تورکیه مطبوعاتی اؤزتی 10.04.2015
خبرتورک قزئتی "مالیه گؤسترگهلریمیز آ.ب عضولریندن داها یاخشی
بلژیکین باشکندی بروکسلده تورکیه-آوروپا بیرلیگی قارما مشاویره کمیتهسینین توپلانتیسیندا دانیشان آوروپا بیرلیگی باخانی وولکان بوزقیر، قاتیلیم موذاکیرهلرینده سیاسی مانعلر سببیله سون 4 ایلده یالنیز بیر فصیل آچیلماسینا باخمایاراق آنکارانین اصلاحات پروسهسینی قرارلیلیقلا داوام ائتدیردیگینی وورغولادی. بوزقیر، سیاسی مانعلرین قالخماسی حالیندا 34 فصیلدن 28ینی آچماغا و 14ونو قاپادماغا حاضرلیقلی اولدوقلارینی و 2 ایلده بوتون فصیللرده موذاکیرهلری تاماملایابیلهجکلرینی سؤیلهدی. بوزقیر، "تورکیه اولاراق مالی گؤسترگهلریمیز 22 آ.ب عضووندن داها یاخشی وضعیتده" دئدی. "
یئنی شفق قزئتی "تاناپا بؤیوک ماراق
عصرین پروژهسی تاناپا ماراق بؤیویور. آذربایجان، تورکیه و اینگیلیس شیرکتی بیپینین سهم صاحبی اولدوغو پروژهیه ایرانین یانیندا باشقا اؤلکهلرین ده اورتاق اولماق اوچون مراجعت ائتدیگی اؤیرنیلدی. انرژی و طبیعی قایناقلار باخانی تانار ییلدیز، تیجاری شرطلرین میدانا گلمهسی حالیندا ایرانین تاناپ گاز خطیندن پای آلماسینین مومکون اولابیلهجیینی سؤیلهدی. خزردکی گازی آوروپایا داشییاجاق تاناپ، 2018.جی ایلده دؤورهیه گیرهجک. "
ایستار قزئتی "تورکیهیه 100 متر دئییل ماراتن قاچماغا گلدیک
تورکیه بازارینا ایکی ایل اؤنجه گیرن کویت مرکزلی برقان بانک، تورکیهدکی فعالیتلرینی آرتیرماغی هدفلییر. برقان بانک تورکیه باش مودورو مراد دینچ، بو آن 59 شعبهیه چاتدیقلارینی و 5 ایل ایچینده 100 شعبهلی بیر بانک اولماغی هدفلدیکلرینی ایفاده ائدهرک "100 متر دئییل، تورکیهیه ماراتن قاچماغا گلدیک" دئیه دانیشدی. دینچ، موشتریلرین اوچ بؤیوک بانکیندان بیری اولماق ایستدیکلرینین وورغولادی. "
صاباح قزئتی "شفقت راهیبهلرینه رد جاوابی
روما کاتولیک کیلسهسی جماعتلریندن شفقت راهیبهلری بیرلیگی، ایستانبولون ان قیمتلی یئرلریندن اولان ببکدهکی، 200 میلیون یورو دیرینده 40 هکتارلیق اراضینین اؤزلرینه عاید اولدوغونو ایرهلی سوروب آوروپا اینسان حاقلاری محکمهسینه مراجعت ائتمیشدی. شیکایتی رد ائدن محکمه سبب اولاراق، اراضینین هئچ بیر زامان شفقت راهیبهلری بیرلیگینه عاید اولمادیغینی گؤستردی. اوزرینده هله بیر فرانسا اوخولو اولان اراضیده، داها اؤنجهلر یتیمخانا و پسیکیاتری خستهخاناسی وار.
میلیت قزئتی "تورک پروفسور ایتالیایا علمی مسلهتچی اولاجاق
اورتادوغو اونیورسیتهسی سنتر اوف اکسلنس باشقانی پروفسور دکتر ندیمه سرآکینجی، ایتالیا ساغلیق باخانلیغی طرفیندن علمی مشاوره ائتمک اوزره دعوت ائدیلدی. دعوتی قبول ائدن سرطان، کؤک حجره و ژنتیک ساحهلریندکی ایشلریله بیلینن سرآکینجی، کلینیک و بیوطبی آراشدیرمالار ساحهسینده ایتالیاداکی ساغلیق سیاستینی میدانا گتیرهجک و یؤنلندیرهجک بیلیم اینسانلاریندان اولوشان مشاورلر بیرلیگینین عضوو اولاجاق. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.