تورکیه مطبوعاتی اؤزتی -10.03.2015
ایستار: "انرژی خطی تاناپ ین تملی 17 مارس‌دا آتیلا‌جاق"
انرژی ناظیری تانر ییلدیز، تورکیه‌ده 21 شهردن کئچه‌جک و 5 مین نفره استخدام ایمکانی وئره جک ترانس آنادولو طبیعی گاز بورو خطّی پروژه‌سی تاناپ‌ین تمل آتما مراسیمی‌نین قارس‌دا پرزیدنت‌لری سویه‌سینده اولاجاغینی سؤیله‌دی. ییلدیز، پروژه اوچون ایستیفاده ائدیله‌جک پولاد بورولارین اوره دیمی‌نین ده یئرلی اولاجاغینی و تاناپ‌ین اوروپادا بیرینجی، دونیادا دا بئشینجی سیرادا اولان پولاد بورو اوره دیمینه ده قاتقی تامین ائده‌جگینی وورغولادی. ییلدیز، ترورون سونا چاتماسی اوچون حیاتا کئچیریلن حلّ پروسه‌سی سایه‌سینده ده جنوب-شرقی آنادولو بؤلگه‌سینده 8 نفت آختارما قویوسونون تکرار فعالیته سوخولاجاغینی ایفاده ائتدی.
یئنی شفق: "مرکز بانکی‌نا 8 مادّه‌لیک یول پلانی"
پرزیدنت اردوغان، باش ناظیر معاوینی علی باباجان باشچی‌لیق اقتصاد دانیشمانلارینی ییغا‌راق سون گون‌لرین گوندمی اولان مرکز بانکی‌نین فایز و کور سیاستینی گؤروشدو. ییغینجاق‌دان چیخان قرارلاردان ایکی نقطه دقت چکدی. بیرینجی‌سی: "مرکز بانکی فایز موضوعسوندا تمکین‌لی اولما‌لی. آمریکانین مرکزی بانکی FED-ین 18 مارس‌دا وئره‌جگی قراری گؤزلمه‌لی '. ایکینجی‌سی: 'دو‌لار اوزرین‌دن یارادیلان توربولانس دایاندیریلما‌لی. دولارین دوشمه‌سی اوچون پول سیاستی آلت‌لری دؤوره‌یه سوخولما‌لی.
حریت: "گول: 'نامیزد دئییلم"
اون بیرینجی پرزیدنت عبدالله گول، یاخین چئوره‌سینه 7 حاضرانداکی سئچیم‌لرده میللت وکیلی اوچون نامیزد اولمایاجاغینی قطعی بیر دیلله ایفاده ائتدی. گولون، میللی و اولوسلار آراسی پلاتفورم‌لاردا لازیملی دانیشیق‌لار ائدن، گؤروش آچیقلایان، وطنداش خصوصیت‌لی توپلانتی‌لار تشکیل ائدن بیر دولت آدامی اولا‌راق ایشلرینی داوام ائتدیرمگی دوشوندوگو دئییلیر. گولون خصوصیله یاخین شرق پروبلم‌لری و اوروپا بیرلیگی ایله علاقه‌لر کیمی موضوعلاردا آکتیو بیر رول بوینونا گؤتورمه‌سی و زیارت‌لرده اولماسی گؤزلنیلیر.
صاباح: "اردوغان توییترده ان چوخ تعقیب ائدیلن لیدرلردن
توییترده آمریکا پرزیدنتی باراک اوباما 55 میلیون 844 مین تعقیبچی‌سی ایله ایلک سیرادا یئر آلیر. 10 میلیون 482 مین تعقیبچی‌سی اولان هیندیستان باش ناظیری مارندرا مودییی 5 میلیون 969 مین تعقیبچی‌سی ایله پرزیدنتی رجب طیب اردوغان ایزلییر. پاپا فرانسوا اردوغانین آردین‌دان دؤردونجو سیرادا وار. اوروپا لیدرلری‌نین توییتر تعقیبچی ساییلاریندا ایسه ائنیش موشاهیده ائدیلیر.
خبر تورک: "10 مین اوروپا‌لی داعشه قاتیلابیلر"
فرانسا آلدیغی تدبیرلره باخمایا‌راق جهادچی فرانسیز گنج‌لرین داعشه قاتیلیمینی اؤنله‌یه‌میر. فرانسا باش ناظیری مانوئل والس، داعیش سیرا‌لارینا قاتیلان اوروپا‌لی سایسی‌نین هر کئچن گون آتدیغینی و ییلسونوندا ایشتیراکین 10 مینی تاپا بیله‌جگینی سؤیله‌دی. غرب کشفیات تشکیلات‌لاری تشکیلاتا اوروپا‌دان ان چوخ ایشتیراکین فرانسا و بلژیک‌دن اولدوغونو ایره‌لی سورور
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
