تورکیه مطبوعاتی اؤزتی 08.05.2015
یئنی شفق قزئتی "میلی اوچاق گمیسی اوچون ایمضالار آتیلدی
تورکیهنین یئرلی تکنولوژی ایله اینشا ائدجیی ایلک میلی ساواش اوچاق گمیسی اوچون ایمضالار آتیلدی. 2021ده تورک سلاحلی گوجلرینین الینده اولماسی پلانلاشدیریلان گمی صدف گمیچیلیک، هاوئلسان و آسئلسان امکداشلیقلا اینشا ائدیلهجک. مین 200 پرسنل ایله بیرلیکده هلیکوپتر، ساواش اوچاقلاری، پیلوتسوز هاوا واسطهلری و تانک داشییاجاق گمیده تام تشکللو بیر خستهخانا ده اولاجاق. 27 مین 436 تن آغیرلیقدا و 231 متر بویونداکی گمی، لجستیک دستک آلمادان 50 گون دنیزده ایش باشیندا قالابیلهجک. "
ایستار قزئتی "هاوئلسان آمریکالی شیرکتی ساتین آلدی
ساوونما صنایعینده بیر ایلک گرچکلشدی. ساوونما و اینفورماسیون تکنولوژیلری ساحهسینده فعالیت گؤسترن هاوئلسان، اوچوش سیمولاسیونو فیرماسی کوانتوم3دنی ساتین آلدی. هاوئلسان ساتین آلما پروسهسی سونوندا، کوانتوم3دنین بوتون محصوللارینی و فیکری حاقلارینی الده ائدهجک و سن خوزه ایله اورلاندودا افیسلر آچاجاق. آلیم گرچکلشدیکدن سونرا آمریکا منشألی کوانتوم3د فیرماسی اؤز مارکا آدینی ایستیفاده ائدهرک بو آن چالیشماقدا اولان تجروبهلی پرسنلی ایله ایش ائتمهیه داوام ائدهجک. "
میلیت قزئتی "تورک آخیمی، 2016دا آچیلیر
روسیا ایله تورکیه، "تورک آخیمی" خطیندن طبیعی گاز عرضینین دسامبر 2016دا باشلاماسی اوچون آنلاشدی. روس گازینی قارا دنیزین آلتیندان تورکیهیه بورادان دا آوروپا اؤلکهلرینه چاتدیراجاق 1 دسامبر 2014.جو ایلده ایمضالانان تورک آخیمی ایله ایلده 63 میلیارد مکعب متر گاز داشینماسی پلانلاشدیریلیر. بونون 48 میلیارد مکعب مترینین آوروپا، قالانینین دا تورکیه ایچ بازارینا وئریلمهسی گؤزلنیلیر. "
صاباح قزئتی "قلوبال لیگده 12 تورک شیرکتی
دونیانین ان بؤیوک 2 مین شیرکتی آراسینا تورکیهدن 12 فیرما گیردی. فوربئس درگیسینین، "خالقا آچیق قلوبال 2000" فیرما لیستهسینده، تورکیهدن ایلک سیرادا گارانتی بانکی (449.جو سیرادا)، ایکینجی سیرادا قوچ هولدینگ (496.جی سیرادا) ایشتیراک ائدرکن، اونو 501.جی سیرادا یئر آلان ایش بانکی ایزلهدی. لیستهدهکی تورک شیرکتلرینین گلیری توپلام 121 میلیارد دلار اولاراق گرچکلشدی. "
خبر تورک قزئتی "14 اؤلکهدن 500 اونیورسیتهلی بولوشاجاق
بوغازایچی اونیورسیتهسی طرفیندن تشکیل ائدیلن 35.جی ایسپورتس فست، بو گون باشلاییر. 11 میه قدر داوام ائدهجک اولان و 14 اؤلکهدن 500 اونیورسیتهلی ایدمانچینین قاتیلاجاغی فستیوالدا ایدمانچیلار 11 ساحهده یاریشاجاق. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719020619)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.