تورکیه مطبوعاتی اؤزتی 15.05.2015
ایستار "ان گئج 2019
پرزیدنت رجب طیب اردوغان، آک پارتینین 7 ژوئن سئچیملریندن تک باشینا آنایاسا یاپابیلهجک بیر اکثریتله چیخماسی حالیندا تورکیهده داشلارین یئرینه اوتوراجاغینی سؤیلهدی. اردوغان، "او زامان باشقانلیق سیستمین اوچون ده تقویم ایشلمهیه باشلاییر. بونون تقویمی 2019 مو اولور داها ارکن می اولور بیلهبیلمرم" دئدی. "
یئنی شفق "اینکیشاف و رفاه اوچون سیاسی ثابتلیک
باشباخان کؤمکچی علی باباجان، ایستانبولدا قاتیلدیغی باب عالی کونفرانسیندا، تورکیهنین گ20 اؤلکهلری ایچریسینده لیدئر مؤوقعده اولماسینین اهمیتینه وورغو ائتدی. قلوبال سویهده سرعتله دییشن اقتصادی و سیاسی طرازلیقلار ایچریسینده تورکیهنین اؤز ایچینده اویقولادیغی سیاستلرین چوخ اهمیتلی اولاجاغینی وورغولایان باباجان، گلهجک دؤورده خصوصیله اینکیشاف و رفاه باخیمیندان تورکیهنین اؤنوندکی ان اؤنملی مؤوضوعون سیاسی ثابتلیک اولدوغونو ایفاده ائتدی. باباجان، "سیاسی ثابتلیک اولمازسا اولماز بیر شرطدیر. سیاسی ثابتلیک زمینین موطلق ساغلام و گوجلو اولماسی لازیمدیر"دئدی."
وطن "تورکیه عاجل موداخیله گوجونون لیدئری اولاجاق
تورکیهنین ائو صاحبلیگی آنتالیادا تشکیل ائدیلن ناتو خاریجی ایشلر باخانلاری توپلانتیسیندا اؤنملی بیر قرار چیخدی. ناتونون باش کاتیبی ینس ایستولتنبرگ، بو قراری بو سؤزلرله آچیقلادی: "ناتو قارشیلیق گوجونون بؤیوکلوگونو و سرعتینی آرتیریریق. یوکسک حاضرلیقلی عاجل موداخیله گوجو ده بو ایشلرین مرکزینده. تورکیه، ناتو عاجل موداخیله گوجونون متفیقلری ایله بیرلیکده اؤنوموزدکی ایللرده گوجلرین لیدئرلیگینی اوستلنمه قراری آلدی. تورکیهنین قراری بیزلری ده ممنون ائتدی. "
صاباح "ت.ه.ی آنکارادان 7 اؤلکهیه بیرباشا اوچاجاق
آنکارا صنایع مجلسی باشقانی نورالین اؤزدهبیر، تورک هاوا یوللارینین آنکارادان هفتهده 27 سفر اولماق اوزره خاریجده 7 نقطهیه داها بیرباشا اوچوش قویما سؤزو وئردیگینی ایفاده ائتدی. اؤزدهبیر، "موسکوا و دوسلدورفا بیرباشا اوچوش وار. 1 اکتبر اعتباریله بونلارا فرانکفورت، ویانا، باکی، بروکسل، لندن، تهران و آمستردام علاوه اولوناجاق. گلن ایل برلین، هامبورگ، کؤلن، ایشتوتگارت، کوپنهاگ، ایستوکهلم و پاریسه ده اوچولاجاق" دئدی. "
حریت "بؤیوک اؤدول داملانین
میلانو اولوسلارآراسی فیلم فستیوالینا "دنیز سویهسی" فیلمی دامغاسینی ووردو. فیلمین باش رول اویونچوسو داملا سؤنمز "ان یاخشی قادین اویونچو"، فیلمین یؤنتمنلری نیسان داغ و اسرا سایدام ایسه "ان یاخشی یؤنتمن" اؤدولو قازاندی. فستیوالین اؤدوللری 9 سپتامبردا میلانودا دوزنلهنهجک مراسیمله وئریلهجک. فستیوالدا "دنیز سویهسی" فیلمینین گؤستریمی ده اولاجاق."
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719026881)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.