تورکیه مطبوعاتی اؤزتی 13.02.2015
ایستار "اوبامایا سسلنیرم 'هارداسان پرزیدنت" "
پرزیدنت رجب طیب اردوغان، آمریکا رهبرلیگینین 3 مسلمان جینایتینه سسسیز قالماسینا مکزیکدن آغیر اعتراض گؤستردی. اردوغان، "آمریکادا 3 مسلمان گنج اؤلدورولدو. خصوصیله پرزیدنت اوبامایا سسلنیرم. 'هاراداسان باشقان دئییرم. حؤرمتلی کرریه، بایدنین آچیقلاما ائتممهسی معنالیدیر. بو اینسانلار تروریست دئییل. بیز سیاستچیلر اؤلکهمیزده ایشلنن جینایتلردن مسئولوق. سئسسیز قالیراسینز ، دونیا دا سیزه سسسیز قالاجاق. "دئدی.
صاباح "گؤزیاشلاری اؤلن اوچ مسلمان گنج اوچون"
آمریکاین شمالی کارولینا ایالتینده اؤلدورولن 3 مسلمان گنج اوچون نیویورکدا آنما مراسیمی تشکیل ائدیلدی. گنجلرین قبری 6 مین آدامین قاتیلدیغی جنازه نامازینین آردیندان دفن ائدیلدی.
یئنی شفق "45 میلیارد دولارلیق طبیعی گاز دهلیزی"
انرژی و طبیعی قایناقلار ناظیری تانر ییلدیز، تورکیهنین انرژی سیاست و استراتژیلرینی قتیتله داوام ائتدیرهجکلرینی سؤیلهدی. ییلدیز، آذربایجانین باشکندی باکیدا تشکیل ائدیلن گونئی گاز دهلیزی دانیشما قورولو کونفرانسیندا، بو دایانیقلیلیغی گونئی قاز کوریدوروندا دا داوام ائدهجگینی ایفاده ائتدی. ییلدیز، 45 میلیارد دولارلیق پروژه ایله اوروپانین گاز تامینینین قارشیلاناجاغینی قید ائتدی. ییلدیز، گونئی گاز دهلیزینین بیر آیاغی اولان تاناپ پروژهسینین، تعیین اولونان پروقرامدان داها سرعتلی ایرلیلدیگینی بیلدیریب.
حریت "دونیانین انرژیسینه بیرول باشقان"
دونیانین ان اهمیتلی انرژی قورولوشلاریندان بین الخالق انرژی آژانسی(IEA) باشقانلیغینا دوکتور فاتیح بیرول سئچیلدی. بیرول، بو وظیفهیه 29 عضو اؤلکهنین یئکدیللیکله سئچیلن ایلک پرزیدنت اولدو. آیریجا بو مقاما اوتوران ایلک تورک اولاجاق. بیرول ائتدیگی آچیقلامادا، "بو وظیفهیه سئچیلممدیر منیم و عائلهم اوچون اولدوغو قدر تورکیه اوچون ده غورور وسیلهسی اولدوغونو دوشونورم" دئدی.
خبر تورک "اوبزیتهیه ژن نقشهسی چیخاریلدی"
بیلیم اینسانلاری، 300 مین نفرین دی.ان.آ-لارینی آراشدیراراق اوبزیتهنین ایندییه قدرکی ان بؤیوک ژن نقشهسینی تعیین ائتدی. بو سایهده بعضی اینسانلارین نیه کیلو آلماغا میللی اولدوغونا جواب آختاریلاجاق.
صاباح "ایف ایستانبول 'بؤیوک گؤزلرله باشلادی"
14. ایف ایستانبول بین الخالق مستقیل فیلملر فستیوالی Tim Burton-ون بؤیوک گؤزلر (Big Eyes) فیلمیله آچیلدی. 22 فوریهیه قدر داوام ائدهجک فستیوالدا سینماسئورلر برزیلدن اندونزییه، هیندیستاندان کنیایا 42 اؤلکهدن 115 فیلمی ایزلمه ایمکانی تاپاجاق. ایف ایستانبول، 26 فوریه-1 مارس آراسیندا دا آنکارا و ایزمیرده سینماسئورلرله گؤروشهجک.
ایستار "آلمانلارین نامیزدی پکینل قارداشلار"
دونیانین نفوذلو موسیقی تنقیدچیلری طرفیندن 1980-جی ایلدن بری تشکیل ائدیلن "آلمان وال تنقیدچیلری اؤدولو"، 2015-جی ایلین ان یاخشیلارینی سئچجیی نامیزد لیستهسینی آچیقلادی. توپلام 32 کاتقوری وئریلن اؤدوللره " Gühər & Süher Pekinel und Zubin Mehta in Concert " آلبومو دا نامیزد گؤستریلدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718960808)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.