تورکیه مطبوعاتی اؤزتی 18.03.2015
یئنی شفق قزئتی "تاناپ اوروپانین عاغلینی باشیندان آلدی
جمهوریت تاریخینین ان بؤیوک طبیعی گاز بورو خطی پروژهسینین تمللرینین آتیلدیغی تاناپ (ترانس آنادولو طبیعی گاز بورو خطی)، ایندیدن اوروپا بیرلیگینین ماراق مرکزی اولدو. اوروپا بیرلیگی، "یوکسک سویهلی انرژی دیالوقو" اوچون تورکیهنین قاپیسینی دؤیدو. اوروپا بیلیگی کومیسیونو، تورکیهنین طبیعی بیر انرژی کؤرپوسو و مرکزی اولدوغونو رسمن بیلدیردی. آوروپا بیرلیگی کومیسیونو باشقان کؤمکچیسی ماروس سفکوویج، "تاناپ و جنوب گاز دهلیزی پروژهلری اوروپانین احتیاجی اولان گاز، اعتبارلی بیر شکیلده داشیناجاق، پروژه بو باخیمدان چوخ اهمیتلی و اوروپا بیرلیگی اوچون چوخ کریتیک" دئدی. "
ایستار قزئتی "بورسا ایستانبولدان ایکی یئنی 'هیجان وئریجی اورتاقلیق
بورسا ایستانبول، لندن متال بورساسینین (LME) مبادیله عذره LCH. Clearnet-دکی پایینی ساتین آلاجاق. بورسا ایستانبول آیریجا، LME و LMEآنا شیرکتی هونگ کونگ بورسا و مبادیله شیرکتی (Hong Kong Exchanges and Clearing-HKEx) ایله بازار معلوماتلارینین بؤلوشدورولمهسی موضوعسوندا اورتاق اولاجاق. مقاویلهلر چرچیوهسینده ایکی بورسا، پولاد بازارینا یؤنلیک یئنی محصول و خیدمت اینکیشاف ایشلرینی بیرلیکده ایجرا ائدهجک. "
میللیت قزئتی "روسیادان توریست گتیرنه '100 میلیون تورک لیرهلیک وام!
مدنیت و توریزم ناظیری عمر چلیک، تورکیهیه ان چوخ توریست گؤندرن ایکینجی اؤلکه اولان روسیادان، 2015 فصلین بؤیوک نیسبتده فورمالاشدیغی MITT’2015 سیاحت و توریزم سرگیسینه قاتیلدی. چلیک، "روسیادان 400 مین و داها چوخ زیارتچی گتیرن تور اوپراتورلارینا 100 میلیون لیرهیه قدر کرئدیت دستگی تامین ائدیلمهسی سؤز قونوسو اولاجاق. آیریجا روسیادان اؤلکهمیزه زیارتچی گتیرن تور اوپراتورلارینین تییارهلرینه، تییاره باشی 6 مین دولار یاناجاق دستگی وئرجگیک "دئدی.
خبر تورک قزئتی "کؤک سلولدان اورقان چیخاریلاجاق
آنکارا اونیورسیتهسی باغلیجادا، ایکی مین هکتار اراضیده ساغلیق کامپوسو میدانا گتیرهجک. دونیانین اهمیتلی مرکزلریندن بیری اولاجاق شهرجیکده، کؤک سلولدان اورقان چیخاریلماسی هدفلنیر. آنکارا اونیورسیتهسی رکتورو پروفسور دوکتور ارکان ایبیش، "کؤک سلول ایشلری ایله اولوسلار آراسی ادبیاتا گیرمگی پلانلاشدیریریق. سرطان تشخیص و معالیجه مقصدلی ایشلری ایرهلی تکنولوژیلر ایستیفاده ائدیلهرک رئاللاشدیریلاجاق. خسته خانامیز، اولوسلار آراسی ساحهده بیر ساغلیق، تحصیل، تدقیقات و تجروبه بازاسی اولاجاق" دئدی.
صاباح قزئتی "گؤی اوزونده مراسیم
2015-جی ایله ان اهمیتلی گؤی حادثهلریندن گونش توتولماسی، صاباح گئجه گوندوزه مساوی شکیلده اولدوغوندا یاشاناجاق. تورکیهدن پارچالی موشاهیده توتولما ساعات 09.40دا باشلاییب 13.50'یه قدر داوام ائدهجک. شمالی اوروپادا تام یاشاناجاق توتولما، تورکیهده ایسه آی، گونشین یوزده 40ینی باغلامیش حالدا موشاهیده ائدیلهجک.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718891084)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.