تورکیه مطبوعاتی اؤزتی 20.05.2015
ایستار "شمالی عراقدان یاری قیمتینه طبیعی گاز سئچیمدن سونرا
تورکیه ایله عراق آراسینداکی نفت و طبیعی گاز امکداشلیقدا آددیملار سئچیم سونراسی سرعتلنهجک. شمالی عراقدا جمعی 13 ساحهده نفت و گاز آختاریشی ائدهجک اولان تورکیه، بوگونکو رقملردن یوزده 50 داها اوجوزا طبیعی گاز گتیرهجک. راضیلاشمانین ایچینده تخمینن 20-30 میلیارد متر مکعب طبیعی گازین، تورکیهیه گلمهسی پلانلاشدیریلیر. "
یئنی شفق "5 هاوالیمانی داها گلیر
تورکیه هاواجیلیقدا یاشادیغی باشارینی بو آی آچاجاغی ایکی هاوالیمانییلا تاجلاندیراجاق. قارادهنیزده اوروپانین ایلک دنیزه تیکیلن اوردو-گیرهسون هاوالیمانی 22 میده، حککاری یوکسئکووا هاوالیمانی ایسه 26-سیندا دؤورهیه گیرهجک. بئلهجه فعال هاواآلانی سایسی 55ه چاتاجاق. دولت هاوا میدانلاری ایشلدمهسی (DHMİ) عمومی مودیری سردار حسین ییلدیریم، بونلاردان سونرا 5 هاوالیمانین داها دؤورهیه گیرجگینی سؤیلهدی. ییلدیریم آیریجا، هاواجیلیقدا اوچوش، مسافر و یوک داشیمالاریندا آغیرلیق ساغ اوروپادان ایستانبولا سوروشدویونو ایفاده ائدهرک، تورکیهنین 3. هاوالیمانی پروژهسی ایله Game changer (اویون دییشدیریجی) دوروما کئچهجگینی قید ائتدی. "
میللیت "ائغلنجهنین مودیرلری توپلانیر
اولوسلار آراسی ائیلنجه پارکلاری و گؤزده مکانلار بیرلیگی (IAAPA) وروپا، 21-22 میده ایللیک باهار فورومونون ایستانبولدا تشکیل ائدهجک. پاریس دیسنیلاند کیمی بیر چوخ دونیاجا مشهور ائیلنجه مرکزلرینین CEOلاری و اوست سویه ایدارچیلرینین قاتیلاجاغی فوروم ایلک دفعه تورکیهده ائدیلهجک. دونیادا ائیلنجه سکتورونداکی اینکیشافلارین پایلاشیلدیغی بو فوروم، IAAPA-نین دونیایاداکی عضولرینی و ائیلنجه سکتورو متخصصلرینی گؤروشدوردوغو ان گئنیس فعالیت. "
صاباح "اینگیلترهده بیر آنادولو اولدوزو
عایلهسیله 16 ایل اوّل اینگیلترهیه یئرلشن اولجای باییر، آنادولودان اسینتیلر تقدیم ائدن موسیقی و سسیله دونیانین کؤنلونو فتح ائتدی و اینگیلترهده بیر اولدوز کیمی پارلادی. آنادولودا دانیشیلان آلتی دیلده (تورکجه، کوردجه، ارمنیجه، لادینو، یونان و آلبان) حاضیرلادیغی "نئوا-هارمونی" آدلی آلبومو، ایسپانیا میللی رادیوسو طرفیندن ژانویه 2015-جی ایله ان یاخشی 4 آلبومو آراسیندا گؤستریلدی. گاردیان قزئتی، بانکوک پوست قزئتیندن اوسترالیانین میللی قزئتی د اوسترالیا-یا قدر دونیاداکی بیر چوخ یازیلی مئدیا آلبومو تعریفلهین نشرلر ائتدی. "
وطن "غازی آنتب مطبخی یونسکو گاسترونومی لیسته سینه نامیزد
غازی آنتب مطبخی، بیرلشمیش میللتلر تشکیلاتینین تحصیل، علم و مدنیت تشکیلاتینا (یونسکو) تشکیل ائدیلن بیر فعالیتله تانیدیلدی. غازی آنتبین یونسکو یارادیجی شهرلر گاسترونومی لیستهسینه 15 ژوئنده ائدهجگی رسمی نامیزدلیک مراجعتی اوّلی پاریسده رئاللاشان غازی آنتب یئمکلری تانیدیم گئجهسینه دیپلوماتلار چوخ ماراق گؤستردی. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718856168)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.