تورکیه مطبوعاتی اؤزتی 21.04.2015

ایستار: "نیو یورک تایمز آوروپا بیرلیگینه تورکیه‌نی اؤرنک گؤستردی"
ایتالیایا چاتماغا چالیشان یوزلرله قاچاق گؤچمن داشییان گمی‌نین باتماسی ایله آغدنیزینده باش وئرن سون فاجعه بوتون دونیادا کدر و اعتراضا سبب اولارکن نیویورک تایمز قزئتی، باشلیغیندا اوروپانین گؤچمن سیاستینی تنقید ائده‌رک، قاپی‌لارینی قاچقین‌لارا آچان تورکیه‌نی اؤرنک گؤستردی. خبرده 'اوروپانین داها چوخ آفریقا‌لی گؤچمن آلما گوجونون اولمادیغی آرقومنتی شوبهه‌لی. چونکی تورکیه 1،7 میلیون سوریه‌لی‌نی‌ آلدی. اوروپانین اینسانی دگرلری‌نین معنا‌سیزلیغی گؤزلر قارشی‌سیندا 'دئییلدی.
یئنی شفق: "فوریه‌ده 954 میلیون دو‌لار بیرباشا خاریجی یاتیریم"
اقتصاد ناظیرلیگی فوریه آیینا باغلی ' اولوسلار آراسی دوغرودان یاتیریم معلومات‌لاری بولتنینده نشر ائتدی. فوریه آییندا 954 میلیون دو‌لار بیرباشا خاریجی یاتیریم گیریشی رئال‌لاشدی. بو ایلین ایلک ایکی آییندا 2 میلیارد 711 میلیون دو‌لار خالص بیرباشا اولوسلار آراسی یاتیریم گیریشی یاشانارکن، خاریجی سرمایه گیریشی ده 2،2 میلیون دو‌لارا چاتدی. سکتور اولا‌راق باشی انرژی، نقلیات، ارتباطات و آنبارلاما چکدی.
صاباح: "هاوالیمانی برکتی، اوردو شهرینه یاتیریم باشلادی"
تورکیه‌نین و اوروپانین دنیز دول‌دورولا‌راق اینشا ائدیلن ایلک هاوالیمانی خصوصیتین‌دکی اوردو-گیره‌سون هاوالیمانی داها بیتمه‌دن سرمایه چکدی. خاریجی یاتیریملار می‌ده پلان‌لاش‌دیریلان آچیلیش اوّلینده املاک ساتین آلماق اوچون حرکته کئچدی. اجنبی‌لرین اوردو‌دان چوخ سایدا ائو آلدیغینی سؤیله‌ین والی عیرفان بالکانلیوغ‌لو، "یاتیریمچیلار یایلا‌لاردان اراضی ایستییر، داها چوخ منزیل و اوتل یاتیریمینا گلیرلر 'دئدی.
خبرتورک: "تورکیه‌ده 1،8 میلیون سو قوشو ساییلدی"
تورکیه‌ده آرتان مئشه‌لیک و سولاک آلان‌لار سایه‌سینده قوش نوعو و سایسیندا آرتیم‌لار یاشانیر. مئشه و سو ایشلری ناظیرلیگی کئچن ایل تورکیه‌نین 51 نقطه‌سینده اونیورسیته و سیویل قورولوشلارییلا بیرلیکده سو قوشو ساییمی ائتدی. ساییم‌لاردا 99 نوع‌دن 1 میلیون 844 مین 415 قوش ساییلدی. قوش‌لارین ساییمی اوچون اوّل سایما نقطه‌لری و آلان نقشه‌لری، GPS کمکی ایله تعیین اولونور. قوش‌لار قروپ‌لارین سیخ‌لیغینا و قروپ ایچری‌سین‌دکی جور مختلیف‌لیگینه گؤره تک-تک گؤزلملنرک ساییلابیلیر.
وطن: "بودروما ماوی یاراشار"
موغلانین توریزم جنتی بودرومدا ائو و ایش یئرلری‌نین قاپی و پنجره‌لری معاویه بویانمایا باشلاندی. بودرومون ان گؤزل خصوصیت‌لری‌نین باشیندا شخصیتینی قوروماسی گلیر. بودروم شخصیتینده ائولرین رنگی آغ، قاپی و پنجره‌لری‌نین رنگی ایسه ماوی. بویاما کامپانیاسی‌نین آوریل سونوندا بیتیریلمه‌سی پلانلاندی. بودرومون بو گؤزل گؤرونوشو خاریجی توریست‌لردن ده تام امتیاز آلدی.