تورکیه مطبوعاتی اؤزتی 01.03.2015
چؤزوم پروسهسی توپلانتیسیندان پکاکایا 'سیلاحی بوراخین' چاغریسی چیخماسی خبرینه بوتون قزئتلر گئنیش اولاراق یئر وئریر.
ایستار "باریش باهاری"، یئنی شفق "سلاحلارا وداع چاغریسی"، حریت "باریش اوچون تاریخی چاغری"، وطن "سلاحی بوراخین"، صاباح "ایندی باریش زامانی" باشلیقلارینی ایستیفاده ائدرکن، خبر تورک قزئتی، "بو بیر چاغیریدیر" باشلیغییلا حکومت نمایندهلری ایله ح.د.پ هیاتینین، دولماباغچادا باشباخانلیق افیسینده بیر آرایا گلدیگینی یازیر. عبدالله اؤجالانین، 'سیلاح بوراخما یولوندا پکاکانی باهار آیلاریندا فوقع العاده کنگرهیه دعوت ائتدیگینی آچیقلایان ح.د.پ میلت وکیلی سیرری ثریا اؤندر، "باریشا هر زامانکیندن چوخ داها یاخینیق" دئدی. باشباخان معاوینی یالچین آکدوغان دا، چؤزوم پروسهسینه باغلی "سلاحلارین بوراخیلماسینا یؤنهلیک ایشلرین سرعت قازانماسینی، تام معناسییلا بیر ائیلمسیزلیین حیاتا گئچمهسی و دموکراتیک سیاستین بیر اصول اولاراق اؤنه چیخاریلماسی قونوسونداکی آچیقلامانی اهمیتلی گؤروروک. صمیمیت و جسارتله نتیجهیه چاتاجاغیمیزا اینانیریق" دئیه دانیشدی.
ایستار قزئتی "سلاح بوراخما چاغیریسیندا اهمیتلی اولان اویقولاما
پرزیدنت اردوغان، ح.د.پ هیاتی طرفیندن ائدیلن سلاح بوراخما چاغریسینی "چؤزوم پروسهسینده حسرتله گؤزلدیکلری" بیر گلیشمه اولدوغونو سؤیلهدی. "اؤنملی اولان اویقولامادیر" دئین اردوغان، "سلاح بوراخیلدیغی آندان اعتباراً ده ذاتا بو اؤلکهده دینجلیک، رفاه اورتامی چوخ داها فرقلی بیر شکیلده گلیشهجک" دئیه دانیشدی.
یئنی شفق "شدتین، سلاحین دیلی سونا چاتاجاق
پکاکایا سلاح بوراخما چاغیریسینی دگرلندیرن باشباخان احمد داووداوغلو، چؤزومون یئنی مرحلهیه گیردیگینی وورغولایاراق، "شدتین، سلاحین دیلی سونا چاتاجاق، دموکراتیک سیاستین اؤنو آچیلاجاق" دئدی.
صاباح قزئتی "ادبیاتیمیزین چینارینی ایتیردیک
حیاتی بویونجا باریشین ساوونوجوسو اولان مشهور یازار یاشار کمال 92 یاشیندا حیاتینی ایتیردی. یازارین، آغجیگر اینفکسیونو و اورک ریتیم پوزوقلوغو تانیسییلا معالیجه گؤردوگو خستهخانادا، سلاحلارین بوراخیلما چاغیریسی ائدیلدیگی گون حیاتا ویداع ائتمهسی تورکیهنی یاسا بوغدو. نوبل ادبیات اؤدولونه نامیزد گؤستریلن ایلک تورک یازار اولان یاشار کمالین اثرلری تخمینا 40 دیله چئوریلدی و خاریجده بؤیوک ماراق گؤردو.
یئنی شفق "تورکیه یوکسهلهجک آ.ب چؤکهجک
آمریکالی دوشونجه قورولوشو ایستراتفورون راپورونا گؤره، تورکیه اؤنوموزدکی 10 ایل ایچریسینده یوکسلیشینی داوام ائتدیرمهیه داوام ائدهجک. تورکیهنین بؤلگهسل بؤیوک بیر گوج اولاراق اورتایا چیخاجاغینی ساوونان ایستراتفور "آوروپا بیرلیگی پارچالارا آیریلیر و تک تک اکونومیلر ضعیفلر یا دا بعضی اؤلکهلر دوغویا یؤنلیرکن تورکیه بونو ائدهبیلهجک تک گوج اولاراق قالیب، بالکانلاردا وارلیغینی آرتیراجاق" تخمینی وئردی.
وطن "موزیکی 1 ساعاتدان چوخ دینلمهیین
دونیا ساغلیق هؤرگوتو(WHO)، بیر میلیاردی آشان گنجین اوزون مدتلرله یوکسک سسله موسیقی دینلدیگی اوچون ائشیتمه دویوسو ایتکیسینه اوغراما ریسکی ایله قارشی قارشییا اولدوغونو آچیقلادی. هؤرگوت، گونده 1 ساعات موسیقی دینلمهنین یئترلی اولدوغونو موسیقینین سسی چوخ آچیقسا، بونون بئله چوخ اولابیلهجیینی ایفاده ائدیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718889664)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.