تورکیه مطبوعاتی اؤزتی 21.05.2015
یئنی شفق: "ایسلامی مرکز بانکی قوروروق"
دونیاداکی بوتون ایشتیراک بانکالارینی تک مرکز آلتیندا ییغاجاق ایسلامی مرکز بانکینین ژوئن پلانی معین اولدو. باش ناظیر معاوینی علی باباجانین موژدهسینی وئردیگی مرکز قورولوشون آنا اورتاقلاری تورکیه، اندونزی و ایسلام اینکیشاف بانکی اولاجاق. باباجان، تورکیهنین ایلک آددیمدا 300 میلیون دولار قایناق تامین ائدهجگینی سؤیلهدی. گ20 اؤلکهلری ده فایزسیز فینانسی دستکلییر.
ایستار: "اوتوموبیللرین شووسو باشلاییر"
اوتوموبیل سئورلرین ماراقلا گؤزلدیگی Autoshow 2015، 22-31 می تاریخلری آراسیندا ایستانبول Tüyap قاپیلارینی آچیر. اورهتیمی، صادرات و ساتیشلاردا ایله سرعتلی باشلایان اوتوموبیل سکتورو یئنی مودئللرینی گؤروجویه چیخاراجاق. سرگیده ایکیسی دونیا لانسمانی 27 یئنی مودئل تورکیهده ایلک دفعه تانیدیلاجاق. 14 سالون و عمومی 120 مین متر مکعب باغلی ساحهده کئچیریلهجک Autoshow 2015-جی ایلده معجزهلر دیاری آنلاییشی ایله اوتوموبیل توتقونلاری دونیانین یئنی معجزهلر اولان سون مودئل اوتوموبیللرله گؤروشهجک.
خبرتورک: "تورکیهده 1184 نقطهدن دنیزه گیره بیلرسینیز"
ساغلیق ناظیرلیگی تورکیهنین دنیز و گؤللرینده ساحلی اولان 34 ایلینده سولاردا باکتری آنالیزی ائتدی. تام 1184 نقطهنین سویا گیرمهیه سون درجه الوئریشلی اولدوغو و سو ساحهلرینین کیفیتینین اویغون اولدوغو موشاهیده ائدیلدی. 15 گون آرایلا ائدیلن آنالیزلرین نتیجهلرینین موکممل اولدوغو آچیقلاندی. بو نتیجهلره گؤره، تورکیهدکی پلاژلار تام امتیاز آلدی. تورکیهدکی اوزمه ساحهلرینه باغلی اطرافلی معلومات http://yuzme.saglik.gov.tr آدرسینده، تورکجه، اینگیلیس، آلمان، فرانسیز، ایسپان، روس و ایتالیان اولاراق نوماییش اولوندو
صاباح: "1915-جی ایل حادثهلرینی فیلم ائدهجک"
سؤزده ارمنی ادعالارینین آرتدیغی دؤورده رژیسور ایسماعیل گونش، "کاروان 1915" آدییلا 20 ژوئنده فیلم چکیلیشینه باشلایاجاق. گونش، 1915 حادثهلرینه باغلی: "بیرینجی دونیا ساواشیندا بوتون خالقلار بیر-بیریله مباریزه. 16 میلیون جیواریندا اینسان حیاتینی ایتیردی. بونلاردان 3 میلیون قدری عثمانلینین مسلمان خالقییدی. یاشانانلار هم مسلمانلار، هم ده خریستیانلار اوچون بیر تراژدیدی 'دئدی.
میللیت: "الیف اوراس آمریکادا ایزنیک-ی سرگیلییر"
سنتچی الیف اوراس، آمریکادا آلدریجه آکتوال اینجه صنعت موزهسینده آچیلان فردی سرگیسینده ایزنیک و ایزنیک چینیسیندن ایلهاملاناراق ائتدیگی اثرلری سرگیلییر. صنعتچی سرگی سالونونو چشمه، بؤیوک بیر دیوار لوحهسی کیمی یئرلشدیرمه و اوبژهلرله دولدورور. چشمه و داواملی آخان سو، ایزنیک گؤلونون اطرافینداکی برکتلی تورپاقلاری و سویون دوغورگانلیغینی خاطیرلادیر. سرگیده زیتون ییغان قادینلاری ایضاح ائدن گولدانلار دا وار.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.