تورکیه مطبوعاتی اؤزتی 10.02.2015
تورکیه مطبوعایت اؤزتی 10.02.2015
خبر تورک قزئتی، "باشقانلیق سس وئریلهجک" باشلیقلی خبرینده پرزیدنتی اردوغانین کولومبیا یولوندا اهمیتلی آچیقلامالار اولدوغونو یازیر. قزئت، اردوغانین 7 ژوئندکی پارلامنت سئچیملرینده تورکیه باخیمیندان بیر قیریلما دؤورو یاشاناجاغینی سؤیلهدیگینی یازیر. خبرده، اردوغانین آنایاسا دییشیکلیگی اوچون کافی اکثریتین تامین ائدیلمهسی و پرزیدنت سیستمینین گتیریلمهسی باخیمیندان اهمیت داشییان بیر سئچیم اولاجاغی وورغوسو ائتدیگینه یئر وئریلیر.
صاباح قزئتی، اوروپانین انرژی پلانینی دییشدیرهجک 'تورک انرژ خطی " اوچون آختاریمالارینین داوام ائتدیگینی یازیر. قزئت، انرژی و طبیعی قایناقلار ناظیری تانر ییلدیز ایله ایستانبولدا بیر آرایا گلن روس گازپروم شیرکتینین صدری آلکسی میللرین 'تورک انرژی خطی " پروژهنین بلیرلنمهسی اوچون هلیکوپتر ایله تور آتدیغینا یئر وئریر. خبرده، 2040لی ایللرده قلوبال انرژی طلبی یوزده 37 جیواریندا بیرآرتیم اولاجاغینی وورغولایان تانر ییلدیزین، تورکیهنین یوز ایللیک انرژی یاتیریمیندان داها چوخونو اون ایکی ایلده ائتدیگی و 2023ه قدر ده بو یاتیریم ایکی قاتینا چیخارماغی دوشوندوکلری یؤنوندکی آچیقلاماسینی یازیر.
یئنی شفق قزئتی: "پولون مودیرلری ایستانبولدا" باشلیغییلا وئردیگی خبرینده، 21 اؤلکهدن 16 ناظیرین گ-20 توپلانتیلاری اوچون ایستانبولدا اولدوغونو پایلاشیر. قزئت، اولوسلار آراسی 4 قورولوشون دا یئر آلدیغی و باش ناظیر معاوینی علی باباجانین باشقانلیق ائتدیگی اجلاسین بو گون سونا چاتاجاغینی یازیر. خبرده، علی باباجانین اجلاس اوچون گلن آمریکا مرکز بانکی باشقانی ژانت الن ایله بیر آرایا گلدیگی معلوماتینی وئریر.
ایستار قزئتی: "گنجلیگین اونودقانلیق سببی ویتامینسیزلیک" باشلیغییلا پایلاشدیغی بیر خبرده، متخصصلرین ایندیکی واختدا گنجلر اوچون جدی بیر پروبلم حالینا گلن اونودقانلیغین دمانس یا دا آلزایمر ایله قاریشدیریلماماسی لازیم اولدوغونو سؤیلهدیگینه یئر وئریر. قزئت، متخصصلرین هر فردین فردی خصوصیتلرینه و تحصیل وضعیتینه گؤره ذهینی چالیشدیراجاق مشقلرین فرقلیلیگینه ایشاره ائتدیگینی یازیر. خبرده، کیمینه گؤره کیتاب و قزئت اوخوماق یاخشی بیر مشق ایکن، کیمینه گؤره هر آی بیر موضوع اوزرینده آراشدیرما ائدیب یازماغین، کیمینه گؤره ایسه دیل اؤیرنمهنین و بیلگیسایار اویونلاری اوینامانین یاخشی گلهجگی تکلیف ائدیلیر.
حریت قزئتی: "کاسیب آفریقانین کوپاسی دا پول ائتمیر" باشلیقلی ایدمان خبرینده 'آفریقا میللتلر کوپاسی" فینالیندا غنایا پنالتیلارلا اوستونلوک ائدهرک شمپیونلوغا چاتان فیل دیشی ساحیلینین آفریقا فوتبال کونفدراسیونو (CAF) طرفیندن 15 میلیون دولار ایله موکافاتلاندیریلدیغینی یازیر. قزئت، دونیا کوپاسیندا شامپیون آلمانین 35 میلیون دولار، اوروپا کوپاسی شامپیونو ایسپانیانین ایسه 23 میلیون اورو ایله موکافاتلاندیریلدیغینی، آفریقا شمپیونو فیل دیشی ساحیلینین موکافاتینین ایسه بونلارین یانیندا اولدوقجا آشاغی قالدیغینی یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.