تورکیه مطبوعاتی اؤزتی 17.02.2015
ایستار: "مولانا پرگار ایلهام وئردی. گئدیلممیش اؤلکه قالمایاجاق "
پرزیدنت اردوغان دونیا ایکینجیسی اولان مسئول لارا مولانانین پرگار بنزدمهسی ایله سسلندی. ائتدیگی کولومبیا، کوبا و مکزیک زیارتلرینه دقت چکهرک تیکینتیچیلرین دونیایا داشیماغا داوام ائدهجگینی ایضاح ائدن اردوغان، 'گئتدیگیمیز هر یئره ایش آداملارییلا بیرلیکده گئدیریک. گیدیلممیش اؤلکه قالمایاجاق، ال آتیلمامیش ایش قالمایاجاق 'دئدی. اردوغان، دونیانین ان بؤیوک 250 بین الخالق تیکینتیچیسی لیستهسینده یئر آلان 42 تورک فیرماسینا موکافات وئردی.
خبر تورک: "فوکوسدان آی اولدوزلو قاپاق"
آلمانین هفتهلیک خبر و ماگازین ژورنالی فوکوس بو هفتکی قاپاغینی 'ایسلام آلمانا اویور مو؟' موضوعسونا آییردی. 13 صحیفهلیک یازیدا ایسلامین آلمانا نه قدر اویدوغو آراشدیریلدی. یازیدا ایسلامی درنکلر تانیدیلیرکن، درنک نمایندهلرینین، ژورنالیست و یازارلارین فیکیرلرینه یئر وئریلدی. دیگر طرفدن ایسلام علیهداری عرقچی پئگیدا حرکتینین وئردیگی ضرر ده یازییا موضوع ائدیلدی.
یئنی شفق: "تورکیه ایشگوجونه اوروپا بیرلییگنین 17 اؤلکهسینی گئریده بوراخدی، تورکیهده گنج ایشسیزلیک اوروپا بیرلیگیندن آز"
تورکیه نوامبر آییندا یوزده 19،9 اولاراق حسابلانان گنج ایشسیز نیسبتیله چوخ سایدا اوروپا بیرلیگی اؤلکهسیندن داها یاخشی پرفورمانس گؤستردی. اوران، اوروپا بیرلیگی اؤلکهلرینده اورتالاما یوزده 21،6. یورو بؤلگهسینده ایسه یوزده 23،2 سویهسینده. اوروپا ایستاتیستیک اوفیسی (یوروستات) معلوماتلارینا گؤره اوروپا اؤلکهلرینین استخدام یاشادیغی چتینلیک خصوصیله گنج ایشسیزلیک اولاراق اؤزونو گؤستررکن تورکیه گنج ایشسیزلیکده باشاریلی بیر تالونا صاحب.
وطن: "تورکیه BRIC اؤلکهلریندن داها یاخشی"
فیج راتینگس دیرکتورو پاول راوکینس، تورکیهنین اقتصادی گؤرونوشونون بریک اؤلکهلری برزیل، روسیا، هیندیستان و چینه مقاییسهده مثبت اولدوغونو ایفاده ائدهرک تورّممون ایل سونوندا 6،5-ا، 2016دا ایسه 5،5ه گئریلمهسینین گؤزلنیلدیگینی ایفاده ائتدی راوکینس، 'تورکیه بریک اؤلکهلرینه گؤره داها یاخشی بؤیومه گؤرونوشونه صاحب. اینکیشاف ائتمکده اولان بیر بازار وار' دئدی.
صاباح: "گیزلی طبیعت جنّتی، گئییک کانیونو"
موغلانین اولا منطقهسینده اولان و گیزلی طبیعت جنّتی اولاراق کاراکتریزه ائدیلن 20 کیلومتر اوزونلوغونداکی 'گئییک کانیونو زیارتچیلرینی سانکی اووسونلاییر. موغلا فوتوغراف و سینما آماتؤر درنکی عضوو 80 آدام، هفته سونو اولا منطقهسیندکی گئییک کانیونونو کشفه چیخدی. گزییه قاتیلانلار کانیونون بنزرسیز گؤزللیکدکی شلاللرینی، ایریلی خیردالی ماغارالارینی، اندمیک بیتکی اؤرتوسونو و چؤل کئچیلرینی گؤستردی. طبیعی گؤزللیگه حیران قالان زیارتچیلر، کانیونون تورکیهنین سایلی معجزه کانیونلاریندان بیری اولدوغونو سؤیلهدی.
میللیت: "اوروپا Snowboard شامپیونلوغو کایسریده ائدیلدی"
کایسرینین ارجیس داغی، اوروپا Snowboard شامپیونلوغونا ائو صاحبلیگی ائدهرک تورکیهده قیش ایدمانلاری آدینا بیر قانون ایمضا آتدی. 14-15 فوریهده تشکیل ائدیلن و ایلک دفعه تورکیهده رئاللاشان فیس اوروپا Snowboard شامپیونلوغونا 8 اؤلکهدن 44 ایدمانچی ایشتیراک ائدیب. کیشیلر کاتقوریسینده ایتالیا، قادینلاردا دا سوئد بیرینجی اولدو. اسکی کایسری بلدیه باشقانی محمت اؤزهاسکی ارجیسین کایسری ایله اینتقره اولاراق گلیشمهسی اوچون یئنی پروژهلره باشلادیقلارینی، ارجیس داغی اوچون 150 میلیون آورولوق سرمایه ائتدیکلرینی سؤیلهدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718969078)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.