تورکیه مطبوعاتی اؤزرتی 24.05.2015
یئنی شفق " KOBİ-لر قلوبال مرکزی اولدوق"
قلوبال ایش دونیاسی، تورکیهنین گ20 دؤور باشقانلیغیندا کوبیلرین سسینی بؤیودمک اوچون حرکته کئچدی. تورکیه اودالار و بورسالار بیرلیگی، بین الخالق تیجارت اوتاغی (ICC) و دونیا اودالار فدراسیونو (WCF)نون دستگی ایله قورولان دونیا کوبی فورومو فوندونون مرکزی ایستانبولدا آچیلدی. بین الخالق ایشتیراکین اولدوغو آچیلیش مراسیمینده دانیشان باش ناظیر معاوینی علی باباجان، فورومون، دونیاداکی بوتون کوبیلرین اورتاق سسی اولا بیلهجک بیر قورولوش اولدوغونو سؤیلهدی.
میللیت "'موستانگ اوروپا سینمالاری داغیتیم اؤدولو"
کن فیلم فستیوالیندا، دنیز گامز ارگووئنین ایلک اوزون متراژلی فیلمی موستانگ، گؤستریلدیگی "یؤنتمنلرین 15 گونو" حیسهسینین اوچ اؤدولوندن بیری اولان اوروپا سینمالار داغیتما اؤدولونه (Europa Cinemas Label Prize) لایق گؤرولدو. موستانگ، ایلک فیلملرین قیمتلندیریلدیگی و قازانانی بو آخشام آچیقلاناجاق قیزیل کامرایا دا نامیزد.
ایستار "' فیلینتا آمریکا یولچوسو"
آمریکانین ان چوخ ایزلنیلن گزینتی کانالی تراول چنل، ت.ر.ت-ین سئویلن عثمانلی دتکتیو دیزیسی فیلینتانین دستگنی زیارت ائتدی. یاپیمچی روبین آکوت، خصوصی بیر بؤلوم چکرکن، پروقرامین آپاریجیسی کارلو کاواللی ده سریالین بیر حیسهسینده قوناق اویونچو اولاراق رول آلدی. محلی لباسلارا حیران قالان کاواللی، فیلم قروپونا چوخ تشککور ائتدی و آمریکایا دؤندوگونده رول اوچون گئیدیگی تاریخی محلی لباسی موطلق پروقرامیندا ایستیفاده ائدهجگینی سؤیلهدی.
خبر تورک "مادونا ائوینه تورک حمامی تیکدیریر"
پوپ اولدوزو مادونا، 2 ایل اول کونسرت اوچون گلدیگی ایستانبولدا گئتدیگی و چوخ تاثیرلندیگی تورک حمامینی نیویورک منهتندکی ائوینه تیکدیرمه اوچون آنتالیالی بیر فیرمایلا موقاویله ایمضالادی. 400 مین دولارا قورولاجاق SPA مرکزی؛ تورک حمامی، بوخار اوتاغی، ساونا، ماساژ اوتاقلاریندان عبارت و حمامدا قیزیل بزک ایستیفاده ائدیلهجک.
صاباح "قادین بوکسچو 6 میدال بیردن گلدی"
تایواندا ائدیلن قادینلار دونیا بوکس شامپیونلوغوندا تورک بوکسچو 1 قیزیل، 1 گوموش و 4 بورونج میدال قازاندیلار. 75 کیلوگرام گنجلر کاتقوریسینده بوسهناز سورمنئلی، چینلی رقیبینی 3-0 مغلوب ائدهرک ایکینجی دفعه دونیا شامپیونو اولدو. ییلدیز قیزلار 46 کیلودا ایسه بیزا ساراچوغلو شمالی کورهلی گیونگ وون اونا فینالدا سایی ایله مغلوب اولاراق گوموش میدالدا قالدی. آیتن شامنتور، ائلیف سیلا گوندوز، سما کاراکویون و نور هیلال کاندمیر ده بورونج میدال قازاندی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.