تورکیه مطبوعاتی اؤزتی 28.02.2015
ایستار قزئتی: "تورک تیپی باشقانلیق بال کیمی اولور
پرزیدنت رجب طیب اردوغان، 'تورکیهنین دموکراتیک اولقونلوغو، باشقانلیق سیستمینه گئچیشی تامین ائدهجک سویهیه گلمیشدیر. گلهنک و گؤرنکلریمیزله چرچیولنمیش، یئنی باشقانلیق سیستمیمیزی اولوشدوراق. بیزه خاص باشقانلیق بال کیمی اولور' دئدی. "
صاباح قزئتی: "یئنی تورکیهنین مئگا پروژهسی
ایستانبول بوغازینین آلتیندان 3 قاتلی تونل پروژهسی دونن ایستارت آلدی. ائشی اولمایان پروژه اوچون باشباخان احمد داووداوغلو 'دونیا تورکیهنی حیرانلیقلا ایزلهیهجک' دئدی "
وطن قزئتی ده، "تریپلکس تونل
مارمارای و آوراسیادان سونرا بوغازا 6.5 کیلومنرلیک 3 قاتلی بؤیوک بالون گئچید یاپیلاجاق. 5 ایلده بیتهجک تونل گئچیشی 3 دلار اولاجاق."
خبر تورک قزئتی ایسه: "دونیادا ایلک: بوغازا اوچ قاتلی بالون
ایستانبولون 3.جو بالون گئچیدینین خرجی 3.5 میلیارد دلار اولاجاق. تونلدن گونده 120 مین واسطه گئچهجک. "
یئنی شفق قزئتی: "پولون باشکندی ایستانبول اولاجاق
ایستانبول تیجارت اوتاغی ایتو، ایستانبولون قلوبال سویهده تیجارت و یاتیریم مرکزی اولماسی اوچون چالیشاجاق. حاضیرلادیغی قلوبال میقیاسلی و یئددی آیاقلی یئنی ویزیون ایله دونیا قایناقلارینین آنا خطینی ایستانبولا باغلایاجاقلارینی سؤیلهین ایتو باشقانی ابراهیم چاغلار، "قلوبال میقیاسلی بیر آددیم آتیر و پولون باشکندی ایستانبول دئییریک' دئدی. "
حریت قزئتی: "ساوونما رکوردو
تورکیهنین عمومی صادراتی یوزده 4،3 آرتارکن، ساوونما صنایعی صادراتی یوزده 18، 7 یوکسهلهرک 1.6 میلیارد دلارا چیخدی. ساوونما صنایع مشاویری اسماعیل دمیر، '2023.جو ایل هدفیمیز 25 میلیارد دلار، بو هدفه چاتماق اوچون یوزده 20 آرتیشلار لازیم دئدی. "
میلیت قزئتی: "سیواسدا ماذونیت هیجانی!
سیواس پلیس مسلک یوکسک اوخولو و ائییتیم مرکزیندکی 4 آیلیق ائییتیم چالیشمالارینی تاماملایان 190 افغانستانلی قادین پلیس ماذون اولدو. "
میلیت قزئتی: "آ.ب چؤکهجک تورکیه یوکسهلهجک
کؤلگه سیآیای اولاراق بیلینن آمریکالی دوشونجه قورولوشو ایستراتفور، دونیا سیاستینه دایر 10 ایللیک اؤنگؤرولر وردی. بونا گؤره آوروپا بیرلیگی داغیلاجاق، تورکیه ایسه یوکسهلهجک. ایستراتفورون راپوروندا آمریکانین ایسه دونیانین ان بؤیوک گوجو اولماغا داوام ائدجیی وورغولاندی. "
خبر تورک قزئتی: "موسکوا فاتحی
فنرباخچا اولکر، 20 اویون اؤنجه موسکوادا ایلک مغلوبیتینی داددیردیغی ج.س.کانی یئنه ائوینده 75-81 حسابلا ییخدی. ان.بی.ای اولدوزو کیریلئنکو ایله گوجلنن رقیبینی مدهیش اویونلا دئویریب، تورک هاوا یوللاری یورولیگ تاپ 16 ف گروبوندا اوست اوسته 8.جی ائو دیشی قالیبیتینی آلدی، گؤزونو ذیروهیه تیکدی. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718932815)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.