تورکیه مطبوعاتی اؤزتی 16.03.2015

ایستار: "باش قرارگاه آرشیوین‌دن چاناققالا داستانی"
باش قرارگاه باشچی‌لیغی، اینترنت سایتین‌داکی تاریخ‌دن بؤلمه‌لر حیسه‌سینده چاناققالا ساواشلارینا باغلی داها اوّل هئچ گؤرولممیش فوتوشکیل‌لر پایلاشدی. پایلاشیلان فوتولار، هانسی شرط‌لرده ساواشیلدیغینی، چکیلن چتین‌لیک‌لر و دوشمن اوردوسونون وضعیتی حاقیندا فیکیرلر وئریر. فوتوشکیل‌لرده 13 یاشین‌داکی کؤنول‌لو بیر تورک نیظامی و ساواشدا بیر قولونو ایتیرن محمت چاووشون گؤرونتولری دقت چکیر.
یئنی شفق: "دونیا سوریه‌یه کار، بمت تابلودان عبارت"
غازی آنتب بؤیوکشهر بلدیه باشچیسی فاطما شاهین، بیرلشمیش میللت‌لرین سوریه‌‌لی سیغینماجی‌لار موضوعسوندا کافی دستگی وئرمدیگینی سؤیله‌دی. شاهین تشکیلاتین یالنیز تابلودان عبارت اولدوغونو و ائدیلن ایشلرین بؤلگه‌سل اولدوغونو سؤیله‌دی. شاهین: "بیرلشمیش میللت‌لر تشکیلاتی‌نین ساواش‌لار اولماسین، اینسان حاق‌لاری هر کس اوچون برابر اویقولانسین دئیه قورولدو 'دئدی. شاهین، دونیانین بیر یئرینده بیر آدام اوچون سفربر اولان بمت-نین باشقا بیر یئرده میلیون‌لارلا اینسانین ائوسیز قالماسینا و عائله‌لری‌نین پارچالانماسینا سس‌سیز قالدیغینی سؤیله‌دی.
صاباح: "هیو جکمن‌دان مرحبا تورکیه"
اوسکار موکافات‌لی اوسترالیا‌لی آکتیور هیو جکمن، ' an Evening with Hugh Jackman نوماییشی اوچون عائله‌سی ایله بیرلیکده ایستانبولا گلدی. ایستانبولدا 17-20 مارس تاریخ‌لری آراسیندا 'برادوئی نوماییشیله تاماشاچی‌نین قارشی‌سینا کئچه‌جک جکمن، آتاتورک هاوا لیمانیندا ژورنالیست‌لری 'مرحبا تورکیه دئیه‌رک سلاملادی. جکمن، تورک باقلاواسینا چوخ ماراق ائتدیگینی سؤیله‌دی.
وطن: "ایران‌لی‌لار نوروزا گلیر"
ایرانین ارضروم باش کونسولو حسین قاسمی، نوروز قید ائتمه‌لری سببیله 200 مین ایرانلی‌نین تعطیلینی کئچیرمک اوچون تورکیه‌یه گله‌جگینی سؤیله‌دی. ایراندا 19 مارسدان اعتباراً رسمی دایره‌لرده 5 گون، مکتب‌لرده 2 هفته نوروز تعطیلی اولور. قیش توریزمی‌نین گؤزده مکانلاریندان‌ و بو ایل دولو دولو بیر مؤوسوم کئچیرن پالاندؤکن‌دکی اوتل‌لرده 21 مارسدا گله‌جک اولان توریست‌لر اوچون بوتون حاضیرلیق‌لار تاماملاندی. ایران‌دان گلن توریست‌لر گوندوز خیزک ائدیب، گئجه ده آتشین اوزرین‌دن آتلایاجاق.
حریت: "آمریکادا مذاکیره مئشه‌یه تورک طالب"
اولدیز انتقره شما‌لی کارولینادا 100 میلیون دو‌لارا 80 مین هکتار مئشه ساحه‌سینه طالب. هوفمن مئشه‌سی 80 ایلدیر شما‌لی کارولینا دولت اونیورسیته‌سی مئشه فاکولته‌سینه عاید. مکتبین قوروجوسو جولیوس هوفمن طرفین‌دن شاگیردلر و تدقیقاتچی‌لار فایدالانسین دئیه ساتین آلینیب مکتبه باغیشلانمیش. اونیورسیته آیریجا مئشه‌دن تامین ائدیلن الوار/ تاختا-شالبان ساتیشین‌دان هر ایل 2 میلیون دو‌لار گلیر الده ائدیر. تورک فیرما، سونتا و آغاج سکتوروندا ایستیفاده ائده‌جگی مئشه ساحه‌سینی ساتین آلمادا رقیب‌سیز گؤرونور.