تورکیه مطبوعاتی اؤزتلری 28.05.2015
یئنی شفق "یئرلی اوچاقدا ایلک بیلت باش ناظیر داوود اوغلونا"
تورکیه ایلک یئرلی اوچاغسی اوچون ایلک آددیمی آتدی. باش ناظیر احمد داوود اوغلونون قاتیلدیغی مراسیمله تقدیماتی ائدیلن اوچاق 2019-جی ایلده سمالاردا اولاجاق. باش ناظیر داوود اوغلونا یئرلی اوچاغین 29 اوکتوبر 2019دا ائتمهسی پلانلاشدیریلان ایلک اوچوش اولان کونیه-یوکسئکووا سفرینین تمثیلی بینیش کارتی تقدیم ائدیلدی. داوود اوغلو، بینیش کارتی اوزریندکی تاریخه دقتی چکهرک، "بونو منه تقدیم ائدن مسئوللار سؤز وئرمیش اولورلار. بونون تعقیبچیسی اولاجاغام." دئدی.
ایستار "180 میلیاردلیق نقلیات یاتیریم خاریجیلری جلب ائتدی"
نقلیات سکتورونون بیوک شیرکتلریندن گؤروشودورن، آوراسیا و اورتا شرقین ان بؤیوک، اوروپانین ان بؤیوک ایکینجی یول تکنولوژیلری سرگیسی اینترترافیک ایستانبول، یئشیلکؤیده قاپیلارینی آچدی. 8ینجیسی تشکیل ائدیلن سرگی، 3 گون بویونجا نقلیات و یول گوونلیگی موضوعسوندا سون تکنولوژیلری تقدیم ائدهجک. تورکیهنین باشدا ایستانبول اولماق عذره 2018-2023-جی ایللر آراسیندا تطبیقی پلانلاشدیردیغی 180 میلیارد لیرهلیک یاتیریم پلانی، آلمان، ایسرائیل، هولند، ژاپون، اینگیلتره، فرانسا، سینگاپور کیمی بیر چوخ خاریجی اؤلکهنین ایشتاهینی قابارتدی.
صاباح "تئکستیلده باجاردینیز ایندی سیرا اوتوموبیلده"
دونیاجا مشهور دیزاینر Chris Bangle، تورکیهده تکستیل و اوتوموبیله دیزاین موضوعسوندا جدی پوتانسیل اولدوغونو سؤیلهدی. بنگل، "تورکیهده تکستیل موضوعسوندا مووفقیتلیسینیز. بونو اوتوموبیله ده داشییا بیلرسینیز. گلهجکده ساغلیق خیدمتلری ان بؤیوک فورصتلردن بیری اولاجاق. بو اوتوموبیل اوچون ده ایمکانلار تقدیم ائدهجک" دئدی.
وطن "ایتالیان پینچی: 'تورکلر ان بؤیوک رقیبیم، سیرر وئرمم"
اوروپا آیاققابی صنایع کونفدراسیونونون (CEC) ایستانبولدا ائدیلن عادی عمومی قورولوندا باشچیلیق وظیفهسینه ایتالیان سلتو ساگریپانتی گتیریلدی. ساگریپانتی، "تورک آیاققابی صنایعسی ان بؤیوک رقیبلریمیزین بیری. بو سببله گلهجهیه باغلی گؤروشلریمیزین پایلاشیب سیرر وئرمم" دئدی. تورکیه آیاققابی صنایعچیلری درنکی (TASD) صدری حسین چتین ده، یالنیز ایتالیانلار دئییل، بوتون رقیبلرینین ناراحاتلیقلارینی چوخ حاقلی اولدوغونو ایفاده ائدهرک، "ایدخالاتا علاوه وئرگی سونراسی آرخامیزا آلدیغیمیز اوره تیم کولهگی ایله هر کسین قورخولو یوخوسو اولماغا باشلادیق" دئدی.
حریت "ایکینجی دفعه قاپاقدا"
دونیانین ان پرستیژلی لیسته ژورناللاریندان Condè Nast Traveller ، مشهور مودئل تولین شاهینی ایکینجی دفعه قاپاغینا داشیدی. ژورنالین روسیا ادیسیونو، ژوئن سایینی تورکیهیه آییردی. قاپاغینی تولین شاهینین بزدیگی ژئون سایسی چکیلیشلری، گؤجک و کاپادوکیادا ائدیلدی. شاهین ژورنالا وئردیگی رپورتاژدا، تورکیهنین تاریخی و توریستیک یئرلری حاقیندا معلومات وئردی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.