تورکیه مطبوعاتی اؤزتی 21.02.2015
صاباح قزئتی: "پرزیدنت اردوغان، باشقانلیق مدلینین آدینی قویدو: لیدئرلیک سیستمی
"پرزیدنتی رجب طیب اردوغان، تورکیهنین باشقانلیغا گئچمهسینین تام زامانی دئدی و علاوه ائتدی: "مؤوجود سیستم بیزه دار گلیر، لیدئرلیک سیستمی شرط"
یئنی شفق قزئتی، "لیدئرلیک سیستمی
مؤوجود سیستمین اؤلکهیه دار گلدیگینی سؤیلهین اردوغان، "داها سرعتلی قرار آلماغی تامین ائدهجک سیستمه احتیاج وار. بونون آدی لیدئرلیک سیستمیدیر دئدی. "
ایستار قزئتی، "ت.پ.آ.اودان پاکیستانلا طبیعی گاز قارداشلیغی
باشباخان احمد داوودوغلونون پاکیستان گزیسینده اؤنملی بیر آنلاشمایا ایمضا آتان تورکیه پتروللاری آنونیم اورتاقلیغی (ت.پ.آ.او)، بو اؤلکهده طبیعی گاز و قایا گازی آختاراجاق. هیندیستان ایله ده بنزر بیر امکداشلیق اوچون دانیشیقلاری داوام ائتدیرن ت.پ.آ.او، آفریقا آچیلیمی چرچیوهسینده موزامبیک و آنگولا ایله ده ماراقلانیر ."
یئنی شفق قزئتی "جئیهانا 280 میلیون تن نفت
باکی-تفلیس-جئیهان (بتج) نفت کمری ایله 2006.جی ایلدن 2014 سونونا قدر 280 میلیون تن خام نفت داشیندی. بو دؤورده جئیهانا داشینان نفت 2 مین 793 تانکرله دونیا بازارلارینا گؤندریلدی. یالنیز گئچن ایل داشینان نفت میقداری 262 میلیون بوشقا، یعنی 34،8 تن اولدو. "
ایستار قزئتی، ایستانبول، ام.آی.پی.آی.امده گؤوده گؤستریسینه حاضیرلاشیر
فرانسانین کن شهرینده 26.جیسی گئچیریلهجک دونیانین ان بؤیوک املاک سرگیسی اولان ام.آی.پی.آی.ام سرگیسینده ایستانبول ایلک دفعه، آوروپانین گؤزده شهرلری ایله عینی پلاتفورمو پایلاشاجاق. لندن، پاریس و آمستردام کیمی شهرلرله بیرلیکده ایستانبول دا مارکاسینی یاتیریمچیلارا سوناجاق. 10-13 مارس تاریخلری آراسیندا تشکیل ائدیلهجک اولوسلارآراسی داشینمازلار سرگیسینه 93 اؤلکه قاتیلیر. "
حریت قزئتی، "یورو بؤلگهسی مالیه باخانلاری یونانیستان اوچون 3.جو دفعه توپلاندی. مرکلین دئدیگی اولدو
"یونانیستان ایله یورو بؤلگهسی مالیه باخانلاری سونوندا آنلاشمایا واردی. آتن مالیه پروگرامینین 6 آی اوزادیلماسینی ایستهدی اما یورو بؤلگهسی باخانلاری 4 آی اوزاتما وئردی. آلمانیانین ایستهدیگی کیمی اسکی پروگرام اساسیندا کنترل داوام ائدهجک. یونانیستان ایسه یوکلو اؤدمهیه قارشی زامان قازانمیش اولدو."
میلیت قزئتی، "2015 مدل قونودلار
2013 و 2014 ایللرینده ذیروهیه اوتوران اینشات سئکتورو، 2015.جی ایلده ده ادعاسینی داوام ائتدیریر. فیرمالار، مارس آییندان اعتباراً یئنی پروژهلرینی ساتیشا چیخاراجاق. ائو آلیجیسی ایسه یئنی پروژه آوانتاژلارینی گؤزلییر. "
ایستار قزئتی، "3.1 میلیارد دلار صادرات ائدن سئکتورون سرگیسی
گئچن ایل 3.1 میلیارد دلارا چاتان تورکیه جواهیرات صادراتینا جدی قاتقی یارادان، اولوسلارآراسی ایستانبول جوری شو "Jewelry show" سرگیسی، 12 مارسدا قاپیلارینی آچیر. 110و آشان اؤلکهدن جواهیرات سئکتورو پروفسیونلینین تعقیب ائتدیگی سرگی 15 مارسا قدر آچیق قالاجاق. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718989796)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.