تورکیه مطبوعاتی اؤزتی 05.03.2015
ایستار قزئتی، "تک مرمی آتیلسا بؤلگه‌نی آلاجاقدیق
باشباخان داووداوغلو، شاه فیرات عملیاتی‌نین ب پلانینی آچیقلادی: "اوردوموزا بیر آی اؤنجه سلیمان شاه عملیاتی اوچون یازی‌لی تعلیمات وئردیک. پلان عینیله چالیشدی. هر هانسی بیر هوجوم قارشی‌سیندا بؤلگه‌نین هامی‌سی کنترلوموز آلتینا آلیناجاقدی. اگر سوریه رژیمی او سیرادا بیزی تهدید ائتسه و بیر تک مرمی آتسایدی هدفیمیز اولاردی. هر کسه تورکیه ایسته‌سه سوریه‌ده 40 کیلومتر ایچرییه آنیندا گیرر مئساژی وئریلدی. "
میلیت قزئتی ده "ایستی چاتیشمایا گیرمریک
باشباخان داووداوغلو، آمریکا یولوندا موصول عملیاتییلا علاقه‌لی فیکیرلرینی آچیقلارکن، "موصولا دستگیمیز اولور اما بیرباشا چاتیشماریق. آلوو بیزیم سینیریمیزدا و ان چوخ بیزی یاندیریر. تورکیه‌یه هوجوم اولسا آنیندا جاواب وئرریک. بونا پتانسیلیمیز ده قودرتیمیز ده وار" دئدی.
یئنی شفق قزئتی "خسارت 1 میلیارد $
ماوی مارمارا قونوسوندا سیخیشان ایسراییل، یهودی بیر ایش آدامی واسطه‌سیله ضرر چئکمیشلرین وکیل‌لرینه، مرسین-غزه آراسیندا محاصره‌نی گوشده‌جه‌ییک "یاشیل خط" قورولماسینی و ماوی مرمره ضرر چکن‌لری اوچون 1 میلیارد د‌لارلیق خسارت اؤدمه‌یی تکلیف ائتدی. یاشیل خطین تورکیه‌دن غزه‌یه گئدن مال‌لارین ایسراییل گومروکلرینه تاخیلما‌دان و آمبالاژلاری ییرتیلما‌دان یئرینه چاتماسینی تامین ائدجیی ده تعهد ائدیلدی. آراچی، وکیل‌لرین "ماوی مارمارا اوزرین‌دن بازارلیق یاپمایاجاق‌لارینی" بیان ائتمه‌لری اوزرینه، ایسراییلین بو بدل قارشیلیغیندا نه طلب ائتدیگینی آچیقلامادی.
صاباح قزئتی "ساوارونادا ایلک قوناق
پرزیدنت اردوغان، آتاتورکون گمی‌سی ساوارونانی ایلک دفعه رسمی بیر گؤروشمه اوچون ایستیفاده ائتدی. تورکمنیستان دؤولت باشقانی قوربانقولو بئردی محمدووون آناسی‌نین راحاتسیز‌لیغی اوزرینه ایستانبول پروقرامینی لغو ائده‌رک اؤلکه‌سینه دؤنمه‌سی اوزرینه اردوغانلا ساوارونا گؤروشمه‌سی لغو اولدو. اردوغان دا، بوسنی و هرزگووین جمورباشقانلیغی شوراسی‌نین عضوو بکیر عزت بگوویچ ایله ییلدیز سارایینداکی گؤروشمه‌سینی ارکنه آلا‌راق ساوارونادا گرچکلشدیردی. ایکی‌لی ساوارونا ایله بوغازا آچیلدی. 28 مارس 1931.جی ایلده دنیزه ائندیریلن ساوارونا، ایندیکی واختدا دا دونیانین ان بؤیوک گمی‌لری آراسیندا یئر آلیر.
وطن قزئتی "4گ می‌ده
موبیل جیهازلاردان بو آنکینین 10 قاتی سرعتینده اینترنته گیرمه‌یی تامین ائده‌جک 4گ تکنولوژیسی اوچون مزایده، 3 آی ایچینده گئچیریله‌جک. نقلیات، دنیزچی‌لیک و خبرلشمه باخانی لوطفو ائلوان، "بو ایل ایچینده 4گ خیدمت‌لرینی وطنداش‌لاریمیزین خیدمتینه سوناجاق. بو خیدمتین گؤستریلمه‌سینده اعتباراً ده، 6 ایل ایچری‌سینده تورکیه اها‌لی‌سی‌نین ان آز یوزده 90ی، 8 ایل ایچری‌سینده ده ان آز یوزده 95ی 4گ احاطه ساحه‌سی ایچینه گیرمیش اولا‌جاق" دئدی. 4گ تورکیه‌ده 4.جو جی‌اس‌ام اوپراتورونا دا قاپی آرالاییر.
خبر تورک قزئتی "تورک بیلیم آدام‌لاری‌نین تاپدیغی خسته‌لیک طب لیتراتوروندا
تورک بیلیم آدام‌لاری یئنی بیر خسته‌لیک کشف ائدرک طب لیتراتورونا گیردی. یالنیز دیش اتی سوموگونون ایچینده اورتایا چیخان و تورکیه‌ده 4 نفرده گؤرولن خسته‌لییه سبب اولان ژنی حاجت‌تپه اونیورسیته‌سی بیلیم آدام‌لاری کشف ائتدی. دونیا ژن خسته‌لیک‌لری سیستمینه گیرن بو خسته‌لیک، تورک بیلیم آدام‌لاری‌نین کشفی اولا‌راق، تورکجه قارشی‌لیغی "سوموک ایچی دامار دفورماسیونو" اولان "اینترو اوسئوز واسکولر مالفورمیشین" آدییلا قید ائدیلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
