تورکیه مطبوعاتی اؤزتی 23.04.2015
آزادلیق: "ساوارونا-دا آغیرلاناجاقلار"
پرزیدنت اردوغان، چاناققالا ساواشلارینین یوزونجو ایلدؤنومو مراسیملری سببیندن صاباح دولت باشقانلاری و نمایندهلرینی آتاتورکون تاریخی ساوارونا یاتیندا وئرهجگی آخشام یئمیینده قبول ائدهجک. ساوارونا یئمک ساریسیندا چاناققالا بوغازیندا تور آتاجاق. تدبیرلرین ائدیلهجگی 24-26 آوریل تاریخلری آراسیندا اوتللر یوزده یوز دولولوغا چاتدی.
وطن: "اردوغان: ' او گمیلری باتیرماق فلاکت اولار"
آغدنیزینده باش وئرن گمی فاجعهلریندن بیر هفتهده میندن چوخ گؤمنین اؤلمهسی اوزرینه عاجیل توپلانان اوروپا بیرلیگی اؤلکهلری اینسان قاچاقچیلارینین گمیلرینین باتیریلماسی قرارینی منیمسمیشدی. پرزیدنت اردوغان بو پلانا آغیر اعتراض گؤسترهرک: "بو بیر فلاکت اولور. بو نئجه بیر اینسانی یاناشمادیر. تورکیه 2 میلیون گؤچمن ساخلاییر. غربین بو یاناشماسینی قیناییرام و لعنتلییرم 'دئدی.
یئنی شفق: "اوسترالیا باش ناظیری آبوت دونیانین تورکیهیه جیجیک ائتدیغینی سؤیلهدی"
باش ناظیر احمد داوود اوغلو ایله مطبوعات کونفرانسی تشکیل ائدن تونی ابوت، تورکیهنین سون 10 ایلده توتدوغو اوغورلارا دقت چکهرک، 'دونیادا بیر چوخ اؤلکه سیزی قیسقانیر دئدی. ابوت، تورکیهنین چوخ قیسا مدتده بیر اقتصادی معجزه ائتدیغینی ایفاده ائتدی.
ایستار: "مینیکلردن باریش چؤریی"
23 آوریل اوچون گلن دونیا اوشاقلاری آلتینجی باریش چؤریی فستیوالی چرچیوهسینده ایستانبولا گلدی. 120 اوشاق ایستانبول اوستانداری واسیپ شاهین و پرزیدنت اردوغانین اوغلو بیلال اردوغان ایله بیر آرایا گلدی. اوشاقلار پروتوکول عضولرینه باریش چؤریی تقدیم ائتدی. اوستاندار شاهین دونیا اوشاقلارینین گؤستردیگی همرایلیگی نومونه گؤسترهرک: 'گلهجک نسیللره دوستلوق داها دا گوجلنیب کؤچورولهجک دئدی.
صاباح: "دبیرستانلی گنجلردن غورورلاندیران اؤدوللر"
تورک شاگیردلر اولوسلار آراسی بیر چوخ یاریشمادان دونیا درجهلریله آیریلدی. ایتالیادا تشکیل ائدیلن GEF Global Education فستیوالدا یاریشان تورک شاگیردلر برابرلیگی ساوونان فیلملریله دونیا بیرینجیسی اولدو. فستیوالدا جمعی 20 اؤلکهدن 53 فیلم یاریشدی. لتونیدکی اولوسلار آراسی اؤیرنجی شیرکتی فستیوالیندا ده تورک شاگیردلر 50 شاگیرد شیرکتی آراسیندان، "ان یاخشی ساتیش ائدن" کاتقوریسینده "ایکینجیلیک" اؤدولون آلدی.
خبرتورک: "فدرر ایلک دفعه ایستانبولدا"
تنیسین ماژست لقبلی اولدوزو راجر فدرر TEB BNP Paribas İstanbul Open’ه قاتیلماق اوچون ایلک دفعه ایستانبولا گلیر. 27 اوریل 3 می تاریخلری آراسیندا تشکیل ائدیلهجک تورون بیلتلری قیسا مدتده قورقولدو.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718861602)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.