تورکیه مطبوعاتی اؤزتی 19.04.2015
خبرتورک: "ایشده کؤچو باشلا‌دان سند"
ارمنی‌لرین سورولمه‌سینی باشلا‌دان مکتوب باش قرارگاه آرشیوینده. 27 می 1915-جی ایلده باشلادیلان کؤچ قانونونون تطبیقی او سیرادا روس‌لارا قارشی ساواشان اوچونجو اوردونون قوموتان محمود کامیل پاشانین ایستانبولا گؤندردیگی رمزلی بیر یازی ایله باشلادی. پاشا، ایندی باش قرارگاهین آرشیوینده اولان یازی‌سیندا، سلاح‌لی ارمنی‌لرین اوردویا بؤیوک ضرر وئرمه‌یه باشلادیق‌لارینی، شرق آنادولوداکی ارمنی‌لرین، دوشمن طرفینه قاتیلماق، شبکه‌لر میدانا گتیریب یول‌لاری کسمک، خالقی قتل و یاغمالاماق کیمی ایشلره گیریشینجه سورگون‌دن باشقا واریانت قالمادیغی بیلدیریلیر.
صاباح: "یالنیز 3 ارمنی 1915-جی ایلده آراشدیردی"
1915 حادیثه‌لریله علاقه‌دار آرشیو معلومات‌لاری وئرن دولت آرشیو‌لری مودیری اوغور اونال، سندلره گؤره بیرینجی دونیا ساواشیندا آنادولونون یالنیز شرقینده روس و ارمنی‌لرین سالدیری‌لاریندا 701 مین 166 نفرین اؤلدوگونو سؤیله‌دی. آرشیو‌لرین هر کسه آچیق اولدوغونو سؤیله‌ین اونال، 'آرشیو‌لرده 51 خاریجی آراشدیرماچی، 1915 حادثه‌لرینی آراشدیردی. بون‌لارین آراسیندا یالنیز 3 ارمنیستان وطنداشی واردی 'دئدی.
یئنی شفق: "ان یاخشی جواب ایاصوفیانی آچماق اولار"
عثمانلی عائله‌سین‌دن کایهان عثمان اوغلو، پاپانین 1915 حادثه‌لری ایله علاقه‌دار آچیقلاماسینا اعتراض گؤستردی. عثمانوغلو، پاپایا وئریله‌جک ان گؤزل جوابین ایاصوفیانی عبادته آچماق اولاجاغینی سؤیله‌دی. عثمانوغلو: 'ایاصوفیا مسجیدینده دده‌میز فاتیح‌ین واکفیسی وار. منه قالسا درحال ایاصوفیانی عبادته آچارام 'دئدی. عثمانوغلو، عثمانلی دولتی‌نین سون آلماسین‌دان سونرا یاخین شرق اؤلکه‌لرینده یاشایان‌لارین دینج‌لیک تاپا‌بیلمدیگینی ده سؤیله‌دی.
ایستار: "دونیانین ان بؤیوک لاله خالچاسی"
ایستانبول بؤیوکشهر بلدیه‌سی طرفین‌دن تشکیل ائدیلن لاله فستیوا‌لی چرچیوه‌سینده 545 مین جان‌لی لاله‌نین میدانا گتیردیگی مین 262 مترمربعلیک حالی ائدیلدی. دونیانین ان بؤیوک لاله خالچاسی اولما خصوصیتینی داشییان حالی 10 گون عرضینده ایستانبول سلطان احمد‌ده سرگی‌لنه‌جک. لاله خالچاسی ایندی‌دن توریست‌لرین ماراق مرکزی اولدو. بؤیوکشهر بلدیه باشقانی قدر توپباش، 'لاله، یارادانین اینسان‌لارا نئجه گؤزل‌لیک‌لر وئردیگی‌نین گؤستریجی‌سی‌دیر دئدی.
وطن: "قادین‌لا W20-یه تام دستک"
تورکیه‌نین دؤور باشقان‌لیغینی ایجرا ائتدیگی، گ-20 نزدینده ایلک دفعه قورولا‌جاق و قادین‌لارین ایش دونیاسین‌داکی رولونو و تاثیرینی آرتیرماغی مقصد قویان W20 (قادین20) آدلی ایش قروپونا تورک ایش قادینلاریندان تام دستک گلدی. تورکیه ایش قادین‌لاری درنگی تیخادی‌لار باشقانی نیلوفر بولوت، قادین استخدامی و قادی‌نین ایشگوجونه ایشتیراکینی آرتیرماغا یؤنلیک بو آددیمین دونیایا نومونه اولاجاغینی سؤیله‌دی. تورکیه قادین صاحیبکارلار درنگی کاگیدر باشقانی گولدن تورک‌داندا، قادین قروپونون قورولماسی‌نین، گ-20 اؤلکه‌لرین‌دن گؤزلمه‌لرین یئرینه یئتیریلمه‌سینده اهمیت‌لی اولدوغونو وورغولادی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
