تورکیه مطبوعاتی اؤزتی 24.04.2015
حریت قزئتی "قالیجی دونیا باریشینین تام واختی‌دیر
باشباخان احمد داووداوغلو، چاناققالا محاربه‌لرینین 100.جو ایلی چرچیوه‌سینده ایستانبولدا خاریجی دؤولت باشقان‌لاری‌نین ایشتیراکی ایله تشکیل ائدیلن باریش ذیروه‌سینده دانیشدی. داووداوغلو، باریش ذیروه‌سینده پلانلارکن تک شئیی هدفلدیک‌لرینی ایفاده ائده‌رک، "دونیایا تک مئساژ وئرمک ایستدیک. 100 ایل اول آجی‌لی دؤیوش‌لر یاشامیش اولابیلریک اما 100 ایل سونرا باریشی اینشا ائتمک اوچون ایندی تام واختی‌دیر، گون بو گون‌دور" دئدی. "
یئنی شفق قزئتی "کؤچده پیس رفتارا آغیر جزا
باش قرارگاه حربی تاریخ و ایستراتژیک ائتود ایداره‌سی آرشیوین‌دکی تاریخی سندلر، 1915 حادثه‌لرینده یاشانان‌لارین چوخ بیلینمه‌ین اوزونو اورتایا قویور. تورک سلاحلی قوتلری آرشیو‌لری، 1915 حادثه‌لری ایله باغلی ادعا‌لارین عکسینه، ارمنی‌لرین نقل و سؤوق سیراسیندا گؤستریلن دقتی اورتایا قویور. سندلرده، ارمنی‌لره پیس رفتار ائدن‌لرین دیوان حربه گؤندریله‌جک‌لری بیلدیریلیر. "
خبر تورک قزئتی "تورکیه ماوی بایراقدا دونیا ایکینجی‌سی
چیمرلیک‌لره وئریلن اولوسلارآراسی چئوره اؤدولو "ماوی بایراق" سیرالاماسیندا تورکیه، 2015.جی ایلده دونیا ایکینجی‌سی اولماغی باشاردی. مدنیت و توریزم باخانی عمر چئلیک، "2014.جو ایلده ایکینجی سیرا‌داکی یونانیستانین 10 بایراق گئریسینده‌یدیک. آنجاق 2015.جی ایلده 436 بایراقلا یونانیستانا 41 بایراق فرق آتدیق و دونیا سیرالاماسینی دییشدیردیک" دئدی. ایلک سیرادا ایسه ایسپانیا یئر آلدی. "
صاباح قزئتی "بسکتبال مراسیمینه تورکیه دامغاسی
فنرباخچانین فینال فورا قالدیغی تورکیش ایرلاینز یورولیگ‌ده تام معناسییلا تورک کوله‌یی اسه‌جک. تورک هاوا یوللارینین ایسپونسور اولدوغو اورگانیزاسیوندا مدنیت و توریزم باخانلیغی دا فان زون فعالیت‌لرینده تورکیه‌نین تانیتیمینی ائده‌جک. تورک مارکا‌لاری‌نین ایشتیراک ائدجیی بو بؤلومده، باخانلیق اؤز استاندلارینی قوروب اویون اولی تدبیرلر تشکیل ائده‌جک. تورک یئمک‌لرین‌دن مدنیتینه تورکیه تانیدیلیب توریزم اوچون اؤنم‌لی بیر سینرژی یارادیلا‌جاق. "
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
