تورکیه مطبوعاتی اؤزتی 06.03.2015

ایستار قزئتی "اوتوروب یارقیلاماق آسان، سوریه اوچون آ پلانینیز بئله یوخ
نیویورکدا اولان باشباخان داووداوغلو، تورکیه‌نین تروریزمله مباریزه‌ده یئترلی دستیی وئرمدیگی تنقیدلرینه سرت چیخدی. داووداوغلو، "داعشی 2013ده تروریست اعلان ائتدیک، هؤرگوتون قافله‌سینی ایلک بیز ووردوق. سینیریمیزین او بیری طرفینده دؤولت حاکمیتی یوخ‌دور.‌ نیویورکدا یا دا باشقا باشکندلرده اوتورا‌راق یارقیلاماق آسان. اولوسلارآراسی توپلومون بوراخین ب پلانینی، آ پلانی بئله یوخ‌دور" دئدی. داووداوغلو، سوریه بحرانین‌دان تورکیه قدر تأثیرلنن بیر باشقا اؤلکه اولمادیغینی ایفاده ائده‌رک، تورکیه‌یه بو آنا قدر 2 میلیون سیغینماچی‌نین گلدیگینه دقت چئکدی.
صاباح قزئتی "بؤیوک چادیرشهره گؤرکملی آچیلیش
شانلی اورفانین سوروچ ائلچه‌سینده، کوبانیدن قاچان‌لار اوچون یاپدیریلان 35 مین نفرلیک بؤیوک چادیرشهری پرزیدنتین حیات یولداشی امینه اردوغان مراسیمله آچدی. اردوغان "کوبانیلیلر، کوبانی یئنی‌دن اینشا ائدیلنه قدر قوناغیمیز. ساواش‌دن ان چوخ اوشاقلار ضرر گؤرور" دئدی. مین هکتار ساحه‌یه قورولان تورکیه‌نین ان بؤیوک چادیرشهرینده 6 مین 500 عائله چادیری، بیر مکتب، اویون و ایدمان ساحه‌لری ایله مارکت وار.
عینی قزئت "تورکیه‌نین کؤمک الی دونیایا اوزاندی
تورک امکداش‌لیق و کووردیناسیون آژانسیی باشقان‌لیغینین رقم‌لری تورکیه‌نین کؤمکلرینی اورتایا قویدو. دونیانین دؤرد بیر یانینا کؤمک الی اوزا‌دان تورکیه، 2008-2014 ایللری آراسی 6 ایللیک مدتده تیکا الیله 100‌دن چوخ اؤلکه‌یه 766 میلیون 288 مین د‌لارلیق یاردیم ائتدی.
وطن قزئتی "تورکیه بحران اؤلکه‌سی دئییل
باشباخان داووداوغلو، نیویورکدا سرمایچی‌لری تورکیه‌یه دعوت ائتدی. داووداوغلو، "تورکیه بیر ثابت‌لیک آداسی، گله‌جه‌یه دؤنوک ویزیونا صاحب بیر اؤلکه و آ.ب اؤلکه‌لری ایله او‌ای‌سی‌دی اورتالاماسین‌دان چوخ داها بؤیوک اقتصادی بؤیومه‌یه صاحب" دئدی. کیمسه‌نین تورکیه‌یه بحران اؤلکه‌سی اولا‌راق باخمادیغینی ایفاده ائدن باشباخان، دلارین یوکسلمه‌سیله علاقه‌لی اولا‌راق دا، "دلار دونیادا یوکسلیر اونون عکس اولونماسی" دئیه دانیشدی.
یئنی شفق قزئتی "قطره تورک مرکزی قورولور
کؤرفز اؤلکه‌لری و تورکیه آراسیندا سون دؤورلرده یئنی‌دن آرتان سیاسی و اقتصادی علاقه‌لر حربی ساحه‌یه ده داشینیر. یاخین متفیقی قطر ایله حربی بیر آنلاشمایا چاتان تورکیه بیر ایلکه ده ایمضا آتدی. ایکی اؤلکه آراسین‌داکی آنلاشمایا گؤره تورکیه، قطرده حربی مرکز قورماق صلاحیتینه صاحب اولا‌جاق. قطر ده، تورکیه‌یه حربی پرسنل گؤندره‌بیله‌جک.
میلیت قزئتی "ویمبلدون‌دا تورک حکم
تنیس دونیاسی‌نین ان اؤنم‌لی تورنووالاریندان‌ اولان ویمبلدون‌دا تورک حکم اسین قیرات‌لی دا گؤره‌ولی اولاجاق. قیرات‌لی، 22 ژوئن-9 جولایدا گرچکلشدیریله‌جک تورنووادا، آنا تابلو اویون‌لاریندا چیزگی حکمی اولا‌راق وظیفه یئرینه یئتیره‌جک.
خبر تورک "ایدمان حسی وئرن هورمون
آمریکادا گونئی کالیفورنیا اونیورسیته‌سین‌دن بیلیم اینسان‌لاری، ایدمان ائتمه‌دن، "مشق تأثیری وئرن" بیر هورمون تاپدیق‌لارینی آچیقلادی. آراشدیرمایا گؤره، "موتس-ج" آدی وئریلن هورمون ایدمان ائتمه‌دن ایدمان ائتمیش کیمی تأثیر ائدیر، کیلو وئرمه‌یه کؤمکچی اولور و قان شکری سویه‌سینی دنگه‌لیر.