تورکیه مطبوعاتی اؤزتی 14.03.2015
صاباح قزئتی: 'گرچک آلترناتیو دموکراتیک سوریه
باشباخان احمد داووداوغلو، بشار اسد رژیمینه قارشی سوریهده باشلایان اعتراضلارین 4.جو ایلدؤنومونده سوریه میلی کوالیسیونو و گئچیجی حکومتی نمایندهلری آنکارادا بیر آرایا گلدی.
سوریه میلی کوالیسیونو و موقتی حکومت نمایندهلرینه سسلنن داووداوغلو بونلاری سؤیلهدی:
'اگر سوریهده دموکراسی اینشا ائدیلسه، امین اولونوز کی یالنیز سوریه خالقی دئییل، بوتون اورتادوغو خالقلاری اؤزلرینه یئنی بیر یول چیزجکلردیر. سیزین باشارینیز یالنیز سوریهنین باشاریسی اولمایاجاق. سیزین باشارینیز قورور اوچون مباریزه ائدن بوتون خالقلارین باشاریسی اولاجاق. سوریهده دموکراسی اینشا ائدیلسه، بوتون اورتادوغو خالقلاری اؤزلرینه یئنی بیر یول چیزجک. "
خبرتورک قزئتی: آوروپا بیرلیگینه شوک
ایسلند 6 ایل اؤنجه ائتدیگی آوروپا بیرلیگی اویهلیک مراجعتینی گئری چئکدی.
ایسلند خاریجی ایشلر باخانی گونار سوینسون، حکومتین بو قرارینی، آ.ب دؤنم باشقانی رینکویکسه بیر مکتوب وئرهرک رسمیلشدیردی. "
ایستار قزئتی: "قونشودان ایلک دفعه بیر تورک خستهخاناسینا اؤدول
یونانیستاندا تورکیهدن بیر خستهخانایا ایلک دفعه اؤدول وئریلدی. یونانیستان ساغلیق باخانلیغی و ساغلیق توریزمی کومیسسیونو، 'ساغلیفدا اینوواتیف/یئنیلیکچی یاناشیملار و ساغلیق توریزمینه قاتقی وئردیگی آراشدیرمالار سببیله لیو هوسپیتالی اؤدوله لاییق گؤردو. "
میلیت قزئتی: "آفریقانین آلماسی تورکیهده کسیلهجک
ایستانبول جواهر سرگیسینده (ایستانبول جوری شوو) گونئی آفریقانین نورترن کاپ ایالتینین مالیه، اقتصادی قالخینما و توریزم باخانی جون بلوک و نورایر ایشلر طرفیندن ایمضالانان امکداشلیقلا نورترن کاپ ایالتینده اولان کیمبرلی الماس معدنیندن چیخاریلان آلماسلار، ایستانبولدا آچیلاجاق آلماس کسیم و جیلالاما آتلیهلرینده ایشلنهجک. "
حریت قزئتی: آتمایان اورک یاپدیلر
استرالیالی بیر مهندسین کشفی میلیونلارجا اورک خستهسی اوچون اومود اولابیلر. قویون اوزرینده ائدیلن کلینیک سیناقلار اوغورلو اولدو و 2018.جی ایلده اینسانلار اوزرینده سینانماغا باشلایاجاق. دانیل تیمسین اینکیشاف ائتدیردیگی جیهاز، بو آندا ایستیفاده ائدیلن صونعی اورکلردن داها قوللانیشلی. بیواکور آدی وئریلن جیهاز باشقا یاپای اورکلر کیمی گئیمهیه گرک بوراخمیر، 10 ایل کیمی اوزون بیر مدت ایستیفاده ائدیلهبیلیر و دقیقهده 2 مین دفعه دؤنهرک بوتون بدنه قان پمپالاییر. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.