تورکیه مطبوعاتی اؤزتی 29.05.2015
ایستار "ترانس آتلانتیکین اولدو بیتدییه گتیریلمه‌سینی قبول ائتمریک"
باشباخان کؤمکچی‌سی نومان قورتولموش، خزر ایستراتژیک اینستیتوسو طرفین‌دن تشکیل ائدیلن "تورکیه‌نین رقابت گوجو و ترانس آتلانتیک تیجارت یاتیریم اورتاقلیغی" قونولو کنفرانسدا، تورکیه‌نین آ.ب‌یه قوشولماق اوچون گؤمروک بیرلیگی مراجعتی‌نین او گونون سیاسی شرط‌لرینده عجله‌یه گتیریلمیش ایشلر اولدوغونو سؤیله‌دی. آ.ب و آمریکا آراسیندا یاپیلما‌سی دانیشیلان ترانس آتلانتیک اورتاقلیغین تورکیه اوچون ده سون درجه اؤنم‌لی بیر قونو اولدوغونو وورغولایان قورتولموش، "بونونلا ایلگیلی مسئله‌لرده نه اوزریمیزه هر هانسی بیر شئیین تلقین ائدیلمه‌سینی نه ده مسئله‌نین اولدو بیتدییه گتیریلمه‌سینی قبول ائدیریک" دئدی.
صاباح "سامباجی‌لار سیواسی بؤلگه مرکزی ائده‌جک‌لر"
داها اؤنجه روبرتو کارلوسو تکنیک دیرئکتور اولا‌راق فوتبال کلوبونا ترانسفر ائدن سیواس، ایندی ده یاتیریمدا بیر آددیم آتدی. دونیانین ان بؤیوک 8.جی سمنت اوره‌تیچی‌سی ووتورانتیم، سیواسی اوره‌تیمده بؤلگه‌سل بازا ائتمه قراری آلدی. سیواسا 140 میلیون یورولوک بودجه آییران شیرکت، شهرده وار اولان تاسیسه علاوه اولا‌راق ژوئن آییندا ایکینجی فابریکانین تملینی آتا‌راق، بازار پایینی یوزده 42یه چیخارماغی هدفلییر.
یئنی شفق "فلستین‌لی اوشاق‌لارا گئده‌جک"
ایسراییل عسگرلری‌نین هوجومونا اوغرایان ماوی مرمره دعوی‌لریندن گلن خسارت پوللاری فیلیسطینلی اوشاق‌لارا گؤندریله‌جک. محاصره آلتین‌داکی غزه‌یه اینسانی کؤمک داشییان ماوی مرمره گمی‌سینده اولان و هوجوم‌دان ساغ خلاص اولان کؤنول‌لولردن محمد وورآل، یاشانان هوجوم و آرا‌دان گئچن 5 ایله باخمایا‌راق، ییلمادیق‌لارینی، موباریزه‌لرینده هئچ بیر آزالما اولمادیغینی سؤیله‌دی. وورآل، ایسراییل دؤولتی و هوجومو گرچکلشدیرن‌لر علیه‌ینه آچدیق‌لاری دعوی‌لری قازانما‌لاری حالیندا آلا‌جاق‌لاری پوللاری فلسطین‌لی اوشاق‌لارا گؤندره‌جک‌لرینی ایفاده ائتدی.
خبر تورک "اولدوزلار بورسا فستیوالیندا"
25 میده آچیلیشی ائدیلن 54وجو اولوسلارآراسی بورسا فستیوا‌لی بوتون جوشغوسویلا داوام ائدیر. 15 ژوئنه قدر داوام ائده‌جک فستیوالدا، کلاسیک موسیقی‌دن پاپ موسیقی‌سینه تورکیه‌نین مشهور صنعتچی‌لری آغیرلاناجاق. فستیوالا، مشهور راک قروپو یوروپ، دوب، فونک و سوول موسیقی‌سی‌نین گنج نماینده‌لرین‌دن اولان لهستان‌لی مغنی ماریکا دا قاتیلا‌راق، موسیقی‌سئورلری جوش‌دورا‌جاق.
وطن "3 اؤلچولو آلچییلا قیریق‌لار یاخشیلاشیر"
29 یاشین‌داکی تورک تاساریمچی دنیز قاراشاهینین قیریق معا‌لیجه‌سینده ایستیفاده ائدیلمک اوزره شخصه اؤزل حاضیرلادیغی قول آلچی مد‌لی "اوستئوید مئدیکال کاست" ایله قیریق سوموک‌لرین ان بؤیوک سیخینتی‌لارین‌دان اولان آلچی 3 اؤلچولو حالا گتیریلیر. آدیزین آوارد یاریشماسیندا اوستئوید آتئل پروژه‌سی ایله قیزیل مدال قازانان قاراشاهین، حاضیرلادیغی قول آتئلی ایله اولتراسس تیترشمه‌لرین قیریق بؤلگه‌یه چاتدیریلماسینی تامین ائدرک یاخشیلاشما نیسبتینی یوزده 80 سورعتلندیریر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
