تورکیه مطبوعاتی اؤزتی 14.05.2015

یئنی شفق: "صنایعده یئنی هدف آفریقا و آوراسیا"
تورکیه‌نین صنایع‌دکی یئنی یول پلانی آچیقلاندی. دؤرد ایللیک یئنی صنایع استراتژیسی اورتا و یوکسک تکنولوژی محصول‌لاردا 'افریقا و آوراسیانین دیزاین و اوره‌تیم مرکزی اولماق شکلینده تعیین اولوندو. دیگر طرف‌دن 20 ایل آرا‌دان سونرا گؤمروک بیرلیگی‌نین رویزه ائدیلمه‌سی موضوعسوندا اوروپانی راضی ائدن تورکیه، گؤروشمه‌لردن اومیدلی. اقتصاد ناظیری نیهات زیبکچی، راضیلاشدیریلمیش موضوعلاردا ذوزنلمه ائدیلمه‌سی‌نین تورکیه اوروپا بیرلیگی علاقه‌لرینه صینیف آتلاتاجاغینی سؤیله‌دی.
ایستار: "خاریجی‌لر سئچیمینی ائتدی، تورک بازارلارینا آخین باشلادی"
اقتصاددا و سیاستده توتولان ثابت‌لیک، خاریجی یاتیریملارین اعتبارینی قازاندیردی. تورک لیره‌سی وارلیق‌لارینا ماراغی آرتیردی. خاریجی سرمایه گیریشی ایله دو‌لاردا محکم ائنیش یاشانارکن بورس یوزده 1،23 یوکسلدی. فایز ده اوچ گونده یاریم امتیاز دوشدو. اقتصاد ناظیری نیهات زیبکچی، 10 گون اوّل ائتدیگی آچیقلامادا، بازار ایله باغلی مثبت سیقنال‌لار وئرمیشدی.
خبرتورک: "اکینچیلیک اوره تیمینده دونیا 8ینجیسییک"
کند و اکینچیلیک ناظیری مهدی اکر، تورکیه‌نین 61 میلیارد دو‌لارلیق اکینچی‌لیک اوره تیم ایله اوروپادا سون 6 ایلده 4ونجولوکدن 1ینجیلیغه یوکسلدیگینی دیله گتیررکن، بو رقمله دونیادا ایسه 8-جی سیرادا اولدوغونو سؤیله‌دی. اکر، بانک‌لارین اکینچی‌لیگه دستگی‌نین 50 میلیارد لیره‌یه سؤیکندیگینی بیلدیریب. ائت اوره تیمینه ده توخونان ناظیر اکر، کوچوکباش حیواندارلیغا یئنی‌دن دؤنوش ائدیلدیگینی حیوان سایسیندا بؤیوک بیر آرتیم توتولدوغونو سؤیله‌دی.
میللیت: "اوروپا‌دان ایستانبولا بیسیکلت توریزمی"
سوئد‌دن بولغاریستانا قدر اولان بیسیکلت یولونون ایستانبولا اوزادیلماسی گوندمده. پروژه توریزمه جان‌لی‌لیق قازان‌دیرا‌جاق. ایستانبول بیسکلت توتقون‌لاری اوچون مشهور بیر هدف حالینا گله‌جک. بیسیکلتله ایستانبولا سیاحت ائتمک ایسته‌ین‌لرین سایسی‌نین چوخ چوخ اولماسی دقت‌لردن قاچمیر. تورک طرفی پروژه‌یه مثبت باخیر. بیسیکلت توریزمی سایه‌سینده تورکیه ایله اوروپا بیرلیگی آراسیندا یئنی بیر کؤرپو قورولا‌جاق.
صاباح: "آفریقا‌لی توریسته گونلوک ایستانبول فاصیله‌سی"
توریستیک اوتلجیلر، یاتیریمچیلار و ایش صاحیبلر بیرلیگی باشقانی تیمور بایین‌دیر، تورک هاوا یول‌لاری ایله سفر ائدن آفریقا‌لی توریستین ایستانبولدا بیر گئجه یئرلشه‌جگی پروژه سی اوزرینده چالیشدیق‌لارینی سؤیله‌دی. بایین‌دیر: "بونو ان ایسا مدتده حیاتا کئچیرجگیک 'دئدی. ترانزیت سرنیشین‌لرین اوتاق قیمت‌لرینه مثبت یانسییاجاغینی ایفاده ائدن بایین‌دیر، توریزم گلیری‌نین آرتاجاغینی سؤیله‌دی.