: "پروژه آوروپانین گاز احتیاجینی قارشیلایاجاق اولانلاردان بیریدیر. آوروپا بیرلیگی بو پروژهنین اولماسینی ایستییرسه سیفاریشینی وئریر. بوندان سونراسی آوروپانین پروبلئمی' دئدی. ییلدیز، اؤزونو ان چوخ هیجانلاندیران مؤوضوعلارین، عراق نفتینین تورکیه اوزریندن ساتیلماسی، روسیا و ژاپن ایله ایمضالانان نوکلئر آنلاشمالاری، تاناپ ایله خزردکی نفت ساحهلرینین آلینماسی اولدوغونو سؤیلهدی.
صاباح: "380 میلیون انسان تورک هاوا یوللارینین رکلامینی ایزلهدی"
دونیانین ان چوخ نقطهسینه اوچان هاوا یولو شیرکتی ت.ه.ی، اینترنتین ده کرالی اولدو. ت.ه.ینین رکلام فیلملری سوسیال پایلاشیم سایتی یوتوبدا بو آنا قدر 380 میلیون نفر طرفیندن ایزلندی. بو دا دونیادا 20 نفردن بیرینین بو رکلامی گؤرمهسی معناسینا گلیر. آرژانتینلی فوتبال اولدوزو لیونل مسی ایله انبیایین ان یاخشی بسکتبالچیلاریندان کوبی براینتین اوینادیغی رکلام فیلمی 10 ایلین ان بینیلن رکلام فیلمی سئچیلدی.
خبرتورک: "ایستانبول آوروپادا 3.جو، دونیادا 5.جی"
ماسترکاردین 132 شهری قابسایان 2015 هدف شهرلر اندکسینه گؤره ایستانبول بو ایل آوروپانین ان چوخ گزگین چئکن اوچونجو، دونیانین ایسه بئشینجی شهری اولاجاق. سنگاپور و نیویورکو گئریده بوراخاجاق اولان ایستانبول، گئچن ایل یئددینجی سیرادا ایدی. راپورا گؤره بو ایل ایستانبولو 12 میلیون 560 مین نفرین گزمهسی گؤزلنیلیر. گزگین ساییسینین 2015.جی ایلده یوزده 11،4 آرتیش قید ائدهجگی حسابلانیر.
حریت: "تاریخه سایغی دالیشی"
دونیا دالیش رکوردچوسو شاهیکا انجومن و سو آلتی ساوونما دالغیجلارینین عثمانلی گمیسی ارتوغرول گمیسینین باتیشینین 125.جی ایلینده سایغی دالیشی گرچکلشدیردی. قروپ باتیش بؤلگهسینه 125.جی ایله اؤزل بیر لؤوحه بوراخدی. ارتوغرول گمیسی، 15 سپتامبر 1890دا گئری دؤنمک اوچون ژاپونون یوکوهاما لیمانیندا آیریلمیش، طوفان سببیله کوشیموتو ساحللرینده قایالیقلارا ووراراق باتمیشدی. قضادا 531 تورک دنیزچی شهید اولموشدو.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.