تورکیه مطبوعاتی اؤزتی 04.04.2015
ایستار قزئتی: "250 میلیارد دلارلیق ایران پاستاسی
باتی اؤلکهلری ایله نوکلئر موذاکیره مؤوضوعوندا آنلاشان ایراندا یاپدیریملارین قالخاجاق اولماسی ایله ده ایللیک 250 میلیارد دلارلیق ایش حجمی میدانا گلهجک. متخصصلر بوندان یوزده 10 ایله ان چوخ پایی تورکیهنین آلاجاغینی ایفاده ائتدی. "
خبرتورک قزئتی: "بازار ایلک دؤرددهبیرده یوزده 50 بؤیودو
تورکیه اتومبیل بازاری 2015.جی ایلینه گیردیگی سرعتله، ایلک دؤرددهبیری تاماملادی. ایلین ایلک اوچ آییندا گئچن ایلین عینی دؤورونه گؤره، یوزده 50 بؤیوین بازاردا 173 مین 248 آراج ساتیلدی. بو سرعتله ساتیشلارین ایل سونوندا 875 مین سایییا چاتملسی گؤزلنیلیر. "
صاباح قزئتی: ت.ه.ی اوچاق کیرالایاجاق
تورک هاوا یوللاری (ت.ه.ی)، بؤیویور. شیرکت، ولز فارگو بانک نورتوئست، ان.آ فیرماسیندان 3عدد آ330-200 اوچاغینین و آفریقا ایرویزدن ده 2 عدد آ330-300 اوچاغینین 8 ایللیگینه کیرالانماسینا قرار وئردی. اوچوش شبکهسینه یئنی ایستیقامتلر علاوه داوام ائدن ت.ه.ی، گئچدیگیمیز گونلرده تایوانین باشکندی تایپهیه ده سفر باشلاتدی. دونیادا ان چوخ اوچوش نقطهسینه صاحب دؤردونجو هاوا یولو اولان ت.ه.ی، تایپهنی آوروپادا 102، آفریقادا 43، اورتادوغودا 43، روسیادا دا 10 نقطهیه باغلایاجاق."
یئنی شفق قزئتی: "پاریسده قرآن ایقلیمی
دونیانین ان سایقین آکادمیلریندن پاریسدکی کولج د فرانسدا قرآن کریم تاریخی درسلری باشلادی. خالقا آچیق اولان درسلره فرانسیزلار سیخ ماراق گؤستریر. درسلری وئرن پروفسور فرانسیس دروچه ایسه تام بیر تورکیه حیرانی. 1983-86.جی ایللر آراسیندا ایستانبولدا علمی آراشدیرمالار ائدن دروچه، 'ایستانبول قرآنلا علاقهدار ال یازماسی اثرلرین چوخ اولاراق اولدوغو کتابخانالارییلا اولاغان اوستو بیر یئر. اؤزللیکله توپقاپی ساراییندا و ابراهیم پاشا موزهشسینده چوخ اؤنملی کلکسیونلار وار. ایستانبولدا همکارلاریملا چوخ کؤکلو باغلار قوردوق و دییشیک دونیا گؤروشلریله ایشلر ائتدیک. بو گون الده ائتدیگیم تجروبهلر و آراشدیرمالاریمدا چوخ تأثیری اولدو. درسین مقصدی اساساً بوتون ساحهلرده و فرقلی شرحلرله قرآن تاریخینی اؤزومسهیهبیلمک. قرآنی؛ ذهن تاریخی، اقتصاد تاریخی و قرآنین اصل متنی باخیمیندان باشا دوشولمهسینی آماجلاییریق. بیر مدت اوچون ایستانبولدا اوتوردوم و تورکیهنی چوخ سئویرم. چوخ سلاملار' دئدی. "
حریت قزئتی: اوکان اونیورسیتهسی، میامیده کامپوس آچدی
خاریجده یئرلشکه آچان یوکسک اؤیرتیم قوروملارینا بیر یئنیسی داها علاوه اولوندو. اوکان اونیورسیتهسی، میامیده کامپوس آچدی. آمریکا قانونلارینا گؤره قورولان اوکان اینترنشنل اونیورسیتی میامی، هم تورکیهدن، هم ده فرقلی دونیا اؤلکهلریندن اؤیرنجیلره ائییتیم امکانی ساغلایاجاق. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718871565)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.