تورکیه مطبوعاتی اؤزتی 25.03.2015
ایستار قزئتی "شدته یاخین تعقیب
سیگارلا مباریزه‌ده اولدوغو کیمی قادینا شدتین ده تقیبچی‌سی اولاجاغینی سؤیله‌ین پرزیدنت اردوغان، ایلک آددیمی آتدی. اردوغان، جمهورباشقانی سوفراسیندا آکادمیسین‌لر، سیویل توپلوم هؤرگوت‌لری نماینده‌لری و ژورنالیست‌لرله بیر آرایا گله‌رک قادینا قارشی شدتله مباریزه قونوسوندا فیکیر موبادیله‌سی ائتدی. اردوغان، توپلانتیدا "قادینا شدت اینسانلیغا خیانت" دئدی. "
یئنی شفق قزئتی "یاتیریم باهاری
تورکیه‌نین سیاسی و اقتصادی ثابت‌لیگی خاریجی سرمایچی‌لری جذب ائتمه‌یه داوام ائدیر. تورکیه‌یه ژانویه آییندا 1.8 میلیارد دلارلیق اولوسلارآراسی بیرباشا یاتیریم گلدی. 175 اولوسلارآراسی سرمایه‌لی شیرکت، باشدا توپ‌دان و پراکنده تیجارت سئکتورو اولماق اوزره، نقلیات، رابطه و داشینمازدا گؤرولدو. بیرلشمه و ساتین آلما‌لار ایسه گئچن ایل 305 ایشلم‌له 12.3 میلیارد دلار بؤیوک‌لویه چاتدی. بو حجم‌له تورکییه بؤلگه‌سین‌دکی 11 اؤلکه‌نی گئریده بوراخدی. "
حریت قزئتی "فوریه‌ده ائو ساتیشی یوزده 15 آرتدی
ژانویه آییندا گئچن ایلین عینی دؤورونه گؤره یوزده 1.7 آرتان ائو ساتیش‌لاری، فوریه‌ده بیر اؤنجه‌کی ایله گؤره یوزده 15 آرتیش گؤستردی. اؤلکه‌ده گئچن آی 95 مین 21 ائو صاحبینه قووشدو. ساتیش‌لاردا ایستانبول 17 مین 690 ائو ساتیشی ایله ان یوکسک پایا صاحب اولارکن، ایستانبولو، آنکارا و ایزمیر ایزله‌دی. خاریجی‌لره ائو ساتیشی دا فوریه آییندا گئچن ایلین عینی آیینا گؤره یوزده 27.8 آرتا‌راق، مین 369ا یوکسلدی. یئنه ایستانبول، خاریجی‌لره ان چوخ ائوین ساتیلدیغی ائل اولدو.
میلیت قزئتی "محبوبیتده رم و پاریسی سوللادیق
دونیانین ان بؤیوک سیاحت سایتلاریندان اولان تریپ آدویزور، عضو‌لری‌نین میلیون‌لارجا گؤروش و آراشدیرماسینا دایاندیردیغی هدفه یؤنه‌لیک 2015 ایلی سیاح ترجیحلری اؤدوللرینی آچیقلادی. 469 سیاحت هدفینین دگرلندیریلدیگی اؤدول‌لرده، ایستانبول دونیادا ان چوخ سئچیلن ایلک 10 هدف آراسیندا ایلک اوچده یئر آلمایی باجاردی. ایستانبول، لیسته‌ده رم، پاریس، پراگ و بوینوس آیرس کیمی شهرلری گئریده بوراخدی. لیسته‌ده بیرینجی سیرادا مراکش شهری یئر آلارکن، ایکینجی سیرادا کامبوجون سیم ریپ شهری وار.
خبر تورک قزئتی "تورک سینماسینین "اون"لاری اودوللندیریلدی
تورساک وقفی و بی‌اوغلو بلدیه‌سی، تورک سینماسینین 100 ایللیک گئچمیشینی اؤدوللندیرمک اوچون اؤزل بیر گئجه تشکیل ائتدی. سینما دونیاسی‌نین اؤنم‌لی آدلارین‌دان اولوشدورولان 200 نفرلیک ژوری، موختلیف کاتگوری‌لرده تورک سینماسینین ان یاخشی "اون"لارینی اؤدوللندیردی. قدیر اینانیرلا تورکان شورآیین باش رولونو پایلاشدیغی سلوی بویلوم آل یازمالیم، "عصرین ان یاخشی فیلمی" سئچیلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
